ڕۆلێت

ڕۆلێت
لقی	casino game، game of pure chance
لەسەر بنچینەی	Biribi
لە ویکیدراوە دەستکاریی زانیارییەکان بکە

ڕۆلێت یارییەکی گازینۆیە کە ناونراوە لە دوای وشەی فەڕەنسی بە مانای ویلی بچووک کە بە ئەگەری زۆرەوە گەشەی پێدراوە و وەرگیراوە لە یاری ئیتاڵی بیربی (ئینگلیزی: Biribi) لە یارییەکەدا، یاریزانێک ڕەنگە گرەوێک دابنێت لەسەر تەنھا یەک ژمارە، گرووپێکی جیاواز لە ژمارە، ڕەنگی سوور یاخود ڕەش، یان ئایا ژمارەکە تاک دەبێت یاخود جووت، یان ئایا ژمارەکە بەرز دەبێت (١٩–٣٦)یاخود نزم دەبێت (١–١٨).

بۆ ئەوەی ژمارەی براوە دیاری بکرێت، دابەشکار (دییەڵەر یاخود کروپییەر) ویلێک دەخولێنێتەوە بە ئاڕاستەیەکدا، دواتر تۆپێک لەسەر ویلەکە دەخولێنێتەوە بە ئاڕاستەی پێچەوانە لەسەر قەراغی ویلەکە دەست پێ دەکات. تۆپەکە ھێواش دەبێتەوە و خێرایی لەدەست دەدات، دەچێتە سەر ڕووبەری لادانەکان، و دواتر دەچێتە سەر ویلەکە و دەکەوێتە ناو یەکێک لە سی و حەوت خانە (تەنیا یەک سفر، لە شێوازی ڕۆلێتی ئەورووپی و فەڕەنسی)یاخود سی و ھەشت خانە (دوو خانەی سفر، شێوازی ڕۆلێتی ئەمریکی)یاخود سی و نۆ خانە (سێ خانەی سفر، "ڕۆلێتی ساندس") کە ھەر یەکێک لەم خانانە ھەموویان ڕەنگ و ژمارەیان لەسەرە لەسەر ویلەکە. دواتر بردنەوەکان دەدرێن بە ھەر کەسێک کە گرەوێکی سەرکەوتووی دانابێت.

مێژووی ڕۆلێت

یەکەم شێوازی ڕۆلێت داھێنرا لە سەدەی ١٨ لە فەڕەنسا. چەندین مێژوونوس لەو بڕوایەدان کە بلەیس پاسکاڵ (ئینگلیزی: Blaise Pascal)یەکەم شێوازی سەرەتایی داھێنا لە سەدەی ١٧ی زایینی لە گەڕانیدا بۆ ئامێری جووڵەی ھەمیشەیی (ئینگلیزی: perpetual motion machine). میکانیزمی ڕۆلێت تێکەڵەیەکە لە یاریکردنی ویل کە داھێنرا لە ١٧٢٠ و یاری ئیتاڵی بێریبی.

یارییەکە بەم شێوازەی ئێستا دەکرێت و بەردەوام بووە لە ١٧٩٦ەوە لە پاریس. یەکەم وەسفکردن و باسکردنی یاری ڕۆلێت لەم شێوازەی ئێستایە دۆزراوەتەوە لە ڕۆمانێکی فەڕەنسی بە ناوی لا ڕۆلێت (فەڕەنسی: La Roulette, ou le Jour) لەلایەن (Jaques Lablee)، کە باسی ویلی ڕۆلێت دەکات لە ڕۆیاڵ پالایس لە پاریس لە ساڵی ١٩٧٦. باسکردن و وەسفکردنەکە لە ناویدا باسی خانەکانی خاوەن جێگای تێدایە (ئینگلیزی: house pockets)، «دوو خانە ھەیە کە حیجز کراون بۆ بانک، کە لە سودی بیرکارییەوە وەرگیراون.» دواتر وەسفی ڕێکخستنەکە دەکات کە کراوە، «... دوو بۆشایی گرەوکردن لەناویاندا دوو ژمارەی بانک، سفر و دوو سفر». کتێبەکە بڵاوکرایەوە لە ١٨٠١. تەنانەت سەرچاوەیەکی زوتری یارییەک بەم ناوەوە بڵاوکرایەوە لە ڕێکخستنەکاندا بۆ فەڕەنسای نوێ (کیوبیک) لە ١٧٥٨، کە یارییەکانی «زار، ھۆکا، فارۆ و ڕۆلێت» قەدەغە کرد.

