ئەیاد جەمالەدین
| ئەیاد جەمالەدین | |
|---|---|
| بە عەرەبی: إياد جمال الدين | |
| لەدایکبوون | ١٥ی ئەیلوولی ١٩٦١ |
| پیشە | سیاسەتوان |
| پۆستەکان | member of parliament |
| ئایین | ئیسلام، شیعە |
ئەیاد جەمالەدین (لەدایکبووی ١٩٦١) سیاسەتوان و پیاوێکی ئایینی و بیرمەندی عێراقییە. سەر بە حیزبی ئەحرار بووە کە بەشێکە لە لیستی عێراقی و بۆ ماوەی ساڵانی ٢٠٠٥–٢٠١٠ وەک جێگر لە ئەنجومەنی نوێنەرانی عێراق بۆ پارێزگای زیقار کاری کردووە.
ئەیاد ڕەووف محەممەد جەمالەدین لە ساڵی ١٩٦١ لە شاری نەجەف لە خێزانێک لەدایکبووە کە خەڵکی شاری ناسریەن لە باشووری عێراق. لە ساڵی ١٩٧٩ عێراقی بەجێھێشت و بەرەو سووریا و پاشان بەرەو ئێران، لەوێ بۆ ماوەی ٨ ساڵ زانستە ئایینییەکان و توێژینەوەی دەرەکی خوێندووە، ھەروەھا فەلسەفە و سۆفیگەریش. لە ساڵی ١٩٩٥ لەسەر بانگێشتی شیعەکان لە دووبەی چووەتە ئیمارات و لەوێ ماوەتەوە تا ساڵی ٢٠٠٣ لەگەڵ ڕووخانی ڕژێمی سەددام حوسێن گەڕایەوە عێراق.[١]
ئەیاد جەمالەدین لە چوار ھەوڵی تیرۆرکردن ڕزگاری بووە و پێی وایە دەبێت دیموکراسی بە زۆر بسەپێندرێت. دژی دامەزراندنی دەوڵەتێکە کە سیستەمێکی ئایینی ھەبێت، یان ئەوەی پێی دەوترێت ویلایەی فیقھی لەناو شیعەکاندا، داوای دامەزراندنی دەوڵەتێکی عەلمانی دەکات دوور لە دەستێوەردانی دەسەڵاتە ئایینییەکان و گرەنتیکردنی ئازادی کەمینەکان. ھەروەھا ڕەخنە لە ڕژێمە عەرەبییەکان و گەلانی عەرەب دەگرێت، کە پێی وایە ئیسلامێکی شێواو و دەستکاریکراو لە باوەش دەگرن کە ھاندەری تیرۆرن و پاڵپشتی دەکەن.[٢]
سەرچاوەکان
[دەستکاری]
 |
کۆمنزی ویکیمیدیا، میدیای پەیوەندیدار بە ئەیاد جەمالەدین تێدایە. |