تالیس

لە ئینسایکڵۆپیدیای ئازادی ویکیپیدیاوە
باز بدە بۆ: ڕێدۆزی، گەڕان
تالیسی میلیتوس
Thales of Miletus
لەدایکبوون ٦٢٤ پ.ز
مردن ٥٤٦ پ.ز
نەتەوە یۆنانی
سەردەم فەلسەفەی پێش سوقرات
ناوچە فەلسەفەی ڕۆژئاوایی
بایەخی داوە بە بیرکاری، گەردوونناسی، فەلسەفەی ئەخلاق، مێتافیزیک
بیرۆکە گرنگەکان بیردۆزی تالیس

تالیسی میلیتوس (بە ئینگلیزی: Thales of Miletus) فەیلەسووف و بیرکاریزان و گەردوونناسێکی یۆنانی بوو لە میلیتوس لە ئاسیای بچووک کە دەکاتە میلەتی ئێستای وڵاتی تورکیا. تالیس دادەنرێت بە یەکێک لە حەوت بیرمەندە گەورەکانی یۆنان. زۆرێک لە فەیلووسوفان بە تایبەتی ئەرەستوو دایدەنێن بە یەکەم فەیلەسووف لە کلتووری یۆنانیدا. وە هەروەها ناسراوە بە یەکەم کەس لە شارستانییەتی ڕۆژئاوا کە خەریک بووبێت بە بیرۆکەی زانستییەوە. 

لە بیرکاریدا، تالیس زانستی ئەندازەی بەکار هێناوە بۆ پێوانەکردنی بەرزی هەرەمەکان و دووری کەشتییەکان لە کەناری دەریاوە. هەروەها ناسراوە بە یەکەم کەس کە دۆزینەوەیەکی بیرکاری درابێتە پاڵ. 

ژیان[دەستکاری]

ئەو زانیارییانەی کە ئێستا لەبەر دەستتدان ئاماژە بەوە دەکەن کە تالیس لە شاری میلیتوس لە ناوەندی ساڵەکانی ٦٢٠ کانی پێش زاییندا لە دایکبووبێت.