ویکیپیدیا:داخوازی بەرامبەری کوردی

ئەم لاپەڕەیە بۆ داخوازی بەرامبەری کوردیی وشە بیانییەکان دروست کراوە. ئەگەر نازانن وشەیەک لە زمانەکانی تردا (وەکوو ئینگلیزی، عەرەبی، فارسی و ...) بە کوردی چیی پێدەڵێن، دەتوانن لێرەدا باسی بکەن ھەتا بەکارھێنەرانی تر وەڵامتان بدەنەوە. ھۆشیار بن! ئێرە شوێنی داتاشینی وشە نییە و وەڵامەکان دەبێ لە زمانی کوردیدا ھەبێ و بەکار گیرابێ.

Pact و Treaty

سڵاو. بۆ ئەم دوو وشەیە چ پێشنیار دەدەن؟ من پەیمانم بۆ Pact دانابوو و بۆ Treaty پەیماننامە بەڵام نازانم باشن یان نا. ھەروەھا ئێمە لە پەیمانی کۆن و پەیمانی نوێشدا پەیمانمان بۆ Testament داناوە. ڕێکەوتنامەشم دی کە چی بەرامبەری Agreementە (و گرێبەستیش Contract). سپاس.--چالاک _وتووێژ ‏٢٢:٠١، ١٤ی کانوونی یەکەمی ٢٠١٤ (UTC)

فضاھای نامی جدید

سلام، لطفاً معادل فضاھای نامی جدید رو ارائە بدید:

1. Topic (تاپیک، مبحث)
2. Gadget (ابزار)
3. Gadget definition (توضیحات ابزار، شرح ابزار)

ممنون. Mjbmr ^Talk ‏١١:١٦، ١٧ی ئابی ٢٠١٥ (UTC)

1. بابەت، سەرباس، خاڵی گرنگ
2. ئامراز
3. پێناسەی ئامراز

لە خزمەت داین (درخدمتیم) .--(دیاکۆ ماد) ,وتوو وێژ ‏١١:٤٤، ١٧ی ئابی ٢٠١٥ (UTC)

Diyako kazm سپاس، برای تاپیک کدام یک؟ Mjbmr ^Talk ‏١١:٤٨، ١٧ی ئابی ٢٠١٥ (UTC)

بابەت بھترە ، --(دیاکۆ ماد) ,وتوو وێژ ‏١٢:٠٠، ١٧ی ئابی ٢٠١٥ (UTC)

Flow

سڵاو. شتێکە تازە پەیا بووە بە ناوی en:WP:FLOW. لە فارسیدا ناویان ناوە جریان (کە عەرەبیە). بە کوردی چی پێ بڵێین؟ بە بڕوای ئێوە ڕەوت باشە؟--چالاک _وتووێژ ‏٠٩:٥٤، ١٨ی ئەیلوولی ٢٠١٥ (UTC)

لێرە (ڕەوتانە و دەسگەڕ) بەرانبەر بە (جریان) دانراون، لێرەش کۆمەڵە وشەیەک ھەن، ڕەوت خراپ نییە. --سەرچیا _{(وتووێژ)} ‏١١:٠٦، ١٨ی ئەیلوولی ٢٠١٥ (UTC)

ڕەوت زۆر تەواوە-- دیاکۆ ماد(با بدوێین) ‏١٣:٣٢، ١٨ی ئەیلوولی ٢٠١٥ (UTC)

"ڕەوت" کە واتای " شێوەی ڕۆیشتن" دەدا، تەنانەت لە چەن شوێندا بەرامبەری وشەی "پرۆسە یان فرایند" وشەی ڕەوت یان "ڕەوتانە"یان داناوە. Aminijian (لێدوان) ‏٢١:١٣، ٤ی کانوونی یەکەمی ٢٠١٥ (UTC)

وشەیەکی ئینگلیزی

ھەڤاڵان Southern بە ساوزێرن یان ساودێرن یان ساوتێرن باشترە؟؟؟ --دیاکۆ ماد(بدوێ) ‏٢٠:٥٤، ٢٣ی ئەیلوولی ٢٠١٥ (UTC)

تکایە ولامێک نەبوو؟؟؟--دیاکۆ ماد(بدوێ) ‏١٤:١٦، ٢٥ی ئەیلوولی ٢٠١٥ (UTC)

سەزێرن --سەرچیا _{(وتووێژ)} ‏١٧:٠٦، ٢٧ی ئەیلوولی ٢٠١٥ (UTC)

وەکوو چ وتارێک؟--چالاک _وتووێژ ‏١٤:٢١، ٢٨ی ئەیلوولی ٢٠١٥ (UTC)

بۆ ئەم وتارە بۆ نموونە!--دیاکۆ ماد(بدوێ) ‏١١:٣١، ٥ی تشرینی دووەمی ٢٠١٥ (UTC)

Accident

سڵاو. بەڕێزان بۆ ئەمە چتان پێ شک دێ؟ من زۆر گەڕام ھەر دوو وشە دانرابوو کە ئەوانیش ھەڵە بوون؛ ڕووداو یان پێشھات. ئەم دوو وشەیە لە فارسیشدا ھەیە (دەڵێن رویداد و پیشامد) بەڵام ئەمانە بەرامبەری eventن و accident شتێکی ترە. ڕووداو یان پێشھات (event) دەتوانێ ھەم شتێکی خراپ بێ ھەم چاک. بەڵام accident ھەمیشە خراپە. یانی accident جۆرێک ڕووداوی نەخوازراو و چاوەڕوان نەکراوە کە دەتوانێ زیانبەخش بێ. بۆ نموونە سەیری وتاری en:Nuclear and radiation accidents and incidents بکەن. لێردەا ناتوانین بڵێین ڕووداوە ناوەکییەکان چۆن بەم جۆرە ھەر شتێکی ناوەکی ڕووی دا بێ جا چاک یان خراپ، دەتوانێ بێ بەڵام لەوێدا تەنیا مەبەست شتە خراپەکانە.
ھەر وەک دەزانن لە کوردیدا ئەگەر شتێکی خراپ ڕوو بدا کاری قەومان/قۆمان بەکاردەھێنن. من لە ھەنبانە بۆرینەدا وشەی قۆمەم دۆزییەوە و مانا لێدرابۆوە «ڕووداوی ناخۆش». ئەم وشەیە بە بڕوای من پڕ بە پێستی وشەی accidentە. جا من نازانم ئایا بەکارھێنەرانی تر پێان باشە؟ یان شتی چاکتریان پێ شک دێ؟
ئێستا پۆل:ڕووداوەکانمان ھەیە بەرامبەری en:Category:Events. دەبێ فکرێکیش بۆ en:Category:Accidents بکەینەوە. سپاس.--چالاک _وتووێژ ‏٠٩:٣١، ٥ی تشرینی دووەمی ٢٠١٥ (UTC)

قەومان، لێقەوماو، قەوماندن، وشەیەکی کوردیە، نازانم ھەڵەم یان نا! بەڵام بەڕای من وشەیەکی گونجاوە، با قۆمە بێت.--دیاکۆ ماد(بدوێ) ‏١١:٥٥، ٥ی تشرینی دووەمی ٢٠١٥ (UTC)

لای ئێمە بە event دەڵێین بۆنە، وە Accidentیش بۆ ڕووداوی نەرێنی وەکوو car accident ڕووداوی ھاتووچۆ >Kushared (لێدوان) ‏١٢:٠١، ٥ی تشرینی دووەمی ٢٠١٥ (UTC)

نا کاک محەممەد بۆنە لای ئێمەش باوە بەڵام بەمە ناڵێن. بۆنە یەکێک لە ماناکانی کە جنابت ئاماژەت پێ کردووە دەبێتە «ڕووداوێکی تایبەت». بە عەرەبی پێی دەڵێن مناسبة و بە فارسی مناسبت (بە ئینگلیزی Occasion). بۆ نموونە دەڵێن بە بۆنەی جێژنی قوربان (بە فارسی بە مناسبت عید قربان).

یان بە Natural events ھەر دەڵێن ڕووداوی سروشتی قەتم نەبیستووە بڵێن بۆنەی سروشتی و ھەڵەشە؛ لافاو ڕووداوێکە خۆ بۆنە نییە.--چالاک _وتووێژ ‏١٦:٥٤، ٥ی تشرینی دووەمی ٢٠١٥ (UTC)

قۆمە باو نییە بەڵام لەوە ئەچێ پڕبەپێستی accident بێ.--Aza (لێدوان) ‏١٩:١٨، ٥ی تشرینی دووەمی ٢٠١٥ (UTC)

کاک چالاک accident ھەمیشە خراپ نییە. ھەندێ جار ئەبێ ھەر بە accident بڵێی ڕووداو.--Aza (لێدوان) ‏١٩:٢٠، ٥ی تشرینی دووەمی ٢٠١٥ (UTC)

بەڵێ بەڵام وەکی بزانم ھەمیشە بواری نەرێنی (مەنفی) ھەیە. باوەڕ ناکەم شتێک accident بێ و بواری ئەرێنی ھەبێ. بە ھەر حاڵ ئەگەر وشەیەکی باش و/یا باو بدۆزینەوە زۆر باش دەبێ.--چالاک _وتووێژ ‏٢٠:٠١، ٥ی تشرینی دووەمی ٢٠١٥ (UTC)

لە ئینگلیزیدا دایک و باوک بە مناڵی نەخوازراو واتە مناڵێ کە چاوەڕێی نەبووبێتن ئەڵێن accident. ناکرێ بەمە بڵێی ڕووداوی ناخۆش.

پێم وایە قەوماو باشتر بێ لە قۆمە، "کارەسات"یش ھەیە.--Aza (لێدوان) ‏٠٦:٢١، ٦ی تشرینی دووەمی ٢٠١٥ (UTC)

@Aza: بەڵێ لەسەرەوە نووسیومە accident نەخوازراو و چاوەڕوان نەکراوە. ھەڵبەت accident ناوە (noun) بەڵام قەوماو صفتە (adjective). بە بڕوای من قەوماوە زۆر تەواوە؛ وەک دامەزراوە، نێردراوە و ... . فکر بکەم ھەموو کەسیش دەزانێ مانای چییە و دەتوانێ زۆر راحت باویش بێ. کارەساتیش (کارثة) کە فەرمووت بەرامبەری disasterە.--چالاک _وتووێژ ‏٠٩:٢١، ٦ی تشرینی دووەمی ٢٠١٥ (UTC)

قەوماوە زۆر باشە.--Aza (لێدوان) ‏١٠:٠٩، ٦ی تشرینی دووەمی ٢٠١٥ (UTC)

ئەگەر قۆمە زۆر گونجاویش بێ، باونەبوونی کێشەیە. بۆ قەوماوەش نازانم، واتاکەی نێگەتیڤە؟ وشەی (بەڵا)ش ھەیە، کاتێ شتێکی ناخۆش بەسەر کەسێک دێت، دەڵێ تووشی بەڵایەک ھاتووم. | سەرچیا _{(وتووێژ)} ‏١٦:٤٨، ٧ی تشرینی دووەمی ٢٠١٥ (UTC)

دەستت خۆش بێ. کاکە وا بزانم دەبێ قەومان لای ئێوەش باو بێ. دەڵێن زۆر پیسی لێ قەوما یان دەڵێن یا ڕەبی لە کەس نەقەومێ. خۆ لێرەدا مەبەست ئەمە نییە شتێکی چاک ڕووی داوە و جوان دیارە مانای نەرێنی ھەیە.