ویلەکانی ڕۆلێت کە بەکاردەھێنران لە گازینۆکانی پاریس لە کۆتایییەکانی ١٧٩٠ ڕەنگی سووری ھەبوو بۆ یەک سفر و ڕەنگی ڕەش بۆ دوو سفر. بۆ ئەوەی تووشی ئاڵۆزی نەبێت، ڕەنگی سەوز دانرا بۆ سفرەکان لە ویلەکانی ڕۆلێت لە سەرەتایی ساڵانی ١٨٠٠.

لە ١٨٤٣، لە گازینۆی سپای شاری ئەڵمانی باد ھۆمبەرگ (ئینگلیزی: Bad Homburg)، ھەردوو فەڕەنسی فرانچس و لویس بلانک شێوازی ویلی ڕۆلێتی تەنیا یەک ٠ یان داھێنا بۆ ئەوەی ڕکابەری بکەن لەگەڵ گازینۆکانی تر کە ویلی نەریتیان پێشکەش دەکرد بە خانەکانی خاوەن جێگای یەک سفر و دوو سفر.

لە ھەندێ شێوازی کۆنی ویلەکانی ڕۆلێتی ئەمریکی، ژمارەکان لە ١ بۆ ٢٨ بوون، لەگەڵ خانەیەکی یەک سفر، خانەیەکی دوو سفر، و ھەڵۆیەکی ئەمریکی. خانەی ھەڵۆکە، کە ھێمای ئازادی ئەمریکایە، خانەیەکی خاوەن جێگا بوو کە سودی زیادەی بۆ گازینۆکە ھەبوو. بە زووی، ئەم نەریتە لەناوبرا و لەوکاتەوە ویلەکە تەنیا خانەی ژمارەکان لە خۆ دەگرێت. بەپێی ھۆیڵ «یەک ٠، دوو ٠، و ھەڵۆ ھیچ کاتێک بەربەست نین؛ بەڵام کاتێک تۆپەکە دەچێتە ھەر یەکێک لەمانە، خاوەن بانک ھەموو شتەکان لەسەر مێزەکە بۆ خۆی دەبێت، بێجگە لەوەی کە ڕەنگە گرەوی دانابێت لەسەر یەکێک لەمانە، کە بیست-حەوت ھێندە دەدات بۆ گرەوێکی وا، کە ئەمەش کۆی ھەموو گرەوەکانە کە دەدرێت لە کاتی دانانی گرەو لەسەر تەنیا یەک خانە».

لە سەدەی ١٩ی زایینیدا، ڕۆلێت بە ھەموو ئەورووپا و ئەمریکادا بڵاو بۆوە، بوو بە یەکێک لە بەناوبانگترین و خۆشەویسترین یاری گازینۆ. کاتێک حکوومەتی ئەڵمانی قومارکردنی لەناوبرد لە ساڵانی ١٨٦٠، خێزانی بلانک گواستیانەوە بۆ دوایین بەگەڕخستنی گازینۆ کە بە یاسایی ماوەتەوە لە ئەورووپا لە مۆنی کارلۆ، کە لەوێ ماڵی پیرۆزی قومارکردنیان دروست کرد بۆ بەناوبانگ و دەوڵەمەندەکانی ئەورووپا. لێرە بوو کە ویلی ڕۆلێتی یەک سفر بوو بە یاری سەرەکی، و بە درێژایی ساڵەکان گواسترایەوە بۆ تەواوی جیھان، بێجگە لە ئەمریکا کە ویلی دوو سفر ھەر لە پێشەوەی ڕکابەرییەکە مایەوە.

لە ویلایە یەکگرتووەکانی ئەمریکا، ویلی دوو سفری فەڕەنسی ڕێگای خۆی خۆشتر کرد لە ویلایەتی میسیسیپی (ئینگلیزی: Mississippi) بۆ ئۆرلییەنسی نوێ، و دواتر بەرەو خۆراوا. لێرە بوو کە بەھۆی کێشەی فێڵکردن لەلایەن ھەردوو وەگەڕخەر و قومارکەرانەوە، ویلەکە لەسەرەوەی مێزەکە دانرا بۆ ئەوەی ڕێگری بکات لە ھەبوونی ئامێرەکان بە شارەوەی لەناو مێزەکە یاخود ویلەکە، و ڕێکخستنی گرەوکردنی سادە کرد. ئەمەش بەرەو یاری ڕۆلێتی شێوازی-ئەمریکی ڕۆیشت. یارییە ئەمریکییەکە گەشەی پێدرا لەناو قومارکردندا لە نێوان ھەرێمە تازەکان کە یارییە کاتییەکانیان تێدا دروست بووە، لەگەڵ ئەوەیە یارییە فەڕەنسییەکە گەشەی کرد لەگەڵ شێواز و وچان لە مۆنتی کارلۆ.

