ئیھاب شەریف
 | ئەم وتارە چەند کێشەیەکی ھەیە. تکایە یارمەتی باشترکردنی بدە یان ئەم کێشانە لەسەر پەڕەی لێدوانەکەی باس بکە. (فێربە کەی و چۆن ئەم داڕێژەیە لابەریت)
|
| ئیھاب شەریف | |
|---|---|
| بە عەرەبی: إيهاب الشريف | |
| لەدایکبوون | ١ی کانوونی دووەمی ١٩٥٤ |
| مردن | ١ی کانوونی دووەمی ٢٠٠٥ (٥١ ساڵ ژیاوە) |
| زمانەکانی ئاخاوتن | زمانی عەرەبی |
| پیشە | دیپلۆمات، سیاسەتوان |
| ڕاوێژکاری دکتۆرا | دۆمینیک شیڤالیێر |
ئیھاب سەلاحەدین ئەحمەد شەریف (١٩٥٤ی ئازاری ٦ی تەممووزی ٢٠٠٥) باڵیۆزی میسر بووە لە عێراق تا ئەو کاتەی ڕفێنەرەکانی لە تەممووزی ٢٠٠٥ کوشتیان، پێشتر لە کاروباری باڵیۆزخانەی میسر لە ئیسرائیل کاری کردووە. جێگای سەرنجە لە دوای ڕووخانی ڕژێمی سەددام حوسێن، یەکەم باڵیۆزی وڵاتێکی عەرەبی بووە لە بەغدا.
ڕفاندن
[دەستکاری]ئیھاب لە ڕۆژی شەممە ٣ی تەممووزی ٢٠٠٥ کاتێک لە ئۆتۆمبێلەکەی دابەزی بۆ کڕینی ڕۆژنامەیەک ڕفێندرا.
لە ٦ی تەممووزی ٢٠٠٥ گرووپی قاعیدە لە عێراق بە سەرۆکایەتی ئەبوو موسعەب زەرقاوی لە ماڵپەری خۆیان بەیاننامەیەکیان بڵاوکردەوە و تێیدا ڕایان گەیاند کە ئیھاب شەریفیان کوشتووە، لە پەیامەکەدا ئاماژەی بەوە کردووە کە ئیھاب شەریف کاری دیپلۆماتکاری دەکرد لە ئیسرائیل. لە بەیاننامەکەدا تۆمارێکی ڤیدیۆیی لەخۆگرتبوو کە تێیدا ئیھاب شەریف بە چاوبەستراوەیی دەردەکەوێت و باسی ناسنامە و شوێنی نیشتەجێبوونی دەکات لە میسر.
ھەروەھا لە ڕاگەیەندراوەکەدا ھاتووە: «دادگای شەرعی قاعیدە لە عێراق بڕیاریدا باڵیۆزی میسری لادەر کە ھاوپەیمانی جوولەکەکان و خاچھەڵگران بوو، ڕادەستی موجاھیدەکان بکات بۆ ئەوەی سزای لادەرایەتی جێبەجێ بکەن و بیکوژن».[١]
