پارێزگای بەغدا

پارێزگای بەغدا
بە عەرەبی: محافظة بغداد
ناو بە زمانی فەرمی	بغداد
وڵات	عێراق
پایتەخت	بەغدا
دابەشکاریی کارگێڕی	عێراق
ناوچەی کاتی	UTC+03:00
پۆتانی شوێن	٣٣°٢٠′٠″N ٤٤°٢٦′٠″E
دانیشتووان	٩٬٧٨٠٬٤٢٩
بەرزی لە ئاستی دەریا	٣٤ مەتر
ھاوسنوورە لەگەڵ	پارێزگای ئەنبار، پارێزگای بابل، پارێزگای دیالە، پارێزگای سەلاحەددین
زمانەکان	شێوەزاری ئاشووری-ئارامی مۆدێرن، خوارین، Neo-Mandaic، زمانی مەندایی
ڕووبەر	٢٠٤٫٢ کیلۆمەتر چوارگۆشە
وێبگە	http://www.baghdad.gov.iq/
لە ویکیدراوە دەستکاریی زانیارییەکان بکە

پارێزگای بەغدا (بە عەرەبی:محافظة بغداد)یەکێک لە پارێزگاکانی عێراقە و کەوتووەتە ناوەندی ئەم وڵاتە. ناوەندی پارێزگاکە شاری بەغدایە. بەپێی سەرژمێرییەکانی ساڵی ٢٠٢٦ ژمارەی دانیشتووانی ٨٬٣٧٠٬٤١٠ کەس بووە.

وەسف

پارێزگای بەغدا یەکێکە لە گەشەسەندوترین ناوچەکانی عێراق، کە خاوەنی ژێرخانێکی باشترە لە زۆربەی ناوچەکانی تری عێراق، ھەرچەندە بەھۆی داگیرکارییەکەی ساڵی ٢٠٠٣بە سەرۆکایەتی ئەمریکا و بەردەوامی توندوتیژییەکان لەکاتی شەڕی عێراقدا زیانێکی زۆری بەرکەوتووە. پێشتر یەکێک بوو لەو شوێنانەی کە بەرزترین ڕێژەی تیرۆری ھەبوو لە جیھاندا بەھۆی ھێرشە خۆکوژییەکانەوە، بەڵام ھێرشە تیرۆریستییەکان لەوەتەی تێکشکاندنی سەربازیی دەوڵەتی ئیسلامی لە عێراق لە کۆتایییەکانی ساڵی ٢٠١٧دا دەگمەن بوون.

بەغدا لایەنی کەم ١٢ پردی ھەیە کە بەسەر ڕووباری دیجلەدا دەپەڕنەوە و ڕۆژھەڵات و ڕۆژاوای شارەکە بەیەکەوە دەبەستنەوە. باکووری ڕۆژھەڵاتی پارێزگاکە چەندین زۆنگاوی مێزۆپۆتامیا لەخۆدەگرێت.

قەزای سەدر چڕترین ناوچەی نیشتەجێبوونە لە سەرانسەری عێراقدا.

کارگێڕیی پارێزگا

بەغدا لەلایەن ئەنجومەنی پارێزگای بەغداوە بەڕێوەدەبرێت. نوێنەرانی ئەنجومەنی پارێزگای بەغدا لەلایەن ھاوتاکانیانەوە لە ئەنجومەنە نزمترەکانی قەزا کارگێڕییەکانی ناو بەغدا ھەڵبژێردران، بە ژمارەیەک کە ھاوڕێژە بێت لەگەڵ ژمارەی دانیشتووانی ئەو قەزایانەی کە نوێنەرایەتییان دەکرد.