کوردستان (ڕۆژنامە)

لە ئینسایکڵۆپیدیای ئازادی ویکیپیدیاوە
Jump to navigation Jump to search

Disambig RTL.svg  ئەم وتارە سەبارەت بە کوردستان (ڕۆژنامە) نووسراوە. بۆ بینینی وتارە هاوشێوەکان بڕوانە ‏کوردستان (ڕوونکردنەوە).

ڕووە پەڕەی ڕۆژنامەی کوردستان
وێنەی خێزانی بەدرخان

ڕۆژنامەی کوردستان یەکەم ڕۆژنامەی کوردی بوو کە یەکەم ژمارەی لە ٢٢ی نیسانی ١٨٩٨ بە تێکۆشانی میقداد میدحەد بەدرخان لە قاھیرەی میسر چاپکرا. دەستپێکی بڵاوکردنەوەی ڕۆژنامەی کوردستان وەکوو خەباتێکی نەتەوەیی و ڕۆشنبیری دێتە نرخاندن. ئەمڕۆکە ڕۆژی دەستپێکی دەرخسنتی ڕۆژنامەی کوردستان لەلایەن ھەموو دەزگا کوردییەکان و ھەروەھا لەلایەن حکوومەتی ھەرێمی کوردستانیشەوە وەکوو سەرەتای ڕۆژنامەگەریی کوردی قەبووڵ کراوە و پیرۆز دەکرێ.[١]

مێژوو[دەستکاری]

یەکەم ژمارەی ڕۆژنامەی کوردستان لە ڕۆژی ٢٢ی نیسانی ١٨٩٨، لەلایەن میقداد بەدرخانەوە لە قاھیرە چاپکرا. ڕۆژنامەکە ٣١ ژمارەی لێدەرچوو و ٤ ساڵ بەردەوامی ھەبوو. یەکەم ژمارەی بە کوردی کورمانجی دەرچوو، بەڵام لە چوارەم ژمارەوە ھەندێک لە بابەتەکانی بە زمانی تورکی لێ بڵاودەکرایەوە. ڕۆژنامەکە بەخۆڕایی بڵاودەکرایەوە.[٢] ڕۆژنامەکە بەرھەڵستی دەسەڵاتی عوسمانی دەکرد و لەلایەن کۆمەڵەی ئیتحاد و تەرەقی پشتگیری دەکرا.[٣]

بەھۆی دژایەتی لایەنی عوسمانی، ئەوا ڕۆژنامەکە ژمارەکانی لە چەند شارێکی جیا چاپکران، لەدوای قاھیرە ئەوا لە شارەکانی ژنێف، لەندەن و فۆلکستۆن چاپکران، ڕۆژنامەکە لەناوخۆی دەوڵەتی عوسمانی قەدەغەکرابوو، بەڵام بەشێوەی قاچاغ دابەشدەکرا. بەگوێرەی نامەیەکی سەرنووسەرەکەیەوە، ئەوا ڕۆژنامەکە لە شارەکانی ئامەد، مێردین، ئەدەنا و دیمەشق خوێنەری ھەبووە.[٤] لە ژمارەی شەشی ڕۆژنامەکەوە، ئەوا کاری چاپکردن و سەرنووسەری کەوتە دەست عەبدولڕەحمان بەدرخان، کە برا بچووکی میقداد بوو.

لە ساڵی ١٩٩١، لێکۆڵەر ئەمین بۆزارسەلان ئەو چاپانەی ڕۆژنامەی کوردستان کە لەبەردەستیدابوون وەریگێڕایە سەر زمانی تورکی ئەمڕۆ.[٥]

سەرچاوەکان[دەستکاری]

  1. ^ نێچیرڤان بارزانی: پاڵپشتیی بۆ رۆژنامەڤانان و ئازادیی کاری رۆژنامەگەری دووپاتدەکەینەوە[بەستەری مردوو]، ماڵپەڕی ڕووداو، ڕۆژی 21-04-2020 لەلایەن فەلاح نەجم بڵاوکراوەتەوە.
  2. ^ Strohmeier، Martin (2003). Crucial Images in the Presentation of a Kurdish National Identity: Heroes and Patriots, Traitors and Foes (بە زمانی ئینگلیزی). Brill. پەڕەکان 21–23. ISBN 978-90-04-12584-1. 
  3. ^ Klein، Janet (2017). دەستکاریکەر: Stansfield، Gareth. The Kurdish Question Revisited. Oxford University Press. پەڕەکان 173–174. ISBN 978-0-19-068718-2. 
  4. ^ Klein، Janet (2017). دەستکاریکەر: Stansfield، Gareth. The Kurdish Question Revisited. Oxford University Press. پەڕەکان 176–177. ISBN 978-0-19-068718-2. 
  5. ^ Özoğlu، Hakan (2004). Kurdish notables and the Ottoman state: evolving identities, competing loyalties, and shifting boundaries. SUNY Press. پەڕە 122. ISBN 978-0-7914-5993-5. لە ڕێکەوتی ١٩ی ئایاری ٢٠١١ ھێنراوە.