تەقینەوەکانی ٢٠٢١ی بەغدا

لە ئینسایکڵۆپیدیای ئازادی ویکیپیدیاوە
(ڕەوانەکراوە لە تەقینەوەکانی بەغدا ٢٠٢١ەوە)
Jump to navigation Jump to search
تەقینەوەکانی ٢٠٢١ی بەغدا
Baghdad bombings aftermath - Jan 2021 19.jpg
وڵاتعێراق
دابەشکاریی کارگێڕیپارێزگای بەغدا
جێBab Al-Sharqi
پۆتانی شوێن٣٣°١٩′٥١″N ٤٤°٢٤′٤٥″E
کاتی ڕوودان٢١ی کانوونی دووەمی ٢٠٢١
Armamentexplosive belt

تەقینەوەکانی ٢٠٢١ی بەغدا ھێرشێکی تیرۆریستی بوو کە دوو خۆکوژ لە بازا لە گۆڕەپانی تەیەران لە ناوەڕاستی بەغدای عێراق ئەنجامیان دا.[١] ھێرشەکان بەلایەنی کەمەوە ٣٢ کەس کوژران و ١١٠ کەسی دیکەش برینداربوون[٢] ھێرشێکی دەگمەن بوو لە شاری بەغدای پایتەختی عێراق، چونکە لە دوای شکستی دەوڵەتی ئیسلامی عێراق و شام لە ساڵی ٢٠١٧ەوە شاری بەغدا ھیچ ھێرشێکی لەو جۆرەی بە خۆوە نەبینیوە[٣] بەھۆی ئەم تەقینەوەیە مستەفا کازمی سەرۆک وەزیرانی عێراق کۆبوونەوەیەکی بەپەلەی لەگەڵ فەرماندە باڵاکانی ناوخۆ و بەرگری عێراق ڕێکخست بڕیاریداوە ھەنگاو بنێت بۆ گۆرینی ھەندێک لە بەرپرسانی ئەمنی و ھەواڵگرییەکان.[٤]

ڕووداوەکە[دەستکاری]

بەپێی بەیاننامەیەکی وەزارەتی ناوخۆی عێراق، یەکەم خۆکوژ لەبازاڕی بالیە خۆی تەقاندووەتەوە، کە بازاڕێک جلوبەرگی تێدا بەکارھاتوو دەفرۆشرێت، گۆڕەپانی تەیەران لەناوەڕاستی بەغدا کەسێک " پاش ئەوەی بانگەشەی نەخۆشبوونی دەکردو خەڵک لەدەوری کۆدەبوونە " خۆی تەقاندەوە پاشان خۆکوژێکی تر " دوای ئەوەی خەڵک کۆبووەوە بۆ گواستنەوەی ئەو قوربانیانەی کە لەتەقینەوەی یەکەمدا برینداربوون " خۆی تەقاندەوە.

بەرپرسیارێتی[دەستکاری]

دەوڵەتی ئیسلامی لە عێراق و شام بەرپرسیارێتی خۆی لە تەقینەوەکان ڕاگەیاند. ئەمەش دوای تێپەڕبوونی چەند کاتژمێرێک لەو ڕووداوە ڕایگەیاند کە ڕێکخراوەکەیان موسڵمانە شیعەکانی کردووەتە ئامانج.[٥][٦]

کاردانەوەکان[دەستکاری]

ناوخۆیی[دەستکاری]

  • بەرھەم ساڵح سەرۆک کۆماری عێراق لە تۆری کۆمەڵەیەتی تویتەر پەیامێکی داناو وتی "تەقینەوەکانی ئەمرۆ بۆ لێدان بووە لە دەستکەوتە نیشتمانییەکان گەورەکان، ئێمە بەتووندی بەرامبەر ئەو ھەوڵانە دەوەستینەوە کە دەیانەوێت نائارامی لە وڵاتدا دروستبکەن داوا لە خودا دەکەم قوربانییەکان بخاتە بەردەم میھرەبانی خۆی و، شیفای بریندارەکان بدات".
  • د. بەشیر خەلیل حەداد جێگری سەرۆکی ئەنجوومەنی نوێنەرانی عێراق: "بە توندی ئەو کردەوە تاوانکارانە سەرکۆنە دەکەین و داواش لە فەرماندە ئەمنییەکانی بەغدا دەکەین، بە زووترین کات ڕێکاری ئەمنی توند بگرنە بەر و کار بکەن بۆ دۆزینەوەی شانە نووستووەکانی تیرۆرستان".[٧]
  •  کوردستان: سەرۆکایەتی ھەرێمی کوردستان: " بەتوندی سەرکۆنەی ئەو ھێرشە تیرۆریستییە خۆکوژییە دەکەین کە ئەمڕۆ لە بەغدا بە شێوەیەکی زۆر دڕندانە ھاوڵاتیانی عێراقی کردە ئامانج و ژمارەرەیەکی زۆریان شەھید و بریندار بوون "[٨]