بەڵام بەڵا کە فەرمووت زۆرم بیر لێ کردەوە. ناتوانێ بەرامبەری accident بێ. بۆ نموونە ئەو شتەی کە کاک ئازا فەرمووی «دایک و باوک بە مناڵی نەخوازراو واتە مناڵێ کە چاوەڕێی نەبووبێتن ئەڵێن accident»؛ خۆ ناتوانی بەمە بڵێی بەڵا؛ ئەمە شتێکە کە قەوماوە. لە فارسیشدا ھەر دەڵێن بەڵا (بەلا) و وشەکە عەرەبیە (بلاء). لە کوردیدا و لە زمانانەشدا وەک بەرامبەری en:Calamity ھاتووە کە ئەویش ھەر دەچێتەوە سەر disaster. بۆ نمونە fa:رده:بلایای طبیعی (بەڵا سروشتیەکان) کە بەرامبەری Natural disastersە. دەشێ بەرامبەری plagueیش بێ: Soon as the golden army were stored here, plague, silence and death fell on us.--چالاک _وتووێژ ‏١٩:٠٢، ٧ی تشرینی دووەمی ٢٠١٥ (UTC)

پێویستی بە دروست کردنی وشەی نوێ نییە. لە کوردیدا بە ڕووداوی ناخۆش دەڵێن : "کارەسات" . ھەم دروستە، ھەم باوە Aminijian (لێدوان) ‏٢١:١٧، ٤ی کانوونی یەکەمی ٢٠١٥ (UTC)

بەخێرھاتیەوە کاک ژیان. لە لێدوانەکەدا نووسراوە کارەسات (کارثة) بەرامبەری disasterە.--چالاک _وتووێژ ‏٢٢:٠٢، ٤ی کانوونی یەکەمی ٢٠١٥ (UTC)

@Calak:کاک چالاک من دیومە لە جیات disaster وشەی "وەیشوومە"یان داناوە.--Aza (لێدوان) ‏٠٥:٢٩، ٥ی کانوونی یەکەمی ٢٠١٥ (UTC)

@Aza:کارەسات کە مانای ڕوونە و بە بڕوای من لێدوانی ناوێ وەک دەڵێن کارەساتی چێرنۆبڵ. ھەر وەک خۆت وتت بە مناڵی چاوەڕوان نەکراو دەڵێن accident خۆ ئەمە نابێتە کارەسات! ئەمە شتێکە کە قەوماوە. وشەی کارەسات لای ئێمە باوە و قەت بەمانە ناڵێین کارەسات.

بۆ وەیشووم/وەیشوومە دڵنیا نیم کەرتەکانی چ بێت بەڵام بە بڕوای من کەرتی «شووم» لە وشەی «شوم»ی فارسیەوە ھاتووە و ئەویش عەرەبیە «شؤم» (دژواتای «یمن»ە).--چالاک _وتووێژ ‏١٠:٢٧، ٥ی کانوونی یەکەمی ٢٠١٥ (UTC)

@Calak: بۆ ئاگاداریت: دوێنێ لە دیوانی مەولەویا دیم کە مەلا عەبدولکەریمی مودەریس لە لێکدانەوەی شیعرێکا کە وشەی وەیشوومەی تیایە نووسیویەتی وەیشوومە بە مانای بای شووم و نەگبەتە. وا ی شووم. ھەورامی بە با ئەڵێ وا.--Aza (لێدوان) ‏٠٧:٣٢، ٢٠ی شوباتی ٢٠١٦ (UTC)

@Aza: دەستت خۆش بێ ئاگادارت کردمەوە. ئەگەر بکرێ ئەو بەیتەی وشەکەی تێدایە بۆم بنووسی. لە وشەنامەیەکی ھەورامی-سۆرانی وەیشومە «بەفر و باران و تۆف و سەرما» مانا لێدراوەتەوە. جاروبار دەڵێم ڕەنگە کەرتی وەی لێرەدا ھەر ئەوەیە لە بێوەی-دایە (وەی لە ھەورامیدا ھەر وەک سۆرانی باوە بە مانای زیان). دەشتوانێ ھەر وک وتت بە مانای وا بێ کە وتت بەڵام بۆ چی بووەتە وەی نازانم ئاخۆ ئەم گۆڕانکارییە نموونەی تری ھەیە یان نا؟ ئەگەر ھەیبێ دەکرێ ئەم بۆچوونە راست بێ.--چالاک _وتووێژ ‏١١:٢٢، ٢١ی شوباتی ٢٠١٦ (UTC)

@Calak: مەگەر بەیتەکەم بەر چاو کەوێتەوە! لە بیرم نەماوە.--Aza (لێدوان) ‏٠٩:٥٥، ٢٣ی شوباتی ٢٠١٦ (UTC)

ئابێل و ئابووری

ھاوڕێیان، کێشە لە نووسینی چەند وشەیەک دا ھەیە، دوو دانەیانم ئێستا لەبیرە، یەکەمیان ئابێل (ABEL) کە ئەگەر بە ئا بینووسم دەگۆڕدری بۆ ئۆگستور لەم وتارە:ئەبێل تاسمان دا مەجبور بووم بیکەم بە ئەبێل و دووھەمیان ئابووری(Aburi) ئابووری ، گەلۆ ئەمە بۆ وایە؟ چاک دەبێ؟ --دیاکۆ ماد(بدوێ) ‏٠٩:٥٨، ١٢ی تشرینی دووەمی ٢٠١٥ (UTC)

کێشەی Abel نازانم چییە. بە ھۆلەندی ئابڵ دەخوێنرێتەوە و بە ئینگلیزی ئەیبڵ.

کێشەی ئابوور و ئابووریش دەگەڕێتەوە سەر ھەموو ئەوھەموو وشە ھەڵەیە کە لە باشووردا باوە. ئابووری لە سۆرانیدا لە کرمانجی وەرگیراوە. لە کرمانجیدا Abor یانی economy (اقتصاد). دەی ئابووری دەبێتە economic (اقتصادی). بەڵام لە سۆرانیدا بە ھەر دووکیان ھەر دەڵێن ئابووری! کە ئەمە ھەڵەیەکی زۆر زەقە. وەکوو ئەوەیە بە history و historical ھەر دووکیان بڵێی مێژوویی!--چالاک _وتووێژ ‏١٩:٥٨، ١٢ی تشرینی دووەمی ٢٠١٥ (UTC)

بۆ کێشەی ئەبێل زۆر لام سەیرە، وشەیەکە بەشێوەیەکی ئۆتۆماتیکی دەگۆڕدرێ، بۆ وایە، عەجەب؟! باش وایە چاک بکرێ ، لەبەروەی ھەرکاتێ ئەم وشەیە بە ھەرشیوەیەک و بە مەبەستی تر بنووسرێ ئەوە دەگۆردرێ!!!

بۆ ئۆگستووریش بە ڕای من باش وایە چاک بکرێ، من پێشتر ئۆگستووریم کەم بیستووە، بەڵام باش وایە چاک بکرێت، با بە شێوەیەکی ئۆتۆماتیک نەگۆڕدرێ، مانای نیە! --دیاکۆ ماد(بدوێ) ‏١٧:١٦، ١٣ی تشرینی دووەمی ٢٠١٥ (UTC)

ئێستا لە مەبەستت گەییشتم کاک دیاکۆ! جنابت لە تایبەت:ھەڵبژاردەکان#mw-prefsection-gadgetsدا ئامرازی «گۆڕینی ناوی مانگە سریانییەکان بۆ مانگە ئینگلیزییەکان»ت چالاک کردووە بۆیە ئاب دەکاتە ئۆگست (مانگی ئابی سریانی بۆ ئۆگستی زایینی)!--چالاک _وتووێژ ‏١٩:٤٦، ١٣ی تشرینی دووەمی ٢٠١٥ (UTC)

دەک ڕەبی ماڵت ئاوا بێت، وللە دەمێک پێکەنیوم، سپاس کاکە، بەڵام سەرەڕای ئەوەش، سەبارەت بە ئۆگستووری پێویستە وتووێژێک بکرێ، جا پێت باشە با لە لاپەڕەی خۆیدا باسی بکەین ، بزانین ئەم وتارانە چیان لێ بکرێ ، سپاس--دیاکۆ ماد(بدوێ) ‏٢١:١٥، ١٣ی تشرینی دووەمی ٢٠١٥ (UTC)

دھستان/Rural

سڵاو. لە دابەشکاریی کارگێڕیی ئێراندا یەکەیەکمان ھەیە بە ناوی دھستان (کە لە ئینگلیزدا دەڵێن rural). دھستان لە دھ (بە مانای دێ) و پاشگری ستان دروست بووە. ئێمە بۆ ئەمە لە ڕووی زمانی فارسی وشەیەکی ناشیرینمان داتاشیوە: گوندستان! کە لە ھیچ کوێ نەھاتووە لە ویکیپیدیای کوردی نەبێ.
بۆ ئەمە لە کوردیدا وشەیەکی جوانمان ھەیە: گوندەوار (بڕوانن). گوندەوار وشەیەکی جوان و ڕەسەنە کە داتاشراو نییە و لە ڕووی پێکھاتەوە وەکوو وشەکانی لێڕەوار و شوێنەوارە. ئەگەر پێتان باش بێ ئەمە لە جیات وشەی داتاشراوی گوندستان دابنێین. سپاس.--چالاک _وتووێژ ‏٢٠:٣٦، ١٢ی تشرینی دووەمی ٢٠١٥ (UTC)

ھاوڕام--دیاکۆ ماد(بدوێ) ‏١٧:١٣، ١٣ی تشرینی دووەمی ٢٠١٥ (UTC)

دێستان چۆنە؟ | سەرچیا _{(وتووێژ)} ‏١٠:٥٩، ١٦ی تشرینی دووەمی ٢٠١٥ (UTC)

لەگەڵ پاشگری ستان دانیم، بە ڕای من گووندەوار داتاشینێکی جوانە--دیاکۆ ماد(بدوێ) ‏١٢:٤٨، ١٦ی تشرینی دووەمی ٢٠١٥ (UTC)

ئەوەش فەرقی نییە لەگەڵ گوندستان ھەر دووک داتاشراون. بەڵام من لە فەرھەنگێکی کوردی کرمانجی بە ئینگلیزی و فەڕەنسی (ھی ساڵی ١٩٦٥) وشەی گوندەوارم دیوە.--چالاک _وتووێژ ‏١٥:٥٢، ٣ی کانوونی یەکەمی ٢٠١٥ (UTC)

