کریستادێلفیەن

تەلاری برایەتیوانانی مەسیح، حەوزی حەمام، شاری سۆمرسێت

کڵێسای برایەتیوانانی مەسیح، بوفالۆ، نیویۆرک

کریستادێلفیەن ‎(/ˌkrɪstəˈdɛlfiənz/ Christadelphians) یان برایەتیوانانی مەسیح تیرەیەکن لە ئایینی مەسیحییەت، کە لە ساڵی ١٨٤٨، لە ئەمریکادا دامەزران. برایەتیوانانی مەسیح بەشێکن لە مەسیحییەکان بەڵام باوەڕیان بە سێخودایی یان سیانەیی پیرۆز نییە.

باوەڕەکان

• ئینجیل فەرموودەی وەحیکراوی خودایە
• کرایستدێڵفیەنەکان باوەڕیان ھەیە کە عیسا یان یەسووعی مەسیح، کوڕی خوایە و خوەی خودا نییە
• عیسا دێتەوە تاکو پاشایەتیی خودا دابمەزرێنێتەوە
• مەرگ حاڵەتێکە وەک بێھۆشی (ئەم تیرەیە باوەڕیان بە ھەتاھەتایی بوونی ڕۆح نییە)
• جەھەنەم و دۆزەخ بە مانای گۆڕن
• ئاوبەسەرداکردن (ڕێوڕەسمێکی مەسیحییەتە؛ شۆردنی تەعمید/عماد) یانی کەسێکی باڵغ بە تەواویی بچێتە ژێر ئاوەوە
• ڕۆحی پیرۆز (گیانی پیرۆز) شەخسێک نییە، بەڵکو ھێزی خودایە
• شەیتان مەوجوودێکی ڕاستەقینە نییە، بەڵکوو نیشانێکە بۆ بەدی و خراپەکاری مرۆڤ

وشەڕەتناسی

بنچینەی وشەی کرایستدێڵفییەن (بە ئینگلیزی: Christadelphian) دەگەڕێتەوە بۆ وشە یۆنانییەکانی Khristos بە مانای مەسیح و adelphos بە مانای برا کە پێکەوە وشەی یۆنانیی کۆنی Khristadelphos دروست دەکەن کە یانی: لە برایەتی لەگەڵ مەسیحدا (بە ئینگلیزی: in brotherhood with christ). دواتر لە ئینگلیزیدا پاشگری ‎-ian ی پێ زیاد دەبێت و وشەی Christadelphian بە مانای کەسێک کە باوەڕی بە ئایینی برایەتیی لەگەڵ مەسیح ھەیە یان بە کورتی برایەتیوانی مەسیح دروست دەکەن.

سەرچاوەکان

• بەشداربووانی ویکیپیدیا، «کریستادلفین»، ویکیپیدیای فارسی. سەردان لە ٥ی ٥ی ٢٠١٨.

• بەشداربووانی ویکیپیدیا، «Christadelphians»، ویکیپیدیای ئینگلیزی. سەردان لە ٥ی ٥ی ٢٠١٨.