لە ماوەی بەشی یەکەمی سەدەی ٢٠دا، تەنیا شارۆچکەکانی کازینۆ لە مۆنتی کارلۆ بوو لەگەڵ ویلی نەریتی فەڕەنسی یەک سفر، و لاس ڤێگاس بە ویلی ئەمریکی دوو سفر. لە ساڵانی ١٩٧٠دا، گازینۆکان دەستیان کرد بە گەشانەوە لە جیھاندا. لە ١٩٩٦ یەکەم کازینۆی ئۆنلاین، بە گشتی بڕوا وایە کە ئینتەرکازینۆ (ئینگلیزی: InterCasino) بێت، وای کرد کە بتوانیت ڕۆلێتی ئۆنلاین بکەیت. تا ٢٠٠٨، سەدان گازینۆ ھەبوو لە جیھاندا کە یارییەکانی ڕۆلێت پێشکەش بکەن. ویلی دوو سفر بەکاردەھێنرا لە ویلایەتە یەکگرتووەکان، کەنەدا، ئەمریکای باشوور و دوورگەکەنای کاری بی، لەکاتێکدا ویلی یەک سفر جێگاکانی تری داگیر کرد.

لە وڵاتانی ئاسیا و عەرەبی لە ئێستادا زانیاری زۆر لەسەر ڕۆلێت و یاریزان ھەیە، ھەرچەندە بەشێکی ئەم وڵاتانە لە ڕووی یاساییەوە یارییەکانی قومارکردنی ئۆنلاینیان قەدەغە کردووە، بەڵام لە ڕێگەی گازینۆی ئۆنلاین ھەزاران یاریزان لە وڵاتەکان بەشداری دەکەن و چەندین گازینۆی ئۆنلاین ھەیە کە تەرکیزی خستووەتە سەر ئەو ناوچەیە.

کۆی گشتی ھەموو ژمارەکان لەسەر ویلی ڕۆلێت (لە ٠ بۆ ٣٦) دەکاتە ٦٦٦، کە بریتیە لە «ژمارەکانی گیانەوەر» (ئینگلیزی: Number of the Beast).

ڕێساکانی یاریکردن لە بەرامبەر گازینۆیەک

یاریزانەکانی ڕۆلێت بژاردەی ھەمەجۆری گرەوکردنیان ھەیە. دانانی گرەوی ناوەوە (ئینگلیزی: inside bets)یان دانانی ژمارەیەکی دیاریکراوە کە تۆپەکە دەچێتە خانەکەی، یاخود چەند دانەیەکی کەم لە خانەکان لەسەر بنەمای ڕێکخستنی ژمارەکان. یاریزانەکانی کە ئارەزوو دەکەن گرەو دابنێن لەسەر گرەوی دەرەوە ئەو گرەوانە ھەڵدەبژێرن کە گرووپێکی گەورەتری خانەکان ھەڵدەبژێرن، ڕەنگی خانەکان، یاخود ئایا ژمارەی براوە تاک دەبێت یاخود جووت. پۆینتی براوە بۆ ھەر یەکێک لەم جۆرە گرەوانە لەسەر بنەمای ئەگەرەکانن.

مێزی ڕۆلێت بە گشتی بەرزترین بڕی گرەو و نزمترین بڕی گرەو دادەنێن، و ئەم ڕێسایەنەش جێبەجێ دەکرێن بە جیا بۆ ھەموو گرەوەکانی ناوەوە و دەرەوەی یاریزانێک بۆ ھەر خولاندنەوەیەک. بۆ گرەوەکانی ناوەوە لە مێزەکانی ڕۆلێت، ھەندێ لە گازینۆکان ڕەنگە چیپی مێزی ڕۆلێتی جیاواز بەکاربھێنن بە ڕەنگی ھەمەجۆر بۆ جیاکردنەوەی یاریزانەکان لەسەر مێزەکە. یاریزانەکان دەتوانن بەردەوام بن لەسەر گرەو دانان کە تۆپەکە دەخولێتەوە لەسەر ویلەکە ھەتا ئەوکاتەی کە دابەشکارەکە دەڵێن گرەوی تر نییە " no more bets" یاخود "rien ne va plus".