لە سۆرانیدا وشەیەکی ئاوامان ھەیە: لادێ کە بە مانای Ruralە. بەڵام ئەگەر بڵێین گوند دەبێ بڵێین گوندەوار. لە ویکیشدا ھەر گوندمان بەکارھیناوە. ئەگەر بمانەوێ بڵێین لادێ دەبێ ھەموو گوندەکانیش بکەین بە دێ.--چالاک _وتووێژ ‏١٦:٣٣، ٣ی کانوونی یەکەمی ٢٠١٥ (UTC)

لەگەڵ. --Aza (لێدوان) ‏١٨:٥٩، ١٦ی تشرینی دووەمی ٢٠١٥ (UTC)

من "دێ"م پێ باشترە. گوند زیاتر کوردیی باکوورییە. --Aza (لێدوان) ‏١٢:٢٨، ٤ی کانوونی یەکەمی ٢٠١٥ (UTC)

منیش ھەروا. تەنیا کوردی باکووری دەڵێ گوند. سۆرانی دەڵێ دێ، کەلھوڕی دیە، ھۆرامی لادە(گا)، زازاکی دەو(ە). وشەیەکی کۆنە و لە ئێرانی کۆن ‎*dahyu وەرگیراوە. بەڵام گوند کوردی نییە لە زمانی سوغدی قەرز کراوە (ئێستاش ھەر لە ناوی ھەندێک شاردا خۆ دەنوێنێ وەکوو تاشکەند، سەمەرکەند و ...). چۆتە ناو زمانی تورکیشەوە و ئەوانیش دەڵێن کەند.--چالاک _وتووێژ ‏١٣:١٦، ٤ی کانوونی یەکەمی ٢٠١٥ (UTC)

سپاس بۆ زانیارییەکانت.--Aza (لێدوان) ‏١٣:٣٧، ٤ی کانوونی یەکەمی ٢٠١٥ (UTC)

من "کۆدێ" بە بەرامبەرێکی باش دەزانم. لە فەرھەنگی فارسی -کوردی دانشگای کوردستانیشا " میرەدێ" ھاتووە، واتە کۆمەڵە دێیەکی لێک نزیک کە بە دەستی کوێخایەک بەڕێوە دەچێ. Aminijian (لێدوان) ‏٢١:٢٦، ٤ی کانوونی یەکەمی ٢٠١٥ (UTC)

کاک ژیان جنابت لەسەرەوە ئاماژەت کرد پێویستی بە دروستکردنی وشەی نوێ نییە! لادێ لە ھەنبانەدا دێھات مانا لێدراوەتەوە. بۆ خودی دێھاتیش نووسراوە گوندگەل، ئاوایی گەل. یانی شوێنێک کە چند دێ لە خۆ دەگرێتەوە یانی ھەر ئەو en:Rural areaیە.

ھەر پێویست بە ھەنبانەش نییە. لادێ لای ئێمە باوە. بە دەروەی شار و بەو مەڵبەندەی دێی لێیە دەڵێن.

مێرەدێش ھەر بە دێیەک دەڵێن زۆر ئاوەدان بێ و بە ناوچەیەک ناڵێن. دروست وەکوو شارەدێ.--چالاک _وتووێژ ‏١٦:٢٩، ٥ی کانوونی یەکەمی ٢٠١٥ (UTC)

Beach و Coast

ئەمانە چی پێ دەڵێن؟--چالاک _وتووێژ ‏١٥:٥٤، ٣ی کانوونی یەکەمی ٢٠١٥ (UTC)

لای ئێمە لەباشوور ھەرشوێنێک لەئاوەوە نزیکبێت ئەوە پێێ دەڵێن کەنار دەریا یان ڕۆخی دەریا - ئێستا بۆھەردوو وشەکە کەنار دەریا بەکاردەھێنین تەنانەت بۆ وشەی shoreیش ھەمان شت >Kushared (لێدوان) ‏١٨:٣٧، ٣ی کانوونی یەکەمی ٢٠١٥ (UTC)

لێرە بەباشی جیاوازیی نێوان shore و beach و coast شەرح دراوە.--Aza (لێدوان) ‏٠٩:٣٣، ٤ی کانوونی یەکەمی ٢٠١٥ (UTC)

بە پێی ھەنبانەبۆرینە "بەستێن" beach -ە چونکە وتوویە بەستێن یەعنی زیخەڵانی دەم ڕۆخانە. تایبەتمەندیی beach -یش ئەوەیە کە زیاتر زیخەڵانە.--Aza (لێدوان) ‏١٣:٣٥، ٤ی کانوونی یەکەمی ٢٠١٥ (UTC)

پێم وایە بەستێن Stream bed بێ، نەک Beach. سڵاو. --Aza (لێدوان) ‏٠٧:٠١، ٦ی کانوونی یەکەمی ٢٠١٥ (UTC)

@Aza: نا پێم وا نەبێ. لە قامووسی مامۆستا زەبیحیدا بەستێن ئاوا مانا لێدراوەتەوە: تیزماڵکە زەوێکی بە خیز و چەوە لە ھێندێ فەسڵی ساڵا ئاوی چەم و ڕوبارانی لێ دەکشێتەوە. ڕستەیەکی بۆ ھێناوەتەوە: چوار بێستانێکی لە بەستێنی چۆمی کردووە زۆر خۆشە. بۆ ھاومانای ئەم وشەیە لە شێوەزاری کەرکووکی «شاتی» نووسیوە کە عەرەبیە شاطئ و عەرەب بە Beach دەڵێ. وشەکەش وەک لەوێدا نووسراوە موکریە بۆیە لە دروستی ماناکە دڵنیام.

زۆر کەس ھەر وەک جنابت پێی وایە بەستێن ھەر ئەو بەستەرەی فارسیە بەڵام لە کوردیدا بەمە دەڵێن بەستۆڕە. ھەر لە قامووسی مامۆستا زەبیحیدا بۆ بەستۆڕە ھاتووە: ١- شوێنی ڕووبار و چومێکی زستانان و بەھاران ئاوی پێدا دێت و ھاوینان ئیشکی دەکا و خیز و چەوی تێدابێ. ٢- شوێنێکی وەختێک چەم و ڕووبار بووبێ.

نازانم ڕەنگە بەستێن بە مانای en:Bank (geography)‎ بێ یان دەنا ھەر بەمانای شاتی و Beach.--چالاک _وتووێژ ‏١٠:٥٤، ٦ی کانوونی یەکەمی ٢٠١٥ (UTC)

ئاخۆ فەرقی چەم و چۆم و ڕووبار چییە؟--Aza (لێدوان) ‏٠٨:٠٠، ٧ی کانوونی یەکەمی ٢٠١٥ (UTC)

چۆم شێوازی موکری وشەی چەمە و فەرقیان نییە. چەم لە وشەی چەشم وەرگیراوە (ئێستاش لە ھەورامی و لەکیدا بە چاو دەڵێن چەم). لە زمانی عەربیدا وشەی عین بە مانای چاو بە کانی دەڵێن. لە فارسیشدا چشمە بە مانای کانیە.

رۆد لە پاڵەویدا بە مانای riverە و رۆدبار river bank بووە (وشەی بار لە پاڵەویدا ھەر بە مانای bank بووە). بەڵام لە کوردیدا ڕووبار (دروستەکەی ڕۆبار) ھەر بە مانای riverە. بە بڕوای من ڕووبار لە چەم گەورەترە. لە فارسیشدا رودبار بە مانای رودخانە بزرگ ھاتووە.

لێرەدا دەتوانین بۆ shore بەرامبەرێک بدۆزینەوە و ئەویش وشەی «بار»ە. بار لە پاڵەویدا بە مانای bank, shore بووە. لە کوردیشدا و لە ھەنبانەدا بار بەم مانایە ھاتووە: رەخی ئاڤێ. --چالاک _وتووێژ ‏١٠:٥٠، ٧ی کانوونی یەکەمی ٢٠١٥ (UTC)

@Calak: سپاس بۆ تێبینی و ڕوونکردنەوەت. ئەگەر shore «بار» بێ ئەی bank چی بێ؟ --Aza (لێدوان) ‏١١:١٨، ٧ی کانوونی یەکەمی ٢٠١٥ (UTC)

«گوێچەم»م بەم مانایە دیوە.--چالاک _وتووێژ ‏١٦:٠٠، ٧ی کانوونی یەکەمی ٢٠١٥ (UTC)

@Calak: ئەمەش ھەیە. --Aza (لێدوان) ‏١٥:٠٩، ٨ی کانوونی یەکەمی ٢٠١٥ (UTC)

Fossil چێ پێ دەڵێن بە کوردی؟

لێرە "بەردین، فۆسیل، بووبەرد، پاشماوەی ئاژەڵ یان رووەک" داندراوە، لە کتێبی "زانست"ی پۆلی چواری بنەڕەتی حکومەتی ھەرێمی کوردستانیش "بەردینە، بەبەردبوو" بەکارھاتوون. ڕاتان چییە؟ محمد (لێدوان) ‏١٩:٣٣، ١١ی کانوونی یەکەمی ٢٠١٥ (UTC)

من بووبەرد و بەبەردبووم پێ جوانە--دیاکۆ ماد(بدوێ) ‏٠٧:٥٨، ١٢ی کانوونی یەکەمی ٢٠١٥ (UTC)

ئەم بووبەرد و بەبەردبوویە رێک وەرگێڕاوی عەرەبیەکەیەتی مُتَحَجِّرَة.

بەردینە ناو نییە و ئاوەڵناوە. ئەم وشانەی بە پاشگری -ینە دروست دەبن ھەمیشە دوای وشەیەکی تر دێن. وەکوو ئەسپەدارینە، مێرگەنەخشینە، پەلکەزێڕینە، بووکەبەفرینە و ... . پاشگری -ین-یش ھەر ئاوەڵناو دروست دەکا وەکوو شیرین.

لە فارسیدا وشەیەکیان بۆ ئەمە داناوە: سنگوارە. سنگ (سەنگ) یانی بەرد و -وارە پاشگری لێکچواندنە. بە تێکڕایی یانی شتێک کە وەکوو بەردە.

داتاشینی وشەیەکی ئاواش بۆ کوردی زۆر ئاسانە بەڵام ھەموو ھەر دەڕواننە سەر زمانی عەرەبی لە جیات فارسی کە چی ئاشکرایە فارسی و کوردی ھاوخێزانن بەڵام عەرەبی فڕی بە کوردیەوە نییە. بۆیە وشەی سەیروسەمەری بووبەرد و بەبەردبوو لە ڕووی عەرەبی دادەتاشن بەڵام ناتوانن وشەیەکی جوان وەکوو سنگوارەی فارسی دروست بکەن.

