میرنشینی بۆتان
 | ئەم وتارە ئاماژەی بە ھیچ سەرچاوەیەک نەداوە. تکایە بە دانانی ئاماژە بۆ سەرچاوە بڕواپێکراوەکان، ئەم وتارە باشتر بکە. دەقە بێسەرچاوەکان لەوانەیە داوای سەرچاوەیان لێ بکرێت یان لاببرێن. |
میرنشینی بۆتان میرنشینێکی کوردستان بوو لە لایەن میر عەبدولعەزیزەوە دامەزراوە لە ناوچەی جزیرەی بۆتان. ئەم میرنشینە کوردییە پلەیەکی بەرز و گەورەی میژووی نەتەوەیی و ڕۆشنبیری کوردی بووە.
کەوتبووە رۆژاوای ھەر دوو میرنشینی بادینان و ھەکاری. ناوی میرنشینی بۆتان لە ناوی خێلی (بۆتان)ەوە ھاتووە, یەکیک لە میرە بە ناوبانگەکانی (میر بەدرخان پاشا)بووە کە لە ساڵی ١٨٢١دا بووە بە میری میرنشینی بۆتان و توانی میرنشینەکە بەرەو سە ربەخۆیی بەرێت لە ساڵی ١٨٤٢ کە ھیواو ئاواتی میر بەدرخان دامەزراندنی دەوڵەتێکی کوردی سەربەخۆ بوو.[١]
میر بەدرخان توانی سنووری میرنشینی بۆتان گەورە و فرەوان بکات لە ناوچەی (وان)ەوە هەتا (مەهابات) و (ڕەواندز) لەلایەک و، لە(موسڵ)ەوە هاتا(ئامەد) لەلایەکی ترەوە لەژێر دەستی خۆی دابوو، پاشان میر بەدرخان پاشا توانی(شەنگال و سێرت و وێران شار و سوێرەک و ئامەد و شنۆ و ئورمیە) بکاتە بەشێک لە دەوڵەتەکەی. میر بەدر خان کەسایەتییەکی ژیر و رۆشنبیر و توانا بووە بەڵام لەبەر ھەندیک ھۆی ناوخۆیی، واتە خیانەتی ناوخۆیی لایەن ئامۆزایێکەوە بە ناوی (یەزدان شێر) بزووتنەوەکەی سەری نەگرت و لە ساڵی ١٨٤٧وە ناچار بوو خۆی بدات بە دەستی ھێزەکانی دەوڵەتی عوسمانی؛ بەم خۆرە میرنشینی بۆتان کۆتایی پێھات لە ساڵی ١٨٤٧دا.
سەرچاوەکان
[دەستکاری]- ^ رزگار عومەر عەزیز (2023-03-29). «گرفتەکانی پڕۆگرامی خوێندنی بابەتی مێژووی پۆلی نۆیەمی بنەڕەتی لە قوتابخانەکانی ناوەندی هەولێر». گۆڤاری ئەکادیمیای کوردی (54): 191–230. doi:10.56422/ka..54.241. ISSN 2520-4106.
{{cite journal}}: ڕاگرتنی شێوازی سەرچاوەی ١: خاڵبەندیی زیادە (بەستەر)