کاتێک ژمارەی براوە و ڕەنگەکەی دیاری دەکرێت لەلایەن ویلی ڕۆلێتەکە، دابەشکارەکە نیشانەیەک دەخاتە سەر ئەو جێگایە، ھەروەھا ناسراوە بە دۆڵی (dolly) لەسەر ئەو ژماراە براوەیەی لە ڕێکخستنی مێزی ڕۆلێتەکە ھەیە. کاتێک دۆڵی خرایە سەر مێزەکە، ھیچ یاریزانێک ناتوانێت گرەو دابنێت، گرەوەکانی کۆکاتەوە، یاخود ھەر گرەوێک لابدات لەسەر مێزەکە. دابەشکارەکە دواتر ھەموو گرەوە دۆڕاوەکان لادەبات بە دەست یاخود بە لارکردنەوە، و ھەموو پارەدانەکان دیاری دەکات کە ماون لەسەر گرەوە سەرکەوتووەکانی ناوەوە و دەرەوە. کاتێک دابەشکارەکە لە پارەدانەکان تەواو بوو، نیشانەکە لا دەبات لەسەر بۆردەکە و یاریزانەکان دەتوانن بردنەوەکانیان کۆ بکەنەوە و گرەوی نوێ دابنێن. چیپە براوەکان دەمێننەوە لەسەر بۆردەکە.

ڕۆلێتی کالیفۆرنیا

لە ٢٠٠٤، کالیفۆرنیا شێوازێکی ڕۆلێتی بە یاسایی کرد ناسراو بوو بە ڕۆلێتی کالیفۆرنیا. بە یاسا، یارییەکە پێویست بوو کاردەکان بەکاربھێنێت نەک خانەکان لەسەر ویلی ڕۆلێت بۆ ئەوەی ژمارەی براوە ھەڵبژێردرێت.

زنجیرەی ژمارەی ویلی ڕۆلێت

خانەکانی ویلی ڕۆلێت ژمارە کراون لە ٠ بۆ ٣٦.

لە ژمارەکانی مەودای ١ بۆ ١٠ و ١٩ بۆ ٢٨، ژمارە تاکەکان سوورن و جووتەکان ڕەشن. لە مەودای ژمارەکانی ١١ بۆ ١٨ و ٢٩ بۆ ٣٦، ژمارە تاکەکان ڕەشن و جووتەکان سوورن.

خانەیەکی ژمارەی سەوز ھەیە کە ٠ (سفر) تێدایە. لە ڕۆلێتی ئەمریکی، خانەی دووەمی سەوز ھەیە کە ژمارەی ٠٠ تێدایە. ڕیزبەندی ژمارەکان لەسەر ویلی ڕۆلێت بەیەکەوە لکاون لەسەر ئاڕاستەی میلی کاتژمێر لە زۆربەی گازینۆکان بەم شێوەیەی خوارەوە:

ویلی یەک-سفر

٠-٣٢-١٥-١٩-٤-٢١-٢-٢٥-١٧-٣٤-٦-٢٧-١٣-٣٦-١١-٣٠-٨-٢٣-١٠-٥-٢٤-١٦-٣٣-١-٢٠-١٤-٣١-٩-٢٢-١٨-٢٩-٧-٢٨-١٢-٣٥-٣-٢٦

ویلی دوو-سفر

٠-٢٨-٩-٢٦-٣٠-١١-٧-٢٠-٣٢-١٧-٥-٢٢-٣٤-١٥-٣-٢٤-٣٦-١٣-١-٠٠-٢٧-١٠-٢٥-٢٩-١٢-٨-١٩-٣١-١٨-٦-٢١-٣٣-١٦-٤-٢٣-٣٥-١٤-٢

ویلی سێ-سفر

٠-٠٠٠-٠٠-٣٢-١٥-١٩-٤-٢١-٢-٢٥-١٧-٣٤-٦-٢٧-١٣-٣٦-١١-٣٠-٨-٢٣-١٠-٥-٢٤-١٦-٣٣-١-٢٠-١٤-٣١-٩-٢٢-١٨-٢٩-٧-٢٨-١٢-٣٥-٣-٢٦

نەخشەی مێزی ڕۆلێت

ڕووبەری گرەوکردنی داپۆشراو لەسەر مێزی ڕۆلێت ناسراوە بە نەخشە (ئینگلیزی: layout). ئەم شێواز و نەخشەیە یاخود یەک-سفرە یان دوو-سفر.

شێواز و ستایڵی نەخشی ئەورووپی تەنیا یەک سفری ھەیە، و ستایڵی نەخشەی ئەمریکی بە گشتی دوو-سفری ھەیە. شێوەی ئەمریکی مێزی ڕۆلێت کە لە لایەکی کۆتایەکەیدا ویلێک ھەیە ئێستا لە زۆرترین گازینۆکان بەکاردێت بەھۆی ھەبوونی قازانجێکی زیاتری خاوەن جێگا بە بەراورد بە شێوەی ئەورووپی.

شێوازی مێزی فەڕەنسی لەگەڵ ھەبوونی ویلێک لە ناوەڕاستدا و نەخشەی یارییەکە لە ھەر لایەکی ویلەکە زۆر کەم دەبینرێت لەدەرەوەی مۆنتی کارلۆ.