من ھەر لەگەڵ فۆسیلم.--چالاک _وتووێژ ‏١٠:١٨، ١٢ی کانوونی یەکەمی ٢٠١٥ (UTC)

منیش لەگەڵ فۆسیلم.--Aza (لێدوان) ‏٠٤:٤٢، ١٣ی کانوونی یەکەمی ٢٠١٥ (UTC)

منیش فۆسیلم بەدڵە. بەڵێ، لە فارسیدا «فُسیل» و «سَنگوارە» (واتە «بەردینە (ناو، noun)»، «وەک بەرد») ئەڵێن. لە زمانی لاتیندا fossilis واتە «شتێ کە بە ھەڵکەندن بەدەس دێ». بەردینە وشەیێکی باش نییەو وەک چالاک ئەڵێ، ئاوەڵناوەو ناو نییە. Hamidhassani1 (لێدوان) ‏٠٢:٠٥، ٢٥ی کانوونی یەکەمی ٢٠١٥ (UTC)

@Hamid Hassani: خۆشەویست وا ھەیە لە فارسیدا پاشگری -ینە بە ناوەوە دەلکێ و ھەر ناو دروست دەکا. ئەمە لە فارسیدا دەگمەنە. بۆ نموونە وشەی «گنجینە» کە ناوە و ئاوەڵناوە نییە.

لە کوردیشدا وشەی «مسینە» ھەیە کە ناوە (ئاوەڵناو نییە) و بە آفتابه دەڵێن. بەم پێیە ئەگەر بڵێین بەردینە وەک مسینە ناو بێ دەکرێ بڵێین ھەڵە نییە. بڕوای جنابت چییە؟--چالاک _وتووێژ ‏٠٨:١٩، ١٤ی ئازاری ٢٠١٦ (UTC)

بەڵێ کاک چالاک، «بەردینە» ئەکرێ ناو بێ‌و بە ھیچ جۆریش ھەڵە نییە. وەک جنابت فەرمووت، «مسینە» واتە «آفتابە» ناوە. جا پێشتر ئاوەڵناو بووەو دوایی جێگری ناو بووە؛ ڕێک وەک «شیرین» و «شیرینی» لە فارسی و کوردیدا، کە پاشگری «ـین» و «ـی» ھی ئاوەڵناوە، دوایی بووە/ ئەبێ بە ناو. بەڵام «گنجینە»ی فارسی ھەر ناوە. بۆ بەرامبەری fossil، ھەر خۆی (فۆسیل)ـم زۆر پێ باشە، گەرچی «بەردینە» کوردییێکی جوان و خاوێنە و دەتوانێ بە ناو بناسرێت. Hamid Hassani (لێدوان) ‏١٢:٢١، ١٦ی ئازاری ٢٠١٦ (UTC)

سپاس. لە ناو فەرھەنگە کوردییەکانیشدا (بۆ نموونە ھەنبانە بۆرینە) بەردینە ھەر وەکوو ئاوەڵناو مانا لێدراوەتەوە. منیش بۆیە پێم باشە ئەگەر بڕیارە کوردی بکرێ وشەیەکی تری بۆ دابنرێ چون بەڕاستی ڕۆڵی سەرەکیی پاشگری -ینە ئەمە نییە. لەگەڵ رێز.--چالاک _وتووێژ ‏١٦:٠٠، ١٦ی ئازاری ٢٠١٦ (UTC)

Rock و Stone

تا ئێستا لێرە تێکەڵییەک ھەیە، لەنێوان (Stone) و (Rock)، بە ھەردووکیان بەرد دەوترێ، لەبەرەوەی بابەتەکە پەیوەندی بە زانستەوە ھەیە، دەبێ دوو وشەی جودایان بەرانبەر دابنێین. وشەی (بەرد) بۆ یەکێکیان، و وشەیەکی دی بۆ ئەوەی دیکە. | سەرچیا _{(وتووێژ)} ‏١٤:٠٨، ٣ی ئازاری ٢٠١٦ (UTC)

ئەوەندەی من بزانم جیاوازی نێوانیان بریتییە لە پێکھاتە و قەبارە و بارستایی. (Stone) بە مانای بەرد دێت کە دەتوانرێت بجوڵێنرێت و تەواوی ماددەکە بریتییە لە بەرد بەڵام (Rock) بە مانای تاشە بەرد دێت کە لە ڕووی ماددەکەوە تەنھا بریتی نییە لە بەرد بەڵکو توخمی تریشی تێکەڵە وە ھەروەھا قەبارە و بارستەکەشی گەورەترە لە بەردی ئاسایی و مرۆڤ توانای جوڵاندنی نییە.

نموونە:

تاشە بەرد

بەرد

-- Diyar Mohammed ^لێدوان ‏١٦:٣٧، ٣ی ئازاری ٢٠١٦ (UTC)

بۆچوونی کاک دیار ڕاستە و بەدڵنیاییەوە Stone دەبێتە بەرد. وابزانم تاشەبەردیش دەکرێ بەرامبەری Rock بێ بەڵام تاشەبەرد یان ھەر تاش لە وشەی تورکی taş (ھەر بە مانای بەرد) وەرگیراوە بۆیە پێم باش نییە.--چالاک _وتووێژ ‏١٨:١٥، ٣ی ئازاری ٢٠١٦ (UTC)

کەڤر یان کەور چۆنە، بەرانبەر (Rock)؟ ئەوەی بزانم ھەر بەو واتایەش بەکارھاتووە. | سەرچیا _{(وتووێژ)} ‏٢١:١٥، ٣ی ئازاری ٢٠١٦ (UTC)

کەڤر ھەر بە مانای بەردە. لە ھەندێک شێوەزاری کرمانجیدا بە بەرد دەڵێن کەڤر.--چالاک _وتووێژ ‏٢١:٢٠، ٣ی ئازاری ٢٠١٦ (UTC)

کاک چالاک ناکرێ بەیەک شێوە لە زمانی زانست و زمانی ئاساییی خەڵک بڕوانین. نازانم بۆ شێوەزارەکانی تر، بەڵام لای ئێمە کەور بەکاردێ و ھاوواتای بەرد نییە، لە زمانی زانستیش؛ دەشێ دوو وشە کە لە زمانی ئاسایی ھاوواتا بن، و بەڵام لێرە بۆ دوو شتی جودا بەکاربێن، ئەمە لە ئینگلیزیش ھەیە و دەتوانم نموونەشتان بۆ بخەمەڕوو. | سەرچیا _{(وتووێژ)} ‏٢١:٥٣، ٣ی ئازاری ٢٠١٦ (UTC)

دەزانم دەڵێی چی براکەم بەڵام ئەمە کاری ستانداردکردنی کوردی یەکجار ئەستەم دەکاتەوە. تۆ مانای وشەی کرمانجی کەڤر دەگۆڕی و ئەوانیش مانای وشەی سۆرانی بەرد! یانی ئاوا کرمانجی و سۆرانی دروست دەبن بە دوو زمانی پێچەوانەی یەکتر. ئەگەر ھەر ماناکەی دەگۆڕی وشەیەک لە سۆرانی بگۆڕە. بۆ نموونە لە ئەردەڵانیدا بە بەرد دەڵێن کوچک. گۆڕینی مانای وشەی دەبێ دوایین کار بێ چون ئێستا ئێمە دڵنیا نین ئایا وشەی ترمان ھەیە بۆ ئەم مەبەستە یان نا. ئەگەر ھەمانبێ ئیتر پێویست بە گۆڕینی مانا ناکا. ھەروەھا گۆڕینی مانای وشەکانیش لە دەستەڵاتی ئێمەدا نییە.--چالاک _وتووێژ ‏٢٢:٠٦، ٣ی ئازاری ٢٠١٦ (UTC)

ڕاستە کارەکە ئەرکی ئێمە نییە، و ئێمە تەنیا کەڵک لەوە وەردەگرین کە ھەیە. بەڵام ئەی چار چییە؟! من خەریکی دانانی چەند پۆلێک بووم کە ئەم شتەم پێشھات. تا کەی دەبێ چاوەڕێ بکەین، چاوەڕێی فەرھەنگێ کە ژێدەری سەرەکیمان بێ، شتێ کە بوونی نادیارە. ئەمە گونجاوە بچم ھەردوو وشەکە بە بەرد وەربگێڕم و پۆل سازبکەم، و چەندان وتاریان بچێتەناو، دواتر کارەکە بە ھەڵە دابنرێ و دووبارە زەحمەتی دروستببێتەوە. | سەرچیا _{(وتووێژ)} ‏١٥:٤٩، ٤ی ئازاری ٢٠١٦ (UTC)

@Calak:@Serchia: سڵاو، جەمال نەبەز ئەڵێ کەڤر لە کەوەرەوە ھاتووە و ئەویش لە کەمەرەوە بە مانای بەندەڵانی چیا. ھەروەھا کوچکیش بە مانای کەڤری بچووکە. لە فەرھەنگی ھەرمانیشدا ھاتووە کە بەرد لەگەڵ وشەی ئاڵمانی berg ھاوڕیشەیە کە بە مانای کێوە. لێرەشا باسی جیاوازییەکانی stone و rock کراوە. بەکورتی ئەوە ئەڵێ کە stone بچووکترە و مرۆڤیش زیاتر بەکاری دێنێ بەڵام ھەمیشە وا نییە. وشەی سەنگیش ھەیە ڕەنگە ھاوڕیشە بێ لەگەڵ stoneدا. --Aza (لێدوان) ‏١٥:٣٢، ٥ی ئازاری ٢٠١٦ (UTC)

بۆچوونەکانی نەبەر ڕاستی تێدایە و ھەڵەشی چاک تێدایە. بەڵام ئەم قسەیەی ڕاستە کە کەڤر لە کەمەرەوە بە مانای بەندەڵانی چیا وەرگیراوە. لە کرمانجیدا دەنگی [m] لە نێوان دو بزوێندا دەبێتە [v] و لە سۆرانیدا دەبێتە [w]. بەڵام لە زازاکیدا ناگۆڕدرێ و [m] وەک خۆی دەمێنێتەوە. لە زازاکیدا بە کەڤری کرمانجی و کەوری سۆرانی ھەر دەڵین کەمەر. ئەمەش قسەی نەبەز دەسەلمێنێ.--چالاک _وتووێژ ‏١٧:٠١، ٥ی ئازاری ٢٠١٦ (UTC)

لە ھەورامیشدا وەک زازاکی دەنگی [m] دەپارێزرێ. ھەر ئێستا سەیری وشەنامەیەکی ھەورامیم کرد. تێیدا وشەی «کەمەر» ھاتبوو و بە سۆرانی خڕەبەرد مانا کرابۆوە.--چالاک _وتووێژ ‏١٧:٠٥، ٥ی ئازاری ٢٠١٦ (UTC)

سوپاس کاک ئازا. ڕاستە، لای ئێمەش کەور زیادتر بە بەردەڵانی چیا دەوترێ، کوچکیشم بیستووە بەس بە تەنیا نا، لەگەڵ بەرد بەکاردەھێ (کوچکەبەرد). ئەم بابەتە لەنێو خەڵک کێشەیەکی وای دروست نەکردووە، لە ئینگلیزیشدا خەڵک بە تێکەڵی بەکاری دێنن، و زۆر جیاوازی لەنێوان نابینن. بەڵام لە زانست بەتایبەتی لە زەویناسی نابێ ئەو تێکەڵەیە ناکرێ یان ڕێدراو نییە. سەنگیش لە فارسی بەکاردێ، پێموابێ ئەوانیش بەرانبەر ھەردوو وشە ئینگلیزییەکە بەکاری دێنن، لە کوردی کەم بەکاردێ. | سەرچیا _{(وتووێژ)} ‏١٧:٠٩، ٥ی ئازاری ٢٠١٦ (UTC)

