سیاناو
سیاناو گوندێکی شارستانی مەریوانھ. خەڵکی سیاناو بە شێوەزاری سۆرانی قسە دەکەن. ژمارەی دانیشتووانی لە ئامارەکانی ساڵی ٢٠٠٦دا ٧٨٩ کەس لە ١٦١ بنەماڵەدا بووە. سیاناو کەوتووەتە باشووری شاری مەریوانەوە و لە نێوانیاندا کێوی میراجی ھەیە. گوندی سیاناو لە باکوورەوە بە کێوی بەرزی میراجی سنووردار بووە و لە باشوورەوە بە کێوی سوورێن کە دەستپێکی زنجیرەچیای زاگرۆسە؛ و لە ڕۆژھەڵاتەوە دراوسێی گوندی دووماڵەیە و لە ڕۆژاواشەوە دراوسێی گوندی ئەسکۆڵە.
گوندی سیاناو بەھۆی مامۆستا مەحموودی سیاناوییەوە لە ھەموو ڕۆژھەڵاتی کوردستاندا ناسراوە. ئەو پیاوە کەسایەتییەکی ئایینی بوو کە بە زانای تەسەووف ناسرابوو. لە کەسایەتییە ناسراوەکانی ئەم گوندە دەتوانین ئاماژە بکەین بە مامۆستا عەبدولحەمیدی عالی کوڕەزای مامۆستا مەحموود و ھەر وەھا مامۆستا عەبدولباسیتی عالی کوڕی ماموستا مەحموود و مامۆستا عامر عالی کوڕەزای مامۆستا مەحموود.
ئەم گوندە بەھۆی سروشتێکی جوانەوە ھەموو ساڵیک دەبێ بە سەیرانگای خەڵکی مەریوان و شارانی دەوروبەری مەریوان. لە سەیرانگا بە ناوبانگەکانی سیاناو دۆڵی سوورێن و دەشتی ئاوایی کە دەکەوێتە باشووری ئاوایییەکە کە ھەموو ساڵێ ھەزاران کەس بەرەو جوانییەکانی خۆ بانگێشت دەکات.[١]
سەرچاوەکان
[دەستکاری]- ^ جەمیل ڕۆژبەیانی. «وڵاتەکەت بناسە» (بە کوردی).
{{cite web}}: ڕاگرتنی شێوازی سەرچاوەی ١: خاڵبەندیی زیادە (بەستەر)
 | ئەم وتارە کۆلکەیەکە. دەتوانیت بە فراوانکردنی یارمەتیی ویکیپیدیا بدەیت. |