نێودەوڵەتی[دەستکاری]

  •  نەتەوە یەکگرتووەکان: نێردەی نەتەوە یەکگرتووەکان لە عێراق لە تویتێکدا ڕایگەیاند «ئەم کردە چەپەڵانە نابنە ھۆی لاوازکردنی کاروانی عێراق بەرەو سەقامگیری و خۆشگوزەرانی».
  •  ئێران: محەممەد جەواد زەریف، وەزیری دەرەوەی ئێران لە تویتێکدا ڕایگەیاند «لە تەقینەوە تیرۆریستییەکانی بەغدادەوە بۆ پێڵاو لێستنەوەی نەتەنیاھوو ھەموویان یەک ئامانجیان ھەیە: سەرۆکێکی دیکەی ئەمریکا بخەنە تەڵەوە بۆئەوەی خوێن و سامانی ئەمریکا لە ڕووبەڕووبوونەوەی ئێراندا خەرجبکات».
  •  تورکیا: وەزارەتی دەرەوەی تورکیا لە بەیاننامەیەکدا ئیدانەی کرد و ڕوونی کردەوە کە بە خەم و خەفەتی قووڵەوە ھەواڵی قوربانیی تەقینەوە تیرۆریستەیەکانی پێگەیشتووە. وەزارەتی دەرەوە سەرەخۆشی بۆ حکوومەت و خەڵکی عێراق دەڕبڕی و لە لێدوانەکەدا پشتگیری تورکیا بۆ عێراق لە شەڕی دژی ڕێکخراوە تیرۆریستییەکان دووپات کردەوە.
  • Flag of Saudi Arabia.svgعەرەبستانی سعوودی: وەزارەتی دەرەوەی سعودیە لە ڕێگەی تویتتێکەوە تەقینەوەکانی بەغدای شەرمەزار کرد و وتی: «تەقینەوە خۆکوژییەکەی ناو مەیدانی تەیەران لە ناوەندی بەغدای پایتەختی عێراق بەتوندی ئیدانە و مەحکوم دەکەین کە دەیان کوژراو و برینداری لێکەوتەوە»
  • ئەنجوومەنی ھاریکاری وڵاتانی کەنداو ئیدانەی ئەو ھێرشەی کرد و نایف ئەلحاجرەف ئەمینداری گشتی " پرسەو سەرەخۆشی و ھاوخەمی بۆ کەسوکاری قوربانیان پێشکەش کردو ھیوای چاکبوونەوەی خێرای بۆ بریندارەکان خواست " ”[٩]

سەرچاوەکان[دەستکاری]

  1. ^ "ساحة الطيران وسط بغداد: عشرات القتلى في تفجيرين انتحاريين في سوق للملابس المستعملة". bbc. لە ڕێکەوتی 21ی کانوونی دووەمی 2021 ھێنراوە. 
  2. ^ "تەقینەوەی خۆکوژیی بەغدا: 32 کوژراو و 110 بریندار ھەن". rudaw. لە ڕێکەوتی 21ی کانوونی دووەمی 2021 ھێنراوە. 
  3. ^ "Suicide Bombing in Crowded Baghdad Market Kills at Least 32". nytimes. لە ڕێکەوتی 21ی کانوونی دووەمی 2021 ھێنراوە. 
  4. ^ "کازمی کۆبوونەوەیەکی بەپەلەی ڕێکخست". kurdistan24. لە ڕێکەوتی 21ی کانوونی دووەمی 2021 ھێنراوە. 
  5. ^ "Iraq bombing: IS says it was behind deadly suicide attacks in Baghdad". BBC News. 22 January 2021. لە ڕێکەوتی ٢٢ی کانوونی دووەمی ٢٠٢١ ھێنراوە. 
  6. ^ "Islamic State claims responsibility for Baghdad's suicide attack". Reuters. 22 January 2021. لە ڕێکەوتی ٢٢ی کانوونی دووەمی ٢٠٢١ ھێنراوە. 
  7. ^ "د. بەشیر حەداد سەرکۆنەی کردەوە تیرۆرستییەکەی بەغدا دەکات". kurdistan24. لە ڕێکەوتی 21ی کانوونی دووەمی 2021 ھێنراوە. 
  8. ^ "سەرۆکایەتی ھەرێم سەرکۆنەی ھێرشە تیرۆریستییەکانی بەغدا دەکات". kurdistantv. لە ڕێکەوتی 21ی کانوونی دووەمی 2021 ھێنراوە. 
  9. ^ "Saudi Arabia, GCC condemn twin suicide bombing in central Baghdad". arabnews. لە ڕێکەوتی 22ی کانوونی دووەمی 2021 ھێنراوە.