برایان گەڕام و وشەیەکی ڕیک بە مانای rockم دۆزییەوە: زنار. لە ھەنبانەدا ھاتووە و سەیری ویکیفەرھەنگیشم کرد لەوێشدا بە مانای rock ھاتووە. پێشتر ئەم وشەیەم بیستبوو بەڵام نەمدەزانی مانای چییە. سپاس.--چالاک _وتووێژ ‏٠٩:٠٤، ٦ی ئازاری ٢٠١٦ (UTC)

---

بۆچوونی چەند کەسێک، لەوانەیە بەکەڵک بێت:

بۆ وشەی rock، ڕۆک، دوو ناومان بە کوردی ھەیە. کەستەک: بریتیە لە تۆپەڵە خۆڵێکی پتەو و ڕەق. ھەروەک بە بەردی گەورەی شاخیش دەگوترێت کەستەک. کەڤر: واتا کەستەک. بەردی شاخ و کێوان. واتا Sedimentary rocks، بە کوردی دەبێتە (کەڤری نیشتو). بۆ stone، ستۆونیش، بەرد و سەنگ لە کوردی بەکاردێن. لە کرمانجیدا، بە بەرد دەگوترێت (بەر)، وەک ڕاکە بەران. بەرێ گرتە وی. کەڤر تەنیا بۆ بەردی گەورەی شاخ بەکاردێت. (شاسوار ھەرشامی)

---

گابەرد و تاشەبەرد بۆ رۆک بەکار چووە لە کوردیدا. (عامر کورد)

---

(stone)بەردی بچوکە بەڵام (rock)بەردی گەورەیە کەواتە گاشەبەرد بۆی دروستە بەڕای من. وە وشەی (بانگوێڕ) یشم بیستوە کە بە بەردی زۆر گەورە دەگوترێ کە لە ھەورازێک بەردەبێتەوە... (شاناز شاناز)

---

Rock وابزانم دەتوانی ووشەی تاوێریشی بۆ بە کار بھێنی چونکە لە بەرد گەورەترە. (شۆڕش سمکۆ)

---

ئەگەر زمانەکەمان ستاندارد با، چەند وشەمان بۆ بەرد ھەیە و دەمانتوانی بە سەر ئەوانەدا دابەشیان کەین:

• بەرد
• سەنگ
• کەڤر
• کوچک

(تاھیر قاسمی)

منیش لەدوای ئەم بۆچوونانە لەگەڵ (کەڤر)م. | سەرچیا _{(وتووێژ)} ‏١٣:٠٩، ٦ی ئازاری ٢٠١٦ (UTC)

دژ بزانە تەواوی ئەم بۆچوونانە یەکانیان باسی وشەی زناریان کردووە؟! ئەوانە ھەر ڕێشیان پێ نەبردووە. لە کاتێکدا ھەموو دەزانین کەڤر بە مانای بەردیش بەکارھاتووە بەڵام زنار تەنیا بە مانای rockە. ئەمە دەڵێم چون ھەر لە مەڵبەندی خۆماندا لەگەڵ شکاکان بووم بە بەردیان دەوت کەڤر و مەبەستییشان ھەر stone بوو نەک rock.

دژایەتیش دەکەم چون نامەوەی لەخۆوە دیسان مانای وشە بگۆڕین لە کاتێکدا خۆمان لە زمانەکەماندا وشەیەکی گونجاومان بۆ ئەمە ھەیە. ئەگەر نەمانبوایە قسەم نەبوو. تکایە لەم کەسانە بپرسە ئەی زنار چییە و بە چی دەڵێن. سپاس.--چالاک _وتووێژ ‏١٤:٣٤، ٦ی ئازاری ٢٠١٦ (UTC)

کە پشتگیری لە کەڤر دەکەم، لەبەرەوەیە بەکارھاتووە، ئەوەی لەبیرم بێت لە کتێبەکانی خوێندنیش بەرانبەر (Rock) کەڤر بەکارھاتبوو. نازانم بۆ زنار، لەوانەیە دروست بێت و بەرانبەرێکی تەواو بێت، بەڵام بەکارنەھاتووە، و باو نەبووە. لەبارەی بۆچوونی ئەو بەڕێزانەش خۆزگە خۆیان لێرە دەبوون و وەڵامیان دەبوو، من تەنیا وەک کەڵکێ بۆ بابەتەکە بۆچوونەکانیانم لێرە دانان. | سەرچیا _{(وتووێژ)} ‏١٥:٠٨، ٦ی ئازاری ٢٠١٦ (UTC)

کاک @Serchia: جارێ بۆ ئەم مەبەستە ھەر کەڤر بەکاربھێنێ قەیدێ ناکا. دەزانی کێشەکە چییە؟ ئێمە فکر لە زمانێکی یەکگرتوو ناکەینەوە. لامان وایە ھەموو شێوەزارەکانی کوردی دەبێ لە خزمەت سۆرانیدا بن بەڵام لە ڕاستیدا سۆرانی دەبێ لە خزمەت زمانی یەکگرتووی کوردیدا بێ. سپاس.--چالاک _وتووێژ ‏٠٩:٠١، ١٤ی ئازاری ٢٠١٧ (UTC)

کاک @Calak:، ئەو فکرەی زمانی یەکگرتووە زیانی زۆری لێ داوین! بەڕای من لەجێی ئەوەندە بیرکردنەوە یان خەریکبوون بە زمانی یەکگرتووی کوردییەوە، بیر لەپێشبردنی سۆرانی و کورمانجی بکرێتەوە وەکوو دوو زمان زۆر باشترە، بەتایبەت لە دنیای ئینتەرنێت، بۆ نموونە ماڵپەڕی یووتیووب تەنیا زمانی کوردی داناوە، کە دەتەوێت ژێرنووسێک بۆ ڤیدیۆیەک دابنێی دەبێت یان سۆرانی بێت یان کورمانجی، لە کاتی دانانی یەکێکیان ناتوانی ئەوی تریان دابنێیت، کێشەی ھاوشێوەمان زۆرە. لەم بابەتەش چی ڕاستە با ئەوە بکرێ و ناکرێ بڵێین با جارێ ئەوە بێت، ئەمن نەھاتووم ڕای خۆم فەرزبکەم. سەرچیا — ‏١٣:٣٣، ١٤ی ئازاری ٢٠١٧ (UTC)

من لەم جێگە و پێگەیەدا نیم بڕیاری ھەتاھەتایی بدەم بۆیە دەڵێم جارێ با ئەمە بێ. ھەر کات زمانی کوردیش خاوەنی خۆی پەیا کرد با ئەوان یەکلای بکەنەوە. تا ئێستا دوژمنی کوردیش نەیوتووە سۆرانی و کرمانجی زمانن بەڵام کورد خۆی دەڵێ دوو زمانە. ئەم قسەیە لەبەر کوردایەتی ناکەم بەڵکوو زمانەوانی وا دەڵێ. وای لێ ھاتووە لە باشوور لە بڕی ژن دەڵێن ئافرەت کە وشەیەکی تورکییە. ھەر بۆ ئەوە وەکوو کرمانجان نەڵێن ژن دەڵێن ئافرەت و تورکی بە باشتر دەزانن. ئەم ڕێگایە وا ئێوە پێیدا دەڕۆن زۆر بڤەیە. زیاتر بیری لێ بکەنەوە. سپاس.--چالاک _وتووێژ ‏٠٨:٥٠، ١٥ی ئازاری ٢٠١٧ (UTC)

Floating Window

Floating Window یان Popup Window پەنجەرەیەکی بچووکە، دەتوانرێ بجووڵێنرێ (وەک لەم وێنەیە)، چ ناوێکی بۆ پێشنیار دەکەن؟ من پێشنیاری پەنجەرەی سەرکەوتوو یان پەنجەرەی ناجێگیر دەکەم، پەنجەرەی سەرکەوتوو گونجاوە، تەنیا ئەوە نەبێت، (سەرکەوتوو) لە کوردی مانایەکی تریشی ھەیە (Success) لەوانەیە ئەمە ببێتە کێشە. | سەرچیا _{(وتووێژ)} ‏١٦:٤٨، ١ی نیسانی ٢٠١٦ (UTC)

وا باشترە بەرامبەرێک بۆ float بدۆزینەوە و خۆمان رزگار بکەین. لە ئینگلیزیدا لە پێناسەی floatدا نووسراوە:

‎

a thing that is buoyant in water, in particular.

‎

لە ھەنبانەدا وشەیەکی ئاوا ھەیە: سەراو. بە کوردی لە پەنای نووسراوە: ھەر چی بناو نابێ وەک دار. ئاشکرایە ئەمە بەرامبەری floatە. دەی ئێستا لە ھەر شوێنێک float ھات دەتوانین بنووسین سەراو. وەک لێرەدا پەنجەری سەراو. لە شوێنێک دیتم بۆ floating-point number نووسرابوو ژمارەی بۆرسەرئاو. ئاشکرایە ناجێگیر ناتوانێ لە ھەموو شوێنێک مانای float بدا. وەک دەزانی و پێشتریش باسی کرا دەبێ وشەیەک دابنرێ لە ھەموو شوێنیک وەکوو ئینگلیزیەکەی وەڵامدەرەوە بێ نەک خۆی ببێتە بەڵایەکی گەورەتر.