جۆرەکانی گرەو

لە ڕۆلێتدا، گرەوەکان دەکرێت یان گرەوی ناوەوە بن یاخود دەرەوە.

گرەوەکانی ناوەوە

ناو	دەربارە	جێگای دانانی چیپ
ڕاستەوخۆ/تەنیا	گرەو کردن لەسەر تەنیا ژمارەیەک	بەتەواوی لەسەر ژمارەکە دادەنرێت
جیاکردنەوە	گرەو لەسەر دوو ژمارەی ستونی و ئاسۆی لەسەر قەراغی ژمارەکان (بۆ نموونە: ١٤–١٧، یان ٨–٩)	لەسەر قەراغی ژمارەکان
شەقام	گرەو دانان لەسەر سێ ژمارەی یەک لە دوای یەک لە ھێڵی ئاسۆیی (نموونە: ٧-٨-٩)	لەسەر قەراغی دەرەوەی ژمارەکان لەسەر ھەر لایەکی کۆتایی ھێڵەکە
کۆرنەر / چوارگۆشە	گرەو دانان لەسەر چوار ژمارە کە لە سوچێکدا یەک دەگرن (نموونە: ١٠-١١-١٣-١٤)	لەسەر سوچەکەی چوارگۆشەکە
شەش ھێڵ / دوو شەقام	گرەو کردن لەسەر شەش ژمارەی یەک لە دوای یەک کە لە دوو ھێڵی ئاسۆیی پێکدێن (نموونە: ٣١-٣٢-٣٣-٣٤-٣٥-٣٦).	لەسەر سوچی دەرەوەی کە ھاوبەشە لەگەڵ ھەردوو ھێڵەکە لەسەر دوو ژمارەکەی چەپ یاخود دوو ژمارەکەی ڕاست.
سیان	A three-number bet that involves at least one zero: 0-1-2 (either layout); 0-2-3 (single-zero only); 00-2-3 (double-zero only)	لەسەر سوچی ھاوبەشی ھەر سێ ژمارە ھەڵبژێردراوەکە
یەکەم چوار	گرەو دانان لەسەر ٠-١-٢-٣-٤ (تەنیا نەخشەی یەک-سفر)	لەسەر سوچی دەرەوە کە ھاوبەشە لە نێوان ٠–١ یاخود ٠–٣
شەبەکە	گرەو دانان لەسەر ٠-٠٠-١-٢-٣ (تەنھا نەخشەی دوو-سفر	لەسەر سوچی دەرەوە کە ھاوبەشە لە نێوان ٠–١ یاخود ٠٠–٣

گرەوەکانی دەرەوە

گرەوەکانی دەرەوە بە گشتی بڕی پارەدانیان کەمترە لەگەڵ ئەگەری باشتری بردنەوە. بێجگە لەوەی ئاماژەمان پێکرد، ھەموو ئەم گرەوانە دەدۆڕێت ئەگەر خانەی سفر دەربچێت.

١ بۆ ١٨ (نزم یاخود مانکێ)، یان ١٩ بۆ ٣٦ (بەرز یاخود پاسێ)

گرەوێک کە ژمارەکە لە نێوان مەودایەکی ھەڵبژێردراو لەو دوانە بێت.

سوور یان ڕەش (Rouge ou Noir)

گرەوێک کە ژمارەکە ڕەنگێکی ھەڵبژێردراو بێت.

جووت یان تاک (Pair ou Impair)

گرەوێک کلە ژمارەکە جۆرەکەی ھەڵبژێردراو بێت.

گرەوی دەرزەن

گرەوێک کە ژمارەکە لە دەرزەنێکی ھەڵبژێردراو بێت: یەکەم: (1-12 Première douzaine یان P12)، دووەم (13-24 Moyenne douzaine یان M12)، یاخود سێیەم (٢٥–٣٦، Dernière douzaine یان D12).

گرەوی ھێڵی ستونی

گرەوێک کە ژمارەکە لە یەکێک لە ھێڵە ستونییە ھەڵبژێردراوەکانی ١٢ ژمارەی بێت، وەک ١-٤-٧-١٠ تا خوارەوە بۆ ٣٤. چیپەکە دادەنرێت لەسەر ئەو بۆشایەیی خوار کۆتا ژمارە لەسەر ئەم ڕیزبەندییە.

