مەلا بەشیر

لە ئینسایکڵۆپیدیای ئازادی ویکیپیدیاوە
Jump to navigation Jump to search
مەلا بەشیر
لەدایکبوونبەشیر خەلیل تۆفیق حەداد
(١٩٥٦-0٧-0١) ١ی تەممووزی ١٩٥٦ (تەمەن ٦٤)
ھەولێر
نیشتەجێھەولێر
نەتەوەکورد
ناوەکانی تربەشیر حەداد
ھاووڵاتیکوردستانی
پەروەردەدکتۆرا لە شەریعەت و ھزری ئیسلامی
پیشەسیاسەتمەدار
ساڵانی چالاکی١٩٩٨
ئایینئیسلام

بەشیر خەلیل تۆفیق حەداد (ناسراو بە مەلا بەشیر؛ لەدایکبووی ١ی تەممووزی ١٩٥٦) مامۆستا و وتاربێژ و سیاسەتمەدارێکی کوردستانە. لە ١٩٩٦ بڕوانامەی بەکالۆریۆسی بەدەست ھێناوە لە زمانی عەرەبی زانکۆی سەلاحەددین -ھەولێر، دواتر ماستەری خوێندووە لە فەلسەفە و شەریعەت و ھزری ئیسلامی، ھەروەھا ھەڵگری ڕێپێدانی زانستی ئیسلامییە لە زانستەکانی وتاردان، وەک ئەندامی ئەنجومەنی نوێنەرانی عێراق و کوردستان ھەڵبژێردراوە لەسەر لیستی پارتی دیموکراتی کوردستان، ئێستا جێگری دووەمی سەرۆکی پەرلەمانی عێراق محەممەد حەلبوسی یە.[١]

ژیاننامە[دەستکاری]

لە ١ی تەممووزی ١٩٥٦ لە ھەولێر کوردستانی باشوور لەدایک بووە،[تێبینیی ١] لە ١٩٩٦ بڕوانامەی بەکالۆریۆسی لە عەرەبی بەدەست ھێناوە دواتر لە ٢٠٠٣ ماستەر و دکتۆرای لە فەلسەفە و شەریعەتی ھزری ئیسلامی بەدەست ھێناوە.

وەک مامۆستا و وانەبێژ لە پەیمانگا و زانکۆکانی کوردستان کاری کردووە،[٢] پتر لە ٢٥ساڵ کاری وتاربێژی و بانگەشەی ئیسلامی کردووە لە مزگەوتەکانی ھەولێر، ھەروەھا وەک سەرۆکی بەشی زمانی عەرەبی دامەزراوە لە پەیمانگای مەڵبەندی مامۆستایان دواتر بۆتە ڕاگری پەیمانگای کوردستان بۆ وتاربێژی و ئەندامی بۆردی ڕاوێژکاری باڵا لە وەزارەتی ئەوقاف و کاروباری ئاینی حکومەتی ھەرