ڕەزمی مووسڵ (٢٠١٦–٢٠١٧)
| ڕەزمی مووسڵ | |
|---|---|
.svg) | |
| بەشێکە لە | شەڕ لە عێراق، US-led intervention in Iraq |
| وڵات | عێراق |
| جێ | پارێزگای ھەولێر، پارێزگای نەینەوا |
| پۆتانی شوێن | ٣٦°٢٠′١٤″N ٤٣°٨′٩″E |
| کاتی ڕوودان | ١٦ی تشرینی یەکەمی ٢٠١٦ |
| ڕێکەوتی دەستپێکردن | ١٦ی تشرینی یەکەمی ٢٠١٦ |
| Order of battle | Order of battle for the Battle of Mosul |
 | |
ڕەزمی مووسڵ ئەو ڕەزمە بوو لە ١٦ی تشرینی یەکەمی ٢٠١٦[١][٢] لەلایەن سوپای عێراق و پێشمەرگەی ھەرێمی کوردستان بەھاوبەشی لەگەڵ ھاوپەیمانەکانیان لە دژی دەوڵەتی ئیسلامی لە عێراق و شام دەستیپێکرد بەمەبەستی کۆنتڕۆڵکردنەوەی شاری مووسڵ.[٣][٤][٥] ئەمەش دوای ئەوەی شارەکە لە حوزەیرانی ٢٠١٤ لەلایەن دەوڵەتی ئیسلامی ناسراو بەداعش کۆنتڕۆڵکرابوو. درووشمی ڕەزمەکەش (ئێمە دێین، نەینەوا).[٦][٧]
ژمارەی ھێزە چەکدارەکان
[دەستکاری]
بەپێی ئەو زانیارییانەی کە لە (وەزارەتی بەرگری ئەمریکا) و بڵاو کراونەتەوە، ژمارەی چەکدارانی داعش لە نێو شاری مووسڵدا لە نێوان ٣٬٠٠٠–٥٬٠٠٠ چەکدارە؛ و سەربازانی سوپای کە ئامادەن، لە نزیکەی ٩٤٬٠٠٠ سەربازن، بەڵام ئەوانەی کە بەشدارییەن پێدەکرێ لە ئۆپڕاسیۆنی مووسڵ نادیارە، نزیکەی ٤٠٬٠٠٠ پێشمەرگە بەشدارن لە ڕەزمەکە؛ و ھێزەکانی نێو (ھاوپەیمانییەتی دژ بە داعش)، ھەر یەکێک و بە ژمارەیەکی جیاواز و شێوازی جیاواز بەشدارن، بەڵام وڵاتی تورکیا کە ژمارەی سەربازانی لە نزیک مووسڵ لەنێوان ١٬٥٠٠ بۆ ٢٬٠٠٠ سەربازن، لە نێو خاکی عێراق نیشتەجێ بوون، کە بوونی ئەو ھێزەش بووەتە ھۆی دروستبوونی کێسشەی سیاسی لە نێوان ھەردوو دەوڵاتی (عێراق - تورکیا).
ڕووکاری ڕەزمەکە
[دەستکاری]
لە حوزەیرانی ٢٠١٤ شاری مووسڵ کە دووەم گەورەترین شاری عێراقە، لەمیانەی شەڕی ٢٠١٤ی مووسڵ کەوتە ژێردەستی دەوڵەتی ئیسلامی لە عێراق و شام. و بەھۆی ئەوەی زۆرینەی دانیشتووانی مووسڵ پەیڕەوی سوننە مەزھەبن ئەوا شارەکە بەئاسانی کەوتە دەست دەوڵەتی ئیسلامی.
ڕاگەیاندنی ڕەزم
[دەستکاری]لەبەرەبەیانی ١٦ تشرینی یەکەمی ٢٠١٦، حەیدەر عەبادی سەرۆک وەزیرانی عێراق ڕەزمی کۆنتڕۆڵکردنەوەی مووسڵی ڕاگەیاند.
ڕووماڵی میدیایی
[دەستکاری]لەئاستی ناوخۆ کەناڵە کوردییەکان و عێراقییەکان ڕەزمەکەیان بەشێوەی ڕاستەوخۆ گواستەوە، ھەروەھا میدیا عەرەبییەکانی دەرەوە و جیھانییەکانیش گرنگی تایبەتییان بەو ڕەزمەدا.[٨]
سەرچاوەکان
[دەستکاری]- ^ «Battle for Mosul: Iraq and Kurdish troops make gains». BBC News. ١٧ی تشرینی یەکەمی ٢٠١٦. لە ١٧ی تشرینی یەکەمی ٢٠١٦ ھێنراوە.
- ^ «Battle for Mosul: Iraqi forces close in». CNN. ١٧ی تشرینی یەکەمی ٢٠١٦. لە ١٧ی تشرینی یەکەمی ٢٠١٦ ھێنراوە.
- ^ «Battle for Mosul: UN prepares for aftermath 'chaos'». BBC News. ١٥ی تشرینی یەکەمی ٢٠١٦. لە ١٥ی تشرینی یەکەمی ٢٠١٦ ھێنراوە.
- ^ «The Coming Battle for Mosul». The New York Times. ١٤ی تشرینی یەکەمی ٢٠١٦. لە ١٥ی تشرینی یەکەمی ٢٠١٦ ھێنراوە.
- ^ «Interview: Battle for Mosul likely to lead to power struggle». Deutsche Welle. ١٤ی تشرینی یەکەمی ٢٠١٦. لە ١٥ی تشرینی یەکەمی ٢٠١٦ ھێنراوە.
- ^ «العبادي يطلق على عمليات تحرير نينوى تسمية "قادمون يا نينوى" أمن». Al Sumaria. ١٧ی تشرینی یەکەمی ٢٠١٦. لە ٢١ی تشرینی یەکەمی ٢٠١٦ ھێنراوە.
- ^ «How ISIS Is Spinning the Mosul Battle». The Atlantic. ٢٠ی تشرینی یەکەمی ٢٠١٦. لە ٢١ی تشرینی یەکەمی ٢٠١٦ ھێنراوە.
- ^ کەناڵی ئێن ئارتی ڕاستەوخۆ شەڕی مووسڵ دەگوازێتەوە
 |
کۆمنزی ویکیمیدیا، میدیای پەیوەندیدار بە ڕەزمی مووسڵ (٢٠١٦–٢٠١٧) تێدایە. |
