چاڤی ھێرناندێز کروز

چاڤی هێرناندێز
Xavi Hernandez

چاڤی لەکاتی چوونی بۆ یانەی سەددی قەتەری
زانیاری کەسایەتی
ناوی تەواو	چاڤی هێرناندێز کروز
ڕێکەوتی لەدایکبوون	۲۵ی کانوونی دووەم ۱۹۸٠
شوێنی لەدایکبوون	تیراسا ، هەرێمی کەتەلۆنیا
باڵا	۱۷٤ سم
جێگای یاریکردن	ناوەڕاستی (چەپ)
زانیاریی یانە
یانەی ئێستا	یانەی سەدد
ژمارەی یانە	٦

چاڤی هێرناندێز کروز لەدایک بووی ساڵی ٢٥ی کانوونی دووەمیی ساڵی ١٩٨٠ز لە ناوچەی تیراسا لە هەرێمی کەتەلۆنیا، چاڤی یاریکەری تۆپی پێیە لەئێستادا یاری بۆیانەی سەدی قەتەڕی دەکات. چاڤی زیاتر لە ١٠٠ یاری بۆ هەڵبژاردەی ئیسپانیا کردووە ۱۲ گۆڵی بۆ هەڵبژاردەکەی کردووە وێڕای زۆرتر لە ٥٠٠ یاری بۆ یانەی بەرشەلۆنە لەگەڵ بەرشەلۆنەش توانیویەتی ۵۵ گۆڵ تۆمار بکات،،بەرلەوەی پەیوەندی بە سەد بکات یاری بۆیانەی بەرشەلۆنە دەکرد.

چاڤی هێرناندێز لە جامی جیهانی٢٠٠٦

سەرەتای ژیان

لە سەرەتادا باوکی ویستوویەتی ناوی بنێت یواکیم بەڵام دواجار لەلایەن دایکیەوە بە چاڤیەوە ناوی لێنرا وە یەک جار کە یاری تۆپی پێکردبێت لەتەمەنی سێ ساڵی بووە وە باوە گەورەشی بەردەوام چاڤی بردۆتە ناو یاریگاکان بۆئەوەی وەرزشوانێکی کارامەی لێوە دەرچێت دواتر لەلایەن بەهرە دۆزەرەوەیەکی قوتابخانەی لاماسیا بەناوی ئۆریۆڵ تۆرتی بانگێشتی لاماسیا کرا چاڤی لە مناڵە پەروەردکراوەکانی قوتابخانەی لاماسیایە بەوەی لەتەمەنی ١١ ساڵی پەیوەندی بەم قوتابخانەیەوە کردووە دواتر پەیوەندی بە تیمی یەکەمی یانەی بەرشەلۆنةکردوو ئێستا یەکێکە لە سێ باشترین یاریزانی جیهان بەهاوبەشی لیۆنێل مێسی و کریستیانۆ ڕۆناڵدۆ.

یۆڕۆی ٢٠٠٨

بەدەستهێنانی جامی نەتەوەکانی ئەوڕووپا لەگەڵ ئیسپانیا لەلایەن چاڤیەوە زۆر لەخەونەکانی نەبوو چوونکە ئەو وەک نیشتیمان پەروەرێک پەروەردەکراوە هەمیشە خەون بەوە دەبینێ ڕۆژێ درێسی هەڵبژاردەی کەتەلۆنیا بپۆشێت و گەر نازناوێکیشی لەگەڵ بەدەست نەهێنێت!

چاڤی هێرناندێز لەیەکێ لەیاریەکانی هەڵبژاردەکەی لەکاتی ئەنجام دانی لێدانی ناڕاستەوخۆ

چاڤی لە ٢٠٠٩

لە ساڵی ٢٠٠٩ دا لەگەڵ یانەی بەرشەلۆنە توانی شەش نازناوەکە بەدەستبهێنێت واتە هەریەکە لەپاڵەوانییەتییەکانی خولی ئیسپانیا، جامی شای ئیسپانیا، سووپەری ئیسپانیا و چامپیۆنز لیگ و سووپەری ئەورووپا و جامی جیهانیی یانەکان.

مۆندیالی ٢٠١٠

لەساڵی ٢٠١٠ لەمۆندیالی ئەفریقای باشوور توانی ئاستێکی بەرز پێشکەش بکات و هەڵبژاردەکەی بگەیەنێت کۆتایی کە لەکۆتا یاریدا بە گۆلێکی هاوڕێکەی ئەندرێس ئەنێستا توانیان مۆندیالی ئەفریقای باشوور بەرزکەنەوە.

دەستکەوتەکان

لەگەڵ یانەی بەرشلۆنا

• خوولی یانەکانی ئیسپانیا ٦ وەرز
• جامی شای ئیسپانیا (کۆپا دێلی ڕێی) ٢ جار
• جامی سوپەری ئیسپانیا٥ جار
• خوولی یانە پاڵەوانەکانی ئەوڕووپا ٣ جار
• جامی سووپەری ئەوڕووپا ٢ جار
• جامی جیهانی یانەکان ٢ جار

لەگەڵ هەڵبژاردەی تۆپی پێی ئیسپانیا

• جامی جیهانی باشووری ئەفریقیای ساڵی ٢٠١٠
• جامی کیشوەرەکانی ساڵی ٢٠٠٩
• جامی نەتەوەکانی ئەوڕووپا ساڵی ٢٠٠٨
• مەدالیای سلڤەر لە ئۆڵەمپیادی ٢٠٠٠
• جامی جیهانی لاوان ساڵی ١٩٩٩

گۆلەکانی لەگەڵ هەڵبژاردەی ئیسپانی

هەڵبژاردە	وەرز	یاری	گۆل
هەڵبژاردەی تۆپی پێی ئیسپانیا	2000–01	1	0
	2001–02	5	0
	2002–03	8	0
	2003–04	5	0
	2004–05	8	1
	2005–06	13	1
	2006–07	7	1
	2007–08	16	4
	2008–09	14	1
	2009–10	17	0
	2010–11	7	1
	2011–12	7	1
	کۆی گشتی	108	10

سەرچاوە

ویکپیدیای عەرەبی