بەلۆچستان
پۆتانەکان: 28°53′N 64°25′E / 28.883°N 64.417°E
بەلۆچستان ناوچەیەکی ئاسیاییە کە لە ڕۆژئاواوە بە سەر ئێران، لە باکوورەوە بەسەر ئەفغانستان و لە ڕۆژھەڵاتەوە بە سەر پاکستاندا دابەشکراوە.
بەلۆچستان ناوچەیەکی وشک، بیابانی، پڕ لە گڕکانە. لە ڕۆژئاواوە تا زنجیرە چیاکانی "بام" درێژەی ھەیە. لە باکووری ڕۆژھەڵات، بەرزایییەکانی سوڵەیمان لە "پەنجاب"ی جیا دەکاتەوە. لە باشووری ڕۆژھەڵاتەوە، زەنجیرە چیای "خرتار" تا بیابانی "خەرتان" کە دەگاتە لای زەریای "عەمان" سنووری بۆ دادەنێ. لە ڕۆژھەڵاتەوە دەگاتە چۆمی ئەندووس و سنوورەکانی "کەراچی".
لە لایەکی دیکەوە گەلی بەلۆچ دەکەونە باشووری ڕۆژھەڵاتی ئێرانەوە (دەکەونە ناو پارێزگای سیستان و بەلۆچستان) و ناوچەکەیان بیابانییە و گەلھەیان نزیک ١ میلیۆن کەسە. لە دیوی ئەفغانستانیش دەکەونە ئەیالەتی نیمرووی و گەلھەیەکی ١٠٠ تا ٢٠٠ ھەزار کەسی پێک دێنن. ھەر وەھا لە پاکستان بە ١١ تا ١٢ مێلیون مەزندە دەکرێن و بە زۆری لە ئەیاڵەتی بەلۆچستاندا بڵاو بوونەتەوە.
لە مێژوودا ناوی بەلۆچستان بە "مەکا" ھاتووە و یۆنانییەکان بە "گدرووزیا" ناویان بردووە.