گرەوی مار

گرەوێکی تایبەت کە ژمارەکانی ١، ٥، ٩ . ١٢، ١٤، ١٦، ١٩، ٢٣، ٢٧، ٣٠، ٣٢، و ٣٤ دەگرێت. ھەمان بڕی پارەدانی وەک گرەوی دەرزەنی ھەیە و ناوەکانی وەک زیک زاک (ئینگلیزی: zigzagging)، شێوازی وەک مار کە بەم ژمارانەدا دەڕوات. گرەوی مار لە ھەموو گازینۆکان بەردەست نییە؛ کاتێک ڕێگەپێدراوە، چیپەکە دادنەرێت لە سودی خوارەوەی چوارگۆشەی ٣٤ کە سنووری ھەیە لەگەڵ خانەکانی گرەوی ١٩–٣٦. ھەندێ لە نەخشەکانی یارییەکە ئەم گرەوە دەست نیشان دەکەن لەگەڵ مارێکی دوو-سەر کە دەڕوات لە ١ بۆ ٣٤، و گرەوەکە دەتوانرێت دابنرێت لەسەر سەری مارەکە لە ھەر لایەکی لەشی.

لە شانشینی یەکگرتووی بەریتانیا، گرەوەکانی دەرەوە (نزم/بەرز، سور/ڕەش، جوت/تاک) ئەنجامەکەی تەنیا دۆڕاندنی نیوەی گرەوەکەت دەبێت ئەگەر خانەی سفر دەربچێت.

مێزی ئەگەرەکانی گرەو

نرخی پێشبینیکراوی گرەوی ١$ (بێجگە لە حاڵەتی تایبەتی گرەوەکانی ھێڵی بەرز)، بۆ ڕۆلێتی ئەورووپی و ئەمریکی، دەتوانرێت ھەژمار بکرێت بەم شێوەیە

e x p e c t e d v a l u e = 1 n ( 36 − n ) = 36 n − 1 , {\displaystyle \mathrm {expectedvalue} ={\frac {1}{n}}(36-n)={\frac {36}{n}}-1,}

کاتێک س ژمارەی خانەکانە لەسەر ویلەکە

گرەوی سەرەتایی کە دەگەڕێتەوە لەگەڵ ئەو پارەدانەی ئاماژەمان پێکرد ئەگەر بەو جۆرە بێت؛ دەتوانرێت بە ئاسانیی دیاری بکرێت کە ئەم ھاوکێشەی پارەدانە نرخی پێشبینی کراوی قازانج دەبێت بە سفر ئەگەر تەنیا ٣٦ ژمارە ھەبێت (گازینۆکە ڕەنگە ئیفلاس بکات). ھەبوونی ٣٧ یاخود ژمارەی زیاتر قازانج دەدات بە گازینۆکە.

سودی خاوەن گازینۆ

تێکڕای خاوەن گازینۆ یان سودی خاوەن جێگا (ھەروەھا پێی دەوترێت نرخی پێشبینیکراو) ئەو بڕەیە کە یاریزان دەیدۆڕێنێت لەسەر ھەر گرەوێک کە دای دەنێت، بە تێکڕا. ئەگەر گرەوەکانی یاریزانێک لەسەر ژمارەیەکی تەنیا لە یاری ئەمریکی ئەگەری ٣٨/١ ھەیە کە یاریزان ٣٥ جار گرەوەکە بباتەوە، و ٣٨/٣٧ ئەگەر ھەیە کە یاریزان گرەوەکەی بدۆڕێنێت. نرخی پێشبینیکراو:

−١ × ٣٧/٣٨ + ٣٥ × ١/٣٨ = −٠٫٠٥٢٦ (٥٫٢٦٪ سودی گازینۆ)

بۆ ڕۆلێتی ئەورووپی، ژمارەیەکی تەنیا ٣٧/١ دەیباتەوە و ٣٧/٣٦ دەدۆڕێت

−١ × ٣٦/٣٧ + ٣٥ × ١/٣٧ = −٠٫٠٢٧٠ (٢٫٧٠٪ سودی گازینۆ)

بۆ ویلی سێ-سفر، ژمارەیەکی تەنیا ٣٩/١ دەیباتەوە و ٣٩/٣٨ دەدۆڕێت:

−١ × ٣٨/٣٩ + ٣٥ × ١/٣٩ = −٠٫٠٧٦٩ (٧٫٦٩٪ سودی گازینۆ)

گرەوەکانی بانگکراو یاخود گرەوەکانی ڕاگەیەندراو

ھەرچەندە زۆربەی کاتەکان پێی دەوترێت گرەوەکانی بانگکراو (ئینگلیزی: call bets) لە ڕووی تەکنیکییەوە ئەم گرەوانە زیاتر دەقیقن بەراورد بە گرەوەکانی ڕاگەندراو (ئینگلیزی: announced bets). جیاوازی یاسایی لە نێوان «گرەوی بانگکراو» و «گرەوی ڕاگەیەندراو» ئەوەیە کە «گرەوی بانگکراو» گرەوێکە کە لەلایەن یاریزانەکەوە دەکرێت بە بێ ئەوەی ھیچ پارەیەک دابنێت لەسەر مێزەکە بۆ تێچوی گرەوەکەی دەیکات. لە زۆربەی یاساکاندا (بەناوبانگترینیان بەریتانیا) ئەمە دادەنرێت بە قومارکردنی متمانە و قەرز و ھەروەھا نایاسایییە. «گرەوی ڕاگەیەندراو» گرەوێکە کە دادەنرێت لەلایەن یاریزانەکە و لە ھەمان کاتدا دەست بەجێ پارەی پێویستی بڕی گرەوەکە دادەنێت لەسەر مێزەکە، پێش ئەوەی ئەنجامی خولاندنەوەکە یان دەستەکە بزانرێت.

چەند زنجیرە ژمارەیەکی جیاواز ھەیە لە ڕۆلێتدا کە ناوی تایبەتیان پێوە لکێنراوە. باوترینیان ئەو گرەوانەن کە ناسراون بە «گرەوەکانی فەڕەنسی» و ھەر یەکێکیان بەشێک لەسەر ویلەکە دیاری دەکات، جۆری گرەوی فەڕەنسی و ئەڵمانی ھەیە وەک ناو و ناونیشانی ئەم گرەوانە. زنجیرەکان لەسەر بنەمای ژمارەی دیاریکراون کە لە تەنیشت یەک دانراون لەسەر ویلی ڕۆلێت. ھەموو گازینۆیەک ئەم گرەوانە پێشکەش ناکات و ھەندێکیان گرەوی زیاتر و یاخود ھەمەجۆر لەسەر ئەمانە پێشکەش دەکەن.

دراوسێکانی سفر (Voisins du zero)

ئەمەش ناوێکە، کە بە دەقیق تر پێی دەوترێت " grands voisins du zéro"، بۆ ئەو ١٧ ژمارەیەیە کە دانراون لە نێوان ٢٢ بۆ ٢٥ لەسەر ویلەکە، لەناویاندا ٢٢ و ٢٥ خۆشیان دەگرێتەوە. زنجیرەکە بریتییە لە ٢٥-٢-٢١-٤-١٩-١٥-٣٢-٠-٢٦-٣-٣٥-١٢-٢٨-٧-٢٩-١٨-٢٢ (لەسەر ویلی یەک-سفر).

نۆ دانە چیپی گرەو یاخود چەند دانەیەک دەبێت بە گرەو، دوو چیپ دادەنرێت لەسەر سێ ژمارەی ٠-٢-٣؛ یەکێک لەسەر ٤–٧ بە جیا؛ یەکێک لەسەر ١٢–١٥، یەکێک لەسەر ٢١–١٨؛ یەکێک لەسەر ٢٢–١٩؛ دوو لەسەر سوچی ٢٩-٢٨-٢٦-٢٥؛ و یەکێک ٣٥–٣٢.

یاری سفر (Jeu zero)

یاری سفر، ھەروەھا ناسراوە بە zero spiel(spiel وشەیەکی ئەڵمانییە بە مانای یاری یاخود یاریرکدن)، ناوی ئەو ژمارانەیە کە نزیکن لە سفر. ھەموو ژمارەکان لە یاری سفر بەشدار دەبن لەم جۆرە، بەڵام جیاواز دادەنرێن. گرەوی ژمارەکانی کە دادەنرێت بریتییە لە ١٥-٣٢-٠-٢٦-٣-٣٥-١٢.

گرەوەکە لەناویدا چوار چیپ بەکار دێت. سێ چیپ دەکرێتە سەر جیابوەکان و یەک چیپیش لەسەر ژمارەیەکی تەنیا؛ یەک چیپ لەسەر ٣–٠، یەک چیپ لەسەر ١٥–١٢، یەک دانە لەسەر ٣٥–٣٢ و یەک چیپیش بەتەنیا لەسەر ژمارە ٢٦.

ئەم جۆرە لە گرەو بەناوبانگە لە ئەڵمانیا و چەندین گازینۆی ئەورووپی. ھەروەھا پێشکەش دەکرێت وەک گرەوی ٥-چیپ لە زۆربەی گازینۆکانی ڕۆژھەڵاتی ئەورووپی. وەک گرەوی ٥-چیپ، ھەروەھا ناسراوە بە "zero spiel naca" و لەناویدا، لەگەڵ ئەو چیپانەی دای دەنێیت و لەسەرەوە ئاماژەمان پێکرد، یەک گرەویش لەسەر ژمارە ١٩ دادەنرێت.

