ویندۆز میدیا سەنتەر
 ویندۆز میدیا سەنتەر لەسەر ویندۆز ١٠ | |
| دانەر(ان)ی سەرەتایی | مایکرۆسۆفت |
|---|---|
| پەرەپێدەر(ان) | مایکرۆسۆفت |
| یەکەم وەشان | ساڵی ٢٠٠٢ |
| سیستەمی بەکارخەری | ویندۆز ئێکس پی ویندۆز ڤیستا ویندۆز ٧ ویندۆز ٨ ویندۆز ٨٫١ |
| زمانەکان | زمانی ئینگلیزی (زمانی سەرەکی) و زۆربەی زۆری زمانەکانی جیھان. |
ویندۆز میدیا سەنتەر (بە ئینگلیزی: Windows Media Center) کورتکراوەکەی (WMC)یە، لێدەر و پەخشکەر و تۆمارکەرێکی دیجیتاڵی یە کە لەلایەن کۆمپانیای مایکڕۆسۆفتەوە دروستکراوە و پەرەپێدراوە، ویندۆز میدیا سەنتەر بۆ یەکەم جار لە ساڵی ٢٠٠٢دا دروست کرا لەسەر ویندۆز ئێکس پی کە لەسەر وەشانی (میدیا سەنتەری وەشانی ئێکس پی) دا بڵاوکرایەوە لەسەر ویندۆز ئێکس پی. و دواتر زیاتر پەرەی پێدرا لەسەر ویندۆز ڤیستا و بە پەرەپێدان و فراوانترکردن و بە ھەموو چاپ و وەشانەکانی لەسەر ویندۆز ٧دا بەردەست کرا و لەسەر ویندۆز ٨ و ویندۆز ٨٫١دا وەک خۆی بەردەست کراو بڵاوکرایەوە، بەڵام کۆمپانیای مایکڕۆسۆفت ویندۆز میدیا سەنتەری لەسەر ویندۆز ١٠ وەستاند و ھەڵیوەشاندەوە لە نوێکردنەوە و بەرزکردنەوەکاندا، بەڵام دەتوانرێت بە چەند فرمانێکی نێوانەڕووی ھێڵ-فەرمان و کۆماند ویندۆز میدیا سەنتەر بگەڕێندرێتەوە بۆ سەر ویندۆز ١٠ یان لە ئینتەرنێت دابەزێنرێت[١] و ھێشتا دەتوانرێ بەکاربھێنرێت لە ویندۆز ١٠ و ویندۆز ١١.[٢][٣]
ویندۆز میدیا سەنتەر دەتوانێت سلایدشۆ و وێنە و مۆسیقا و ڤیدیۆ و فیلم لە وەگەڕخەری دیسکی ڕەق و فلاش یو ئێس بی و میمۆری و ھاردەکان تەنانەت دەتوانێت دی ڤی دی و پەپکی پەستێنراو و فیلمەکانی سەر دی ڤی دی لێبداتەوە، و ویندۆز میدیا سەنتەر لە ئێستادا دەتوانرێ بە ئینتەرنێتەوە پەیوەست بکرێت، ویندۆز میدیا سەنتەر دەتوانرێ لەسەر مۆنیتەر و تەلەڤیزیۆن و ئامێری تریش پەخش بکرێت و پەیوەست بکرێت و تەنانەت ویندۆز میدیا سەنتەر دەتوانرێ لەگەڵ ئێکس بۆکس ٣٦٠دا پەیوەست بکرێت، و دەتوانرێ پەیوەست بکرێت بە ھەندێک لە دی ڤی دی خوێنەرەکان[٤] کە دەتوانێت بیبەستێتەوە لەگەڵ کۆمپیوتەرەکەتدا، دەتوانرێت لەسەر ویندۆز میدیا سەنتەر سەیری تەلەڤیزیۆنی ڕاستەوخۆ بکرێت و دەتوانرێت لەناویدا سەیری کەناڵەکانی تەلەڤیزیۆن و ئارێل و مانگی دەستکرد بکرێت لەگەڵ پەیوەست کردنی ڕیسیڤەری کەناڵ یان ئارێل لەگەڵ کۆمپیوتەرەکەتدا.[٥][٦]