وا بزانم Pop-upیش فەرقی ھەبێ لەگەڵ ئەمەی جنابت دەڵێی. ھەر لەو شوێنەدا لە بەرامبەرەکەیدا نووسرابوو سەرھەڵدەر.--چالاک _وتووێژ ‏١٢:٠٠، ٣ی نیسانی ٢٠١٦ (UTC)

ئەم وشەیەی بۆ ئەو پێناسەیەی داتناوە گونجاوە، بەڵام لە ئایتی و مۆبایل کە ئاوێک بوونی نییە، لەوانەیە نەگونجاو بێت. لێرە مەبەست لەمەیە (continually moving or changing position)، لەوانەیە پەنجەرەیەی سەرخراو یان سەرھەڵدەر گونجاوبێ بەس بۆ پەنجەرەی سەراو وای نابینم. | سەرچیا _{(وتووێژ)} ‏١٢:٢٣، ٣ی نیسانی ٢٠١٦ (UTC)

براکەم من پێناسە floatم بۆ نووسی لە ئینگلیزیشدا ھەر بۆ ئەو شتە وتراوە کە لەسەر ئاو ڕادەوەستێ. ئیتر دواتر بە شتی تریشیان وتووە کە جنابت ئاماژەت پێکرد (چون ئەو شتەی لەسەر ئاوە خۆ ڕاناوەستێ ھەر دەجووڵێتەوە). لە فارسیشدا کە بەمە دەڵێن «شناور» (پنجرە شناور/Floating Window) خودی شناوەر ھەر یانی سەراو (شنا لە «شناور»دا یانی مەلە) ئیتر وشەی تریان بۆ ئەمە دانەناوە. یان لە عەرەبیدا دەڵێن «طفو» ئەویش ھەر مانای شتیکە لەسەر ئاو ڕادەوەستێ. سەرھەڵدەریش وتم بەرامبەری Pop-upە نەک float.--چالاک _وتووێژ ‏١٣:٤٠، ٣ی نیسانی ٢٠١٦ (UTC)

Rail transport و Rolling stock

بەرانبەر ئەم دوو پۆلەی ویکیی ئینگلیزی (Category:Rail transport) و (Category:Rolling stock)، چی پێشنیار دەکەن؟ | سەرچیا _{(وتووێژ)} ‏١٨:٤٤، ١٩ی نیسانی ٢٠١٦ (UTC)

پۆل

ئەم پۆلە (en:Category:IUCN Red List near threatened species) چۆن وەربگێڕین؟ | سەرچیا — ‏٠٩:٥٩، ١٤ی حوزەیرانی ٢٠١٦ (UTC)

ئەم پۆلانەش:

• en:Category:American sequel films
• en:Category:Films shot in England
• en:Category:Films set on the London Underground
• en:Category:2010s action thriller films

| سەرچیا — ‏١٨:٥٨، ٢٨ی حوزەیرانی ٢٠١٦ (UTC)

ئەوانە پێشنیاری منن چوونکە زۆرییان نەکراونە کوردی. فیلمە بەدوایەکچووە ئەمریکییەکان (American sequel films). فیلمە ٢٠١٠ییەکان لەجۆری ھەستبزوێن و ئەکشن (2010s action thriller films). وێنەگرتنی فیلم لە ئینگلتەڕا (Films shot in England). > Kushared (لێدوان) ‏١٩:٥٠، ٢٨ی حوزەیرانی ٢٠١٦ (UTC)

Data Compression

سڵاو، لە ئیستادا خەریکی وەرگێڕانی ئەو وتارەم: Data Compression. پێویستیم بە مانای چەند وشەیەک ھەیە، تکایە ڕای خۆتان بڵێن:

• Compress => "پەستاندن"م بۆ یەکارھێناوە.
• Decompress => شیکردنەوە
• Lossy => بەفیڕۆدەر
• Lossless => بەفیڕۆنەدەر

—ئەم لێدوانە واژوونەکراوە، لە لایەن بەکارھێنەر:Encrypt0rەوە (لێدوان • بەشدارییەکان) نووسراوە.

کاکە @Encrypt0r: من ئەم بەینە زۆر بیرم لەم وشانە کردەوە. سەرەتا دەبێ بڵێم بەفیڕۆدەر ناوی فاعیلە بەلام Lossy ئاوەڵناوە بۆیە دەبێ بڵێی «بەفیڕۆچوو» و «بەفیڕۆنەچوو». بەڵام ئەگەر سەیری وتاری en:Lossy compression و وێنەی دووەم بکەی بەڕاستی دەگونجێ بڵێین ئەم وێنەیە بەفیڕۆچووە؟ یان دەڵێین خەساربووە؟ ھەست دەکەم بەفیڕۆچوون زیاتر مانای waste دەدەا و بەفیڕۆچوو دەبێتە wasted.

لە کوردیدا وشەی پەستان بەرامبەر بە pressure داناوە. لە ھەنبانەدا لە پێناسەی پەستاندا نووسراوە «بەھێز تێ ڕاکردن». نە لە pressureدا و نە لە compressدا باس لە تێ ڕاکردن ناکرێ. بۆ نموونە ئەگەر پەنیر بەھێز دەخەنە ناو کووپەوە پێی دەڵێن پەستاندن. بە بڕوای من نزیکترین وشەی ئینگلیزی بەمە فیعلی stuffە. stuff ئاوا پێناسە کراوە:

‎

fill (a receptacle or space) tightly with something.

‎

تا ئەو جێگایەی دەزانم لە عەرەبیدا بە pressure و compress ھەر دەڵێن ضغط و لە کوردیشدا کە ھەر سەیری عەرەبی دەکەن وەکوو ئەوان ھەر یەک وشەیان داناوە. کە چی ئەم دووانە جیاوازن. compress یانی تەختکردن شتێک بە گوشار (pressure).

ئەمە بۆچوونی من بوو. سپاس.--چالاک _وتووێژ ‏٠٨:٥٣، ١٦ی تەممووزی ٢٠١٦ (UTC)

سڵاو کاک @Calak: ی ئازیز، زۆر سوپاس بۆ وەڵامەکەت. ڕاستی بۆ پەستانەکە لە Dictioم وەرگرتبوو، لە فەرھەنگی ئایتی زکوردیش ئاوا نووسراوە:".١ پەستان ٢. پەستن، پەستانەوە ، گردکردنەوە". بەڵام دوو شتی سەرنج ڕاکێش ئەوە بوو کە:

• لە وەرگێڕی گووگڵ (ئینگلیزی - کورمانجی) "Tîrkirin" لە بەرانبەر Compress داندراوە، کە بە مانای (تیرکردنەوە؟ یان خەستکردنەوە) دێت، بەڵام بەرنبەر Condense یش ھەر ھەمان وشەیەیان داناوە، کەوابزانم "تیرکردنەوە" بۆ Condense گونجاوترە.
• لە گووگڵ بۆ مانای Compress دەڵێت "flatten by pressure; squeeze or press." وە Squeezیش بەمانای "گووشین" دێت.

ڕای تۆ چییە؟ ئەگەر ئەندامانی دیکەش پێشنیارێکیان ھەیە، تکایە با بیڵێن. محمد (لێدوان)

بۆ Lossless و Lossy یش، ڕاستی خۆشم زۆر پێم درووست نین، بەڵام ھیچ وشەیەکی دیکەم نەدۆزییەوە. محمد (لێدوان)

کاک @Encrypt0r: وشەکانی Lossless و Lossy لە وشەی Lossەوە وەرگیراون. loss لە کوردیدا ئاوا مانا کراوەتەوە. ئاشکرایە لێرەدا نزیکترین مانا بە مەبەستی ئێمە وشەی «خەسار»ە. ئەگەر loss خەسار بێ ئاشکرایە lossy دەبێتە «بەخەسار» و lossless «بێ خەسار». دیسان دەڵێم خەسارکەر باش نییە چون ناوی فاعیلە و لێرەدا ئێمە ئاوەڵناومان پێویستە. لە کوردیشدا زۆر جار دەڵێن «بەخەسار» بۆ نموونە دەڵێن یا خوا زەحمەت/رەنج بەخەسار نەبی. لە عەرەبیشدا بە lossy دەلێن «بخسارة» و بە lossless «بدون خسارة».

بەڵام بۆ compress دڵنیا نیم ھەر ئەوەندە دەزانم پەستاندن بەرامبەرێکی باش نییە. لە سەرەوەش نووسیم پەستاندن یانی تێ ڕاکردنی شتێک بەزۆر کەچی پێناسە compress ئەمە نییە. سپاس.--چالاک _وتووێژ ‏١١:٤٣، ١٨ی تەممووزی ٢٠١٦ (UTC)

با ئەمەش بڵیم «شیکردنەوە» لە کوردیدا دروست یان ھەڵە بۆ وشەی analyse دانراوە و بۆ decompress باش نییە.--چالاک _وتووێژ ‏١١:٤٧، ١٨ی تەممووزی ٢٠١٦ (UTC)

سڵاو کاکە@Calak:،وشەکانی Lossy و Lossless مکردووەتە: "بەفیڕۆچوو" و "بەفیڕۆنەچوو" ھەر وەک پێشنیارتکردبوو. بۆ Decompress یش "شیتەڵکردنەوە"م بەکارھێناوە (لەسەرەوە بەھەڵە نووسیومە شیکردنەوە)، بەڵام نازانم ئەویش تا چەند ڕاستە. بۆ Compress یش، ڕاستە "پەستاندن" زۆر گونجاو نییە، بەڵام ئەی چار چییە! محمد (لێدوان)

نا کاک @Encrypt0r: «بەفیڕۆچوو» و «بەفیڕۆنەچوو» بکە بە «بەخەسار» و «بێخەسار». بیرم لێ کردەوە. بۆ نموونە لە کارەبادا دەڵێن lossy line خۆ ئەمە نابێتە ھێڵی بەفیڕۆچوو چون ھێڵەکە خۆ بەفیڕۆنەچووە بەڵکوو خەسار دەکا. ئەمە دەبێتە ھێڵی بەخەسار یانی ھێڵێک کە خەساری زۆرە.

شیتەڵکردنیش لە ھەنبانەدا نەبوو لە ئەستێرەگەشەدا بە عەرەبی تقطیع و تمزیق و تحلیل مانا کراوتەوە. مانای دوورە. ھەر لابردنی پەستاندن ڕەنگە خراپ نەبێ. سپاس.--چالاک _وتووێژ ‏١٧:٠٠، ١٨ی تەممووزی ٢٠١٦ (UTC)

 کرا محمد (لێدوان)

UTC بەکورتکراوەیی لەکوردیدا

سڵاو ھاوڕێیان. UTC کە کورتکراوەی کاتی ھاوھەنگاوکراوی گەردوونی یە بەزمانی کوردی، بەڵام لەساتی دروستکردنی وتار بۆ کاتەکانی UTC ناکرێت ناوە درێژەکەی بەکاربھێنرێت.. لەئێستادا بە یو تی سی دانراوە، بەڵکو وەکو ویکی عەرەبی بتوانین کورتکراوەی ناوە کوردییەکەی بۆ دابنێین ((ک ھ گ یان ک گ ھ)).. ڕای ئێوە چییە؟ --«محمد طە^لێدوان ‏١٩:٥٣، ٨ی تشرینی دووەمی ٢٠١٦ (UTC)

زۆرینەی زمانەکان نەیان گۆڕیوە. ھەر بۆ نموونە ویکی ڕووسی کە ئەلفوبێ و زمانیشیان جیاوازە ھەر UTC دانراوە. UTC خۆی کورتکراوەیەکی نێونەتەوەییە ھەموو دەزانن یانی چی و ئەگەر بیکەیە کوردی کەس نازانێ چییە و سوودی نابێت. خۆ ئەگەر کورتکراوەکەی بە کوردی باو بوایە منیش لەگەڵ کوردییەکەی بووم.--چالاک _وتووێژ ‏١٧:١٨، ١٦ی کانوونی یەکەمی ٢٠١٦ (UTC)

