لوکا ڕۆمیرۆ

لوکا ڕۆمیرۆ

ئەزموونی گەنجی
	Formentera
2011–2015	Sant Jordi
2015–2020	Mallorca
ئەزموونی پڕۆفیشناڵ*
ساڵەکان	یانەکان	یاری†	(گۆڵ)†
2020–2021	Mallorca	7	(1)
2020–2021	Mallorca B	15	(2)
2021–2023	Lazio	14	(1)
2023–	AC Milan	4	(0)
2024	→ Almería (loan)	13	(3)
2024–	→ Alavés (loan)	5	(0)
هەڵبژاردەی نیشتمانی
2019	Argentina U15	6	(2)
2019	Argentina U16	1	(0)
2019–2020	Argentina U17	2	(0)
2022–	Argentina U20	9	(2)
ئەزموونی پڕۆفیشناڵی تەنیا یاری و گۆڵەکانی خوولی ناوخۆ هەژمارکراوە. and correct as of 23:30, 18 October 2024 (UTC). † یاری (گۆڵ).

لۆکا ڕۆمیرۆ بێزانا (بە ئینگلیزی: Luka Romero Bezzana) لە ١٨ی تشرینی دووەمی ٢٠٠٤ لەدایکبووە. یاریزانێکی پیشەگەری تۆپی پێیە و وەک یاریزانی هێڵی ناوەڕاستی هێرشبەر و ناوەراست یاری دەکات بۆ یانەی ئەلاڤێسی لالیگا ، بە داواکران لە یانەی میلانۆی خولی ئیتاڵیا . لە مەکسیک لەدایکبووە، ئەو نوێنەرایەتی ئەرجەنتین کردووە لەسەر ئاستی نێودەوڵەتی لاوان.

ڕۆمیرۆ لە ڕێگەی سیستەمی لاوان یەکەم یاری خۆی لەگەڵ مایۆرکا لە لالیگا لە تەمەنی 15 ساڵ و 219 ڕۆژدا ئەنجامدا و بووە گەنجترین یاریزان کە لە گرنگترین پێنج خولی ئەوروپادا یاری بکات. دوای ئەوەی لە وەرزی ٢٠٢٠-٢٠٢١ لە یاری نێوان تیپی یەکەمی مایۆرکا و تیپی بی(B team) بەشداری کرد، ڕۆمیرۆ لە ساڵی ٢٠٢١ پەیوەندی بە یانەی لازیۆی خولی ئیتاڵیا کرد. یەکەم گۆڵی لە ساڵی ٢٠٢٢دا بووە یەکەم یاریزانی کە لەدایکبووی ٢٠٠٤ە لە خولی پلە یەکی ئیتاڵیا گۆڵ تۆمار بکات. هەروەها لە ساڵی ٢٠٢٣ بە گرێبەستی بێ بەرامبەر واتا بێ جێگیر کردنی هیچ موچەیەک لەگەڵ بە ئەیسی میلانەوە واژۆ کرد.

ژیانی سەرەتای

ڕۆمیرۆ لە شاری دورانگۆ لە مەکسیک لەدایکبووە، لە دایک و باوکێکی ئەرجەنتینی، لە تەمەنی سێ ساڵیدا لەگەڵ خانەوادەکەی ڕووی لە شاری ڤیلانوێڤا دی کۆردۆبا لە ئەندەلوس لە ئیسپانیا کردووە. دووبارە لە تەمەنی حەوت ساڵیدا رووی کردە شاری فۆرمێنتێرا لە دوورگەکانی بالیاریک و دەستی بە یاریکردن کرد لە یانەی سانت جۆردی کە بنکەکەی لە ئیبیزایە .

لە ساڵی ٢٠١١ ڕۆمیرۆ سەرەتایەکی لەگەڵ بەرشەلۆنە ئەنجامدا، بەڵام نەیتوانی گرێبەست لەگەڵ یانەی بەرشەلۆنە واژۆ بکات، چونکە تەمەنی لە خوار ١٠ ساڵەوە بوو و هەروەها لەو ناوچەیەدا نەدەژیا. لە ساڵی ٢٠١٥ لە تەمەنی دە ساڵیدا گرێبەستێکی هەشت ساڵەی لاوانی لەگەڵ یانەی مایۆرکا واژۆ کرد. ڕۆمیرۆ لە چوار ساڵی یەکەمی ژیانیدا لە 108 یاریدا 230 گۆڵی تۆمارکردووە.

پیشەی نێودەوڵەتی

لە مەکسیک لە خێزانێکی ئەرجەنتینی لەدایک بووە، لە تەمەنێکی گەنجیدا ڕووی لە ئیسپانیا کردووە. بۆیە ڕۆمیرۆ خاوەنی هەر سێ پاسپۆرتەکەیە، و لە ئێستادا مافی ئەوەی هەیە نوێنەرایەتی هەر سێ هەڵبژاردەی باڵای نیشتمانی بکات. لە پاڵەوانێتی ئەمریکای باشووری خوار ١٥ ساڵان لە ساڵی ٢٠١٩ دا نوێنەرایەتی ئەرجەنتین کرد و لە ئاستی نێودەوڵەتیدا لەسەر ئاستی خوار ١٥ ساڵان ، تیایدا پلەی دووەمی بەدەستهێنا و لە شەش یاریدا توانی دوو گۆڵ تۆمار بکات. لە مانگی ئازاری ٢٠٢٠، ڕۆمیرۆ بانگهێشتکرا بۆ نوێنەرایەتیکردنی یاریزانانی ژێر ١٧ ساڵانی ئەرجەنتین لە پاڵەوانێتی مۆنتایگو ، بەڵام بەهۆی پەتای کۆڤید-١٩ پێشبڕکێکە هەڵوەشایەوە.

ڕۆمیرۆ یەکەمجار لە مانگی ئازاری ٢٠٢٢دا لەلایەن لیۆنێل سکالۆنی بەڕێوەبەری هەڵبژاردەی ئەرجەنتین بانگێشتی هەڵبژاردەی تۆپی پێی ئەرجەنتین کرا. لە ٢٦ی ئازاری ٢٠٢٢، ڕۆمیرۆ یاری بۆ تیپی خوار ٢٠ ساڵان کرد لە یارییەکی ٢-٢ یەکسانبوون بەرامبەر بە تیپی خوار ٢٠ ساڵانی ئەمریکا .

لە ٣ی ئایاری ٢٠٢٣، ڕۆمیرۆ لە پێکهاتەی هەڵبژاردەی ژێر ٢٠ ساڵانی ئەرجەنتین بەشداری کرد کە لە مۆندیالی ژێر ٢٠ ساڵانی ٢٠٢٣ی فیفادا کرد، وە لە ئەرجەنتین بەڕێوەچوو. لە قۆناغی 16 لەلایەن نەیجیریا ژێر 20 ساڵەوە هەڵبژاردەکە کرایە دەرەوە .

ژیانی کەسی

دیێگۆ باوکی ڕۆمیرۆ یاریزانێکی پیشەگەری تۆپی پێ بوو. هەروەها تۆبیاس برا دووانەکەی یاریزانی تۆپی پێیە، و وەک گۆڵپارێز یاری دەکات.