تاکتیک و ستراتیژییەکانی گرەوکردن

بە درێژایی ساڵەکان، چەندین خەڵک ھەوڵیانداوە کە لە گازینۆ ببەنەوە، و ڕۆلێت بگۆڕن – کە خۆی یاریەکە دروست کراوە بۆ ئەوەی گازینۆ قازانج بکات – بە یەکێک لە یاریەکانی کە یاریزان بتوانێت پێشبینی بردنەوە بکات. زۆربەی کاتەکان ئەمە بەھۆی بەکارھێنانی سیستەمەکانی گرەوکردن بووە، ستراتیژیەکان کە دەڵێت دەتوانرێت لە سودی گازینۆ ببرێتەوە بە دروستکردنی ھاوکێشەیەکی تایبەتی گرەوەکان، کە بە زۆری لەسەر بنەمای ھەوەسی قومارکەرەکەیە (ئینگلیزی: gambler’s fallacy)، ئەو بیرۆکەیەیە کە ئەنجامەکانی ڕابردوو ڕێبەریەکە بۆ داھاتوو (بە نموونە، ئەگەر ویلێکی ڕۆلێت لە ١٠ جاری پێشوو ڕەنگی سوور دەرچووە لەسەر یەک، کە واتە سوور لە خولاندنەوەی داھاتوو کەمتر ئەگەری ھەیە ئەگەر کۆتا خولاندنەوە ڕەش بوو). ھەموو سیستەمەکانی قومارکردنی کە پشت بە ھاوکێشەیەک دەبەستن کاتێک تاقی دەکرێنەوە لەسەر ئەو یاریانەی سودی گازینۆ، لە تێکڕاو و ئەنجامدا یاریزانەکە پارە دەدۆڕێنێت.

جۆرەکانی سیستەمی گرەوکردن

سیستەمەکانی گرەوکردن لە ڕۆلێت دابەش دەبێت بۆ دوو جۆری سەرەکی: سیستەمکانی پێشکەوتنی نەرێتی کە ئەمە لەناویدا زیادکردنی بڕی گرەوەکەتە کاتێک دەدۆڕێیت. ئەمەش باوترین جۆری سیستەمی گرەوکردنە. ئامانجی ئەم سیستەمە ئەوەیە کە دۆڕاندنەکانت بەخێرایی وەرگریتەوە تا بتوانیت بگەیتەوە بە جێگای بردنەوە بە خێراتر دوای چەند دۆڕاندنێک لەسەر یەک. ئەم شێوە سیستەمانە بچووکن بەڵام بردنەوەی بە دوادا دێت دوای دۆڕاندنی زۆر. نموونەی سیستەمەکانی پێشکەوتنی نەرێنی لەناویدا سیستەمی مارتینگەیڵ (ئینگلیزی: Martingale)، سیستەمی فایبۆناچی، سیستەمی لابۆچێرێ، و سیستەمی دی ئالمبێرت.

سیستەمەکانی پێشکەوتنی ئەرێنی لەناویدا زیادکردنی بڕی گرەوەکەتە کاتێک دەیبەیتەوە. ئامانجی ئەم سیستەمانە یان قۆستنەوەی ئەو بردنەوە لەسەر یەکانەیە (نموونە: سیستەمی پارۆڵی)یان سود وەرگرتنە لەو گۆڕینی بەختەت بۆ ئەوەی بە خێرایی دۆڕاندنەکانی پێشوو بھێنیتەوە (نموونە. چەماندنەوەی ئۆسکار). کاریگەری و شێوەی ئەم سیستەمانە کە وا باس دەکرێت بەڵام دۆڕاندنی بەردەوام ھەندێ کات بردنەوەی گەورەی بەدوادا دێت.

سیستەمی پێچەوانەی مارتینگەیڵ

سیستەمی پێچەوانەی مارتینگەیڵ، کە ھەروەھا ناسراوە بە سیستەمەکانی پارۆلی (ئینگلیزی: parole)، لەسەر بیرۆکەی ستراتیژی گرەوی مارتینگەیڵ، بەڵام بە پێچەوانەوە. لە باتی دوو ھێندە کردنی گرەوەکەت دوای ھەر دۆڕاندنێک، قومارکەرەکە دوو ھێندەی گرەوەکەی دەکات دوای ھەموو بردنەوەیەک. سیستەمەکە ھەستی ئەوە دروست دەکات کە ئەو مەترسییە لابدەیت کە زیاتر گرەو بکەیت کاتێک دەدۆڕێیت، بەڵام. لە ڕاستیدا ھەمان کێشەی ستراتیژی مارتینگەیڵی ھەیە. بە دوو ھێندەکردنی گرەوەکانت دوای ھەموو بردنەوەیەک، کەسێک وای لێدێت کە بەردەوام گرەو بکات ھەتا یان لە یاریرکدن دەوەستێ، یان ھەمووی دەدۆڕێت.