Scale

ئەرێ وەک بزانن ئێمە لە کوردیا چی بەرامبەر بە scale بەکاردێنین؟ بۆ نموونە، چی بە color scale دەڵێین؟ من بۆ musical scale پەیژەی مۆسیقیم داناوە چوون بە پەیژە بیستوومە، بەڵام بۆ ڕەنگ نازانم چییە! پێوەرە؟ نمرەیە...؟--◂ ئێپین _{وتووێژ♬} ‏٠٨:٢٢، ١ی کانوونی یەکەمی ٢٠١٧ (UTC)

@Épine: گیان کەس نەبوو. خۆت ژیریت و چیت پێ باشە وا بکە. ⇐ئارام _{وتووێژ💭} ‏٠٨:٣٨، ٢ی کانوونی یەکەمی ٢٠١٧ (UTC)

لە کوردیا ئەمانە بەکاھێنین پێوەر، پلە پێو، پێوەری وێنە، تای تەرازوو، توێژ، توێکڵ بەرانبەر بە scale

بە ئینگلیزی پێناسەی خۆی ھەیە musical scale بەلام ئەتوانیت پێناسەکەی وەرگێری ئینجا دەستەواژەی تایبەتی بۆ دانێیت series of tones arranged in ascending or descending order ئەمەش پێناسەکەیMhamad rzgar (لێدوان) ‏٢٢:٥١، ٤ی کانوونی یەکەمی ٢٠١٧ (UTC)

الرقیب

ھاوڕێیان ئایە دەزانن بەرامبەری (الرقیب) بە کوردی چییە؟؟؟ من بە گشتی لە پلە سەربازییەکان شارەزا نیم 👈گینتۆکی _{وتووێژ🎭} ‏٢٠:٤٥، ١٨ی کانوونی یەکەمی ٢٠١٧ (UTC)

سڵاو بەڕێز @ساکاتا گینتۆکی:! ئەو وشەیە بە مانای «Sergeant» دێت بە ئینگلیزی واتە «چاوەش» بە کوردی، بە عەرەبی «عریف» و بە فارسییش «گروھبان». بە کورتی لە ناو خۆماندا ھەر بە «عەریف» ناسراوە. سپاس. ⇐ئارام _{وتووێژ💭} ‏٢١:١١، ١٨ی کانوونی یەکەمی ٢٠١٧ (UTC)

@ئارام بکر: سڵاو لە تۆش، بۆ وەرگێڕانەکەت سوپاس بەس ھەڵەیەک ھەیە، رەقیب پلەیەک لە عەریف بەرزترە، واتە ھەڵەیت، کەمێک زیاتر ھەوڵ بدە، ھەروەھا من بەلامەوە گرنگ نییە گەر بەناوبانگ بێت یان نا لە ناو خۆماندا، من کوردییەکەیم دەوێت (گەر ئێمە لێرەوە دەست نەکەین بە بکەرھێنانی ئەوا کێ دەیکات؟؟؟!!!). سوپاس 👈گینتۆکی _{وتووێژ🎭} ‏٢١:٢٤، ١٨ی کانوونی یەکەمی ٢٠١٧ (UTC)

@ساکاتا گینتۆکی: ببوورە! من ھەر ئەوەنە ئەزانم و ئێستا داوا لە کاکە @Calak: ئەکەم یارمەتیت بدات. (کاکە چالاک تکایە کاتی وەڵامدانەوە ساکاتا گینتۆکی مێنشن بکە). سپاس. ⇐ئارام _{وتووێژ💭} ‏١٢:٤٨، ١٩ی کانوونی یەکەمی ٢٠١٧ (UTC)

@ئارام بکر، ساکاتا گینتۆکی: بەڵێ وایە رەقیب بە ئینگلیزی دەبێتە «sergeant»، بە عەرەبی «رقیب» و بە فارسییش «گروھبان». رەقیبش پلەیەک لە عەریف بەرزترە. بۆ پلە سەربازییەکان لای ئێمە ھەر فارسییەکەی دەڵێن و لای ئێوەش ھەر عەرەبییەکەی. من بەرامبەری کوردی بۆ ئەمانە شک نابەم. لە فەرھەنگە کوردییەکاندا بۆ ئەمە «چاوەش» ھاتووە و ئەویش تورکییە çavuş. لە ئینگلیزدا «sergeant» یانی خزمەتکار و لەگەڵ serve خزمەتکردن ھاوڕیشەیە.--چالاک _وتووێژ ‏١٤:٤٨، ١٩ی کانوونی یەکەمی ٢٠١٧ (UTC)

@Calak: واتە ئێستا کامیان بەکاربێنم، عەرەبییەکەی یان واتایی ئینگلیزییەکە 👈گینتۆکی _{وتووێژ🎭} ‏٢٠:٣٥، ١٩ی کانوونی یەکەمی ٢٠١٧ (UTC)

@ساکاتا گینتۆکی: راستییەکەی دوێشەو کاتی خەوتن لە بیر قسەکانی خاڵم ھاتمەوە پێشمەرگە بوو و باسی بیرەوەرییەکانی خۆی دەکرد. لە بیرمە باسی دۆستێکی خۆی کرد پێشمەرگە بوو و وتی سەرپەل بوو (ئەم وێنەیە تەماشا کا نووسراوە سەرپەل). وام لە بیرە ھەر باسی پەل-ی کرد باسی لق و سەرلق-یشی کرد. لە ھەنبانەدا سەرپەل «سەرکردەی سی ھەتا پەنجا پێشمەرگە» و سەرلق «فرماندەی سەد پێشمەرگە» مانا کراونەتەوە. لەمانە بچووکتر سەردەستە-یان پێ وتووە. دڵنیا نیم بەڵام لەوانەیە سەرپەل ھەر الرقیب/sergeant بێ.--چالاک _وتووێژ ‏٠٧:٥٣، ٢٠ی کانوونی یەکەمی ٢٠١٧ (UTC)

@Calak: زۆر سوپاس بەڕێز چالاک، لە ڕاستیدا ئێستا من خەریکی ئەم وتارەم و تێیدا‌ ئەم وشە بێزارکەرانە ھاتووە، کەواتە بۆ ئێستا سەرپەل بەکاردێنم، زۆر سوپاس. بەڵام وشەیەکی تر ھەیە ئەویش ھەر پەیوەندی بە پلەی سەربازییەوە ھەیە، بەس ئەو تەنھا لە ویلایەتە یەکگرتووەکان بەکاردێت، بۆیە ئەمەیان ھیچ لە ناو خۆماندا نەبیستراوە، ھیوادارم ھەوڵێک لەگەڵ ئەوەش بدەیت.

(المفوض)

خۆت دەزانیت ئەمە بۆ سەرۆکی پۆلیسی شارێک بەکاردێت لە ویلایەتە یەکگتووەکان، ئێستا ئەگەر تەنھا بڵێیت سەرۆک بەڕاستی تێ ناگەیت کە مەبەستت چییە، بۆیە ناچاریت لە گەڵیدا بڵێیت "سەرۆکی پۆلیسی شارەکە"، ئەمە بەڕاستی زۆر درێژە، ھیوادارم سەیرێکی بکەیت، ئەمەیان بۆ ئەم وتارەیە. سوپاس 👈گینتۆکی _{وتووێژ🎭} ‏٠٨:٥٧، ٢٠ی کانوونی یەکەمی ٢٠١٧ (UTC)

ئەمە بە ئینگلیزی دەبێتە چی؟--چالاک _وتووێژ ‏٠٩:٣٨، ٢٠ی کانوونی یەکەمی ٢٠١٧ (UTC)

@Calak: زۆر بۆی دڵنیا نیم، بەس وابزانم ئەمەیە "Commissioner" 👈گینتۆکی _{وتووێژ🎭} ‏١٠:٠٩، ٢٠ی کانوونی یەکەمی ٢٠١٧ (UTC)

IDE

سڵاو! چی بە بەرامبەری Integrated Development Environment دەوترێت؟ کوردی، عەرەبی و فارسییەکەش ببینە بۆ وەڵامێکی دروست. سپاس. ⇐ئارام _{وتووێژ💭} ‏١٣:١٨، ٢٨ی کانوونی یەکەمی ٢٠١٧ (UTC)

سڵاو. لەمێژە بیر دەکەمەوە Environment کە بە عەرەبی بیئة و بە فارسی محیط-ی پێ دەڵێن بە کوردی دەبێ چی پێ بڵێین. کتێبم دەخوێندەوە ھی زمانەوانی ھەر عەرەبییەکەی نووسرابوو بۆ نموونە نووسرابوو فڵان دەنگ لە فڵان بیئة-دا دەبێتە فیسار دەنگ. ژینگە ھەیە ئەمە ھی Ecologyیە و لە راستیدا بەرامبەری Natural environmentە و لێرەدا ناگونجێ. --چالاک _وتووێژ ‏١٨:٥٤، ٣ی ئازاری ٢٠١٨ (UTC)

@Calak: منیش ھەر ژینگەم بۆ ئەوە داناوە بە ناچاری، بەڵام ئێسە ڕاستییەکەی وەڵامێکی ڕوونم دەستنەکەوت! ⇐ئارام _{وتووێژ💭} ‏٢١:٣٧، ٣ی ئازاری ٢٠١٨ (UTC)

@Calak:@ئارام بکر: وشەی ئاقاریش ھەیە. --Aza (لێدوان) ‏٠٦:١٣، ٤ی ئازاری ٢٠١٨ (UTC)

@Aza: واتە ئاقاری گەشەپێدان/پەرەپێدانی بەرنامەکان؟! کەمێک بە تەنزەوەیە. خۆی لە فەرھەنگی ئایتیی زانستپەروەرانی کورددا ژینگەیەکی تەواو بۆ پەرەپدانی بەرنامەکان دانراوە. خۆم ئەوەشم پێ باش نییە. ھەروەھا بەپێی فەرھەنگیش بێت Environment بە مانای دەوروبەر-یش دێت. تکایە با ئەم مەسەلەیە بکەوێتە بارێکدا. سپاس. ⇐ئارام _{وتووێژ💭} ‏١٤:١٠، ٤ی ئازاری ٢٠١٨ (UTC)

@ئارام بکر: من "ئاقاری یەکپارچەی پەرەپێدانی نەرمامێر"م بەدڵە.--Aza (لێدوان) ‏٢٠:٥٤، ٨ی ئازاری ٢٠١٨ (UTC)

سپاس بۆ Aza! بەڕێز @Calak: تکایە تۆش قسەیەکی لێوە بکە و با بگەین بە ئەنجامێک. سپاس! ⇐ئارام _{وتووێژ💭} ‏٢١:٠٣، ٨ی ئازاری ٢٠١٨ (UTC)