کاتێک ویندۆز میدیا سەنتەر لەسەر ویندۆز ٧دا بڵاوکرایەوە دوای ماوەیەک کۆمپانیای مایکڕۆسۆفت تیمی پەرەپێدانی ویندۆز میدیا سەنتەری ھەڵوەشاندەوە و مایکڕۆسۆفت وازی ھێنا لە پەرەپێدانی ویندۆز میدیا سەنتەر، لە ئەنجامدا ویندۆز میدیا سەنتەر دوای پەرەپێدانێکی زۆر وەکو خۆی خرایە سەر ویندۆز ٨ و ویندۆز ٨٫١ بێ پەرەپێدان و ھەروەک ڕووکارەکەی خۆی کە لەسەر ویندۆز ٧دا ھەیبوو. دوای ماوەیەکی زۆری ویندۆز ٨ و ٨٫١ لە مانگی ئایاری ٢٠١٥دا کۆمپانیای مایکڕۆسۆفت ڕای گەیاند کە ویندۆز میدیا سەنتەر ڕادەگیرێت لەسەر ویندۆز ١٠ و چیتر بەردەست نابێت لەسەر ویندۆز ١٠ و ھەموو وەشانەکانی و ویندۆز ١١ بەھەمان شێوە، بەڵام مایکڕۆسۆفت ڕای گەیاند کە ئەو بەکارھێنەرانەی کە لە ویندۆز ٨ و ٨٫١ و ٧ بۆ ویندۆز ١٠ نوێدەکەنەوە و ئەپدەیت دەکەن ئەوا ویندۆز میدیا سەنتەر ناسڕدرێتەوە و ھەر دەمێنێت.[٧]
لە ئێستادا ویندۆز میدیا سەنتەر وەشانی شین و سەوزی ھەیە و دەتوانرێت دابەزێنرێت و بەکاربھێنرێت لە ھەموو سیستمەکانی بەکارخستن.[١]
پێشانگا
[دەستکاری]-
وێنەی ڕیمۆت کۆنتڕۆڵی ویندۆز میدیا سەنتەر کە بەکاردێ بۆ لێدانەوەی وێنە و ڤیدیۆ و دی ڤی دی وە گۆڕینی کەناڵەکانی تەلەڤیزیۆن. -
وێنەی کارکردنی ڕیمۆت کۆنتڕۆڵی ویندۆز میدیا سەنتەر
ئەمانەش ببینە
[دەستکاری]سەرچاوەکان
[دەستکاری]- ^ ئ ا Microsoft، Windows Media Center 8.8.5، لە 2024-09-08 ھێنراوە
- ^ «[DISCUSSION] Patch WMC to run on Windows 10 final & possible alternatives». My Digital Life Forums (بە ئینگلیزیی ئەمەریکایی). لە ٨ی ئەیلوولی ٢٠٢٤ ھێنراوە.
- ^ «Windows Media Center». Audiovisual Identity Database (بە ئینگلیزی). ٧ی تەممووزی ٢٠٢٤. لە ٨ی ئەیلوولی ٢٠٢٤ ھێنراوە.
- ^ «Xbox Support». support.xbox.com. لە ٨ی ئەیلوولی ٢٠٢٤ ھێنراوە.
- ^ «Getting started with Windows Media Center - Microsoft Support». support.microsoft.com. لە ٨ی ئەیلوولی ٢٠٢٤ ھێنراوە.
- ^ «Set up a TV signal in Windows Media Center - Microsoft Support». support.microsoft.com. لە ٨ی ئەیلوولی ٢٠٢٤ ھێنراوە.
- ^ «R.I.P. , Windows Media Center». ZDNET (بە ئینگلیزی). لە ٨ی ئەیلوولی ٢٠٢٤ ھێنراوە.
