تووماج ساڵحی
تووماج ساڵحی | |
|---|---|
توماج صالحی | |
 وێنەیەکی تووماج ساڵحی | |
| لەدایکبوون | ٣ی کانوونی یەکەمی ١٩٩٠ |
| نیشتەجێی | ئەسفەھان |
| نەتەوە | ئێرانی |
| پەروەردە | تەواوبووی مکانیکی پتەوەکان |
| پیشە | گۆرانیبێژی |
| وەکیل | ئەمیر ڕەئیسیان |
| ناسراوە بە | گۆرانیی ڕاپی ناڕەزایەتیی سیاسی و کۆمەڵایەتی |
کارە ناودارەکان | تورکمانچای، سووراخ مووش، نۆرمال، بازماندە و فاڵ |
| بەرامبەر(ەکان) | کۆماری ئیسلامی |
| تۆمەتی تاوانباری | پرۆپاگەندە لە دژی حکوومەت و سووکایەتیکردن بە دەسەڵاتی باڵای سەرکردایەتی |
تووماج ساڵحی (بە فارسی: توماج صالحی؛ لەدایکبووی ٣ی کانوونی یەکەمی ١٩٩٠) گۆرانیبێژێکی ڕاپی ناڕەزایەتیی ئێرانییە کە زیاتر بە گۆرانییە ناڕەزایەتییەکانی سەبارەت بە پرسە کۆمەڵایەتییەکانی ئێران و سیاسەتەکانی حکوومەتی کۆماری ئیسلامیی ئێران ناسراوە.[١]
بە وتەی خۆی، کاری ڕۆژانەی وەکوو کرێکارە لە کارگەیەکی کانزاکاری.[٢]
دەستەبەرکردن
[دەستکاری]ساڵحی لە ١٢ی ئەیلوولی ٢٠٢١، لە ماڵەکەی خۆی لە ئەسفەھان دەستبەسەر کرا. ناوبراو بە «پرۆپاگەندە لە دژی حکوومەت» و «سووکایەتیکردن بە دەسەڵاتی باڵای سەرکردایەتی» تۆمەتبار کرا.[٣][٤] لە ٢١ی ئەیلوول، بە دانانی بارمتە ھەتا کاتی دادگاییکردنی ئازاد کرا. ڕۆژی ٢٣ی کانوونی دووەمی ٢٠٢٢، دادگای شۆڕشی ئیسلامیی شاھینشەھر سزای شەش مانگ زیندانیکردن و غەرامەکردنی بەسەر ساڵحیدا سەپاند.[٥][٦]
ساڵحی جارێکی دیکە لە ٣٠ی تشرینی یەکەمی ٢٠٢٢، لە درێژەی خۆپیشاندانەکانی ئێراندا دەستبەسەر کرایەوە.[٧][٨] ئاژانسی ھەواڵی فارس کە سەر بە سپاس پاسدارانە، تۆماج ساڵحی وەکوو یەکێک لە «سەرکردەکانی ئاژاوەگێڕییەکان کە پەرە بە توندوتیژی دەدا» وەسف کرد.[٩] ھەروەھا ئەو میدیا حکوومەتییە ڕایگەیاندووە کە ساڵحی لە کاتی بەزاندنی سنووردا دەستبەسەر کراوە، وتەیەک کە لەلایەن بەڕێوەبەری پەڕەی ساڵحی لە تۆڕە کۆمەڵایەتییەکاندا ڕەتکرایەوە و ڕایگەیاند کە ئەو لە پارێزگای چوارمەحاڵ و بەختیاری دەستبەسەر کراوە نەک لە پارێزگایەکی سنووری.[٩]
دوایین ڤیدیۆکلیپی یووتیووبەکەی کە پێش دەستبەسەرکردنی لە مانگی تشرینی یەکەمی ٢٠٢٢دا بڵاویکردەوە، ئەو دەقەی تێدابوو: «تاوانی کەسێک سەماکردن بە قژەکانی لە بادا بوو. تاوانی کەسێک ئەوە بوو کە بوێر بوو و ڕەخنەی گرت لە ٤٤ ساڵ حکوومەتی ئێوە. ئەمساڵ ساڵی شکستی ئێوەیە».[١٠][١١]
ئەمانەش ببینە
[دەستکاری]سەرچاوەکان
[دەستکاری]- ↑ RV، Hrana (١٤ی ئەیلوولی ٢٠٢١). «توماج صالحی، خواننده رپ اعتراضی بازداشت شد». خبرگزاری هرانا. لە ٣٠ی تشرینی یەکەمی ٢٠٢٢ ھێنراوە.
- ↑ «توماج صالحی خواننده معترض سبک رَپ در ایران بازداشت شد». BBC News فارسی (بە فارسی). ١٤ی ئەیلوولی ٢٠٢١. لە ٣٠ی تشرینی یەکەمی ٢٠٢٢ ھێنراوە.
- ↑ Esfandiari، Golnaz (٢٢ی ئەیلوولی ٢٠٢١). «'We Are The Dead Who Can't Think Of Dying': Iranian Rapper Charged For Criticizing Regime». RadioFreeEurope/RadioLiberty. لە ٣٠ی تشرینی یەکەمی ٢٠٢٢ ھێنراوە.
- ↑ HRM، Iran (٢٥ی کانوونی دووەمی ٢٠٢٢). «Dissident rapper Toomaj Salehi sentenced to prison and fine». Iran HRM. لە ٣٠ی تشرینی یەکەمی ٢٠٢٢ ھێنراوە.
- ↑ Dagres، Holly (١٢ی تشرینی یەکەمی ٢٠٢١). «Down the 'Rathole': How a rapper channels Iran regime change discourse». Atlantic Council. لە ٣٠ی تشرینی یەکەمی ٢٠٢٢ ھێنراوە.
- ↑ «Iran: Rapper wegen kritischer Lieder von Mullah-Regime festgenommen - Politik». bild.de (بە ئەڵمانی). ١٧ی ئەیلوولی ٢٠٢١. لە ٣٠ی تشرینی یەکەمی ٢٠٢٢ ھێنراوە.
- ↑ «Iran Rearrests Popular Protest Rapper Salehi». IranWire. ٣٠ی تشرینی یەکەمی ٢٠٢٢. لە ٣٠ی تشرینی یەکەمی ٢٠٢٢ ھێنراوە.
- ↑ «Meet Iran's dissident rapper helping youth circumvent regime internet crackdown - CBC News». CBC. ٢١ی تشرینی یەکەمی ٢٠٢٢. لە ٣٠ی تشرینی یەکەمی ٢٠٢٢ ھێنراوە.
- 1 2 «Islamic Republic's Security Forces Arrest Dissident Rapper». Iran International. ٣٠ی تشرینی یەکەمی ٢٠٢٢. لە ٣٠ی تشرینی یەکەمی ٢٠٢٢ ھێنراوە.
- ↑ «Iran to hold public trials of 1,000 people charged with involvement in Mahsa Amini protests». CNN (بە ئینگلیزی). ١ی تشرینی دووەمی ٢٠٢٢. لە ٢ی تشرینی دووەمی ٢٠٢٢ ھێنراوە.
- ↑ «موزیک ویدیو "فال" از توماج». YouTube (بە ئینگلیزی). Toomaj.
بەستەرە دەرەکییەکان
[دەستکاری]