ھەر ئەو دەم کە وڵامم دایەوە بیرم لە ئاقار کردەوە و تۆزێکیش لێی گەڕام لە وشەنامەکاندا. لە ھەندێک سەرچاوەدا نووسراوە عەرەبییە عقار. دڵنیا نیم ڕەنگە ئاخار بووبێ لە ئاخ + -ار. بە بڕوای من مانای ڕێک ئەمە نییە بەڵام زۆر نزیکە و دەکرێ بە کاری بھێنین. کێشەکەی ھەر ئەمەیە ڕەنگە زۆر کەس نازانێ ماناکەی چییە بەڵام خۆ ناکرێ بۆ ھەر چی شتە لە کوردیدا نییە شتێک دابنرێ ھەموو کەس تێی بگا. بە ھەر حاڵ دەبێ وشەیەکی بۆ دابنرێ. خودی وشەی ژینگە بەو مانایەی لە Ecologyدا ھەیە وشەیەکە تازە داتاشراوە ئیتر وا باو بووە ئێستا کەس نییە مانای نەزانێ. دەبێ لە جێگایەکەوە دەست پێ بکەین.--چالاک _وتووێژ ‏٢٠:١٨، ٩ی ئازاری ٢٠١٨ (UTC)

@Calak: بۆ ئەمە کە ویکیفەرھەنگ کرایەوە دەتوانین بۆ ئەم وشانە خوێنەران ڕەوانەکەری ئەوێ بکەین. بەس ئێستاش نەمزانی بۆچی لەسەر پرۆژەکە دژی کردنەوەی وەستاویت؟--‏◂ ئێپین _{لێدوان♬} ‏٢١:٠٨، ٩ی ئازاری ٢٠١٨ (UTC)

خۆ وتم من دژی جیاکردنەوە و لەت و پەت کردنی زمانی کوردیم. ھەر ئێستاش دەتوانین لە ویکیفەرھەنگی کوردیدا بەشداری بکەین. منیش بەشداریم کردووە و حەزیشم زۆر لە ویکیفەرھەنگە و لە ویکیفەرھەنگی ئینگلیزیدا بەشداریم ھەیە.--چالاک _وتووێژ ‏١٢:٠٦، ١٠ی ئازاری ٢٠١٨ (UTC)

Workstation

پێشنیار ھەیە بۆ وشەی Workstation؟--‏◂ ئێپین _{لێدوان♬} ‏١٧:٠٦، ٣ی ئازاری ٢٠١٨ (UTC)

وێستگەی کار.--چالاک _وتووێژ ‏١٨:٢٤، ٣ی ئازاری ٢٠١٨ (UTC)

خۆشم ئەمەم دانابوو لە ئێستگەی کاری دەنگی دیجیتاڵی. وشەیەکی شیاو شک نابەن؟--‏◂ ئێپین _{لێدوان♬} ‏١٨:٥٩، ٣ی ئازاری ٢٠١٨ (UTC)

من شک نابەم. لە ئەڵمانیشدا دەڵێن Arbeitsstation لە Arbeits بە مانای کار و station بە مانای وێستگە پێکھاتووە. مەگەر بڵێین کارێستگە.--چالاک _وتووێژ ‏٢٠:٠١، ٣ی ئازاری ٢٠١٨ (UTC)

گەر لە ڕووی زمانەوانییەوە تەواوە، بۆ داینەنێین؟--‏◂ ئێپین _{لێدوان♬} ‏٢٠:٠٥، ٣ی ئازاری ٢٠١٨ (UTC)

منیش لە کۆمپیوتەردا ھەر وێستگەی کارم بۆی داناوە، بەڵام ھەست دەکەم کارێستگەش وشەیەکی بە مانابێت و ھەم بێکێشەی دەبینم. ⇐ئارام _{وتووێژ💭} ‏٢١:٣٧، ٣ی ئازاری ٢٠١٨ (UTC)

کارێستگە وشەی لێکدراوە وەک ئەمەیە بڵێی کارخانە بەڵام مەسەلە ئەمەیە بەکارنەھاتووە دەبێتە داتاشینی خۆمان.--چالاک _وتووێژ ‏٢١:٣٩، ٣ی ئازاری ٢٠١٨ (UTC)

┐───────────────────└
جا قەیچێکە گرنگ ئەوەیە ڕاستە. ئەگەر ئێمە داینەنێین کەس خۆی تێناگەێنێت، خۆشت لە من باشتر ئەمە دەزانیت.--‏◂ ئێپین _{لێدوان♬} ‏٢٣:٥٠، ٣ی ئازاری ٢٠١٨ (UTC)

زۆر وشە ھەر وا دانراوە خەڵک خۆی سەرچاوەی وشەیە. بەڵام ئەوانەی بەرپرسن نازانم خەریکی چین ھەزاران وشەمان پێویستە تەکلیفی ئێمە چییە.--چالاک _وتووێژ ‏١٨:٥٤، ٩ی ئازاری ٢٠١٨ (UTC)

Jet lag

سڵاو ھاوڕێیان تکایە وشەیەکی باش بۆ بەرامبەری Jet lag پێشنیار بکەن فارسییەکەشی دەبێتە پرواززدگی و بریتییە لە تێکچوونی باری ئاساییی لەش بەھۆی جیاوازی کاتی دوو شوێنەوە کە بەھۆی فڕینێکی درێژمەوداوە پێش تێ، سپاس.Kardo Jaf (لێدوان) ‏١٥:٠٤، ٧ی نیسانی ٢٠١٨ (UTC)

ئەمە وشەکەیە لە ویکیفەرھەنگ. -- ⇐ئارام _{وتووێژ💭} ‏١٦:٠٤، ٧ی نیسانی ٢٠١٨ (UTC)

cook

سڵاو، بەرمابەرێک بۆ ئەم وشەیە ھەیە؟ (جیا لە فارسی و عەرەبییەکەی و چێشتلێنەر)Kardo Jaf (لێدوان) ‏٢١:٥٠، ١٣ی نیسانی ٢٠١٨ (UTC)

@Kardo Muradi: ئاشبەزم لە دۆبلاژی دراما ئێرانییەکاندا بیستووە. -- ⇐ئارام _{وتووێژ💭} ‏٢٢:٠١، ١٣ی نیسانی ٢٠١٨ (UTC)

بەڵێ، ئاشپەز فارسییە و لە ویکیفەرھەنگیشدا وەک ئاشپێژ مانایان کردووەتەوە، لە ھەندێ وتاری ویکیپیدیاشدا بینیومە، نازانم دروستە لە کوردیدا بەکاری بێنین یان نە.Kardo Jaf (لێدوان) ‏٢٢:٥٢، ١٣ی نیسانی ٢٠١٨ (UTC)

چێشتلێنان نابێت؟--‎◂ ئێپین _{لێدوان♬} ‏٢٣:٤٣، ١٢ی تەممووزی ٢٠١٨ (UTC)

@Kardo Jaf:

ئەگەر فیعلە ئەوە بە کوردی دەڵێن لێنان وەک دەڵێن ئەمڕۆ چ لێ نێین؟ چت بۆ لێ ناوین؟ ئەم چێشتەی بۆ چییە نەم بیستووە بڵێن ئەمڕۆ چ چشتێک لێ بنێین؟

ئەگەر ناو بێ دیارە دەبێ بڵێین لێنەر و تەواو. نازانم عەیبی چییە. ئاشپەز کە فارسییە. ئاشپێژ-یش زەحمەتە وتنی. من وشەی ئازپێژ-م بیستووە. لە ھەنبانەدا نەھاتووە بەڵام ئازپیش-ی تێدایە. لە کرمانجیدا ئازچی-یش ھەیە (لە فەرھەنگی ژابادا آزپێش و آزچی ھاتووە). لە باشوور ئاشچی-ش وتراوە. چێشتکەر-یشمان ھەیە. خۆم ئازپێش یان ئازپێژ-م لە ھەموویان بەدڵترە. -- چالاک _وتووێژ ‏٠٩:٢٧، ١٣ی تەممووزی ٢٠١٨ (UTC)

space، فضا

پێشنیارتان بۆ ئەم وشەیە چییە، لە زۆر وتارێکدا دیومە کە وشەی ئاسمان‌یان لەجیاتی داناوە کە تەواو نییە و ماناکەی دوورە لەمە، خۆشم پێشتر لە ئاسمانگەڕدا ئەمەم بە کار هێنا کە وا دەزانم ماناکەی ناتەواوە، لە فارسی و عەرەبی و تورکیدا وشەی فەزا هەیە، بۆچوونتان چییە لەبارەی ئەم وشەیەوە و چ وشەیەک باش دەبینن؟Kardo Jaf (لێدوان) ‏١٥:١٠، ١٤ی نیسانی ٢٠١٨ (UTC)

بۆشایی بەکاردێت.--‎◂ ئێپین _{لێدوان♬} ‏٢٣:٤٢، ١٢ی تەممووزی ٢٠١٨ (UTC)

زۆر باش دەبوو بۆ ئەمە وشەیەکی جوان دانرابا. space لە ئینگیلیزیدا گەلێک وشەی تر لێ دروست بووە و بە بۆشایی زۆر زەحمەتە بتوانی بەرامبەریان بۆ دابنێی. وشەی فضا زۆر باشتر بوو بۆ ئەمە. ئەگەر فضا کوردی نییە بۆش-یش وشەیەکی تورکییە [١] فەرق چ دەکا.--چالاک _وتووێژ ‏٠٩:٣٥، ١٣ی تەممووزی ٢٠١٨ (UTC)

Mysticism و mythology

ھاوڕێیان وشەی کوردی بەرامبەر ئەم دووانە چییە!؟--‎◂ ئێپین _{لێدوان♬} ‏٢٣:٤١، ١٢ی تەممووزی ٢٠١٨ (UTC)

ڕاستییەکەی یەکەم جارمە ئەم دوو وشەیە ببینم، و لە فەرهەنگێکی ئەلیکترۆنیدا بۆ بەرامبەرەکانیان ئاوا بوو:

• Mysticism: ١) زگماکی ٢) سۆفیگەری
• Mythology: ١) ئەفسانەزانی ٢) میتۆلۆژی ٣) کۆمەڵەئەفسانە ٤) دیرۆکناسی ٥) ئەفسانەناسی ٦) ئوستوورەناسی ٧) دیرۆک ٨) ئوستوورە -- ⇐ئارام _{وتووێژ💭} ‏١٠:٢٤، ١٣ی تەممووزی ٢٠١٨ (UTC)

بۆ Mythology ئوستوورەناسی-م بیستووە. بۆ Mysticism نازانم بە کوردی چی ھاتووە. سۆفیگەری کە شتێکی ترە. زگماکی؟! نازانم ئەمانە چۆن دادەنێن. بە فارسی کە دەڵێن عیرفان. تۆزێک بگەڕێین بزانین ھیچ دەدۆزینەوە.--چالاک _وتووێژ ‏١١:٠٩، ١٣ی تەممووزی ٢٠١٨ (UTC)

بۆ Mysticism: ١. تەسەوف ٢. سۆفیاتی، و بۆ Mythology: ١. میتۆلۆژی ٢. ئەفسانەناسی. سەرچیا — ‏١١:٢٥، ١٣ی تەممووزی ٢٠١٨ (UTC)

لە ئێستادا میتۆلۆژی و میستیسیزمم داناوەتەوە تاوەکوو بەرامبەرێکی باش دەدۆزینەوە.--‎◂ ئێپین _{لێدوان♬} ‏١٤:٣٠، ١٣ی تەممووزی ٢٠١٨ (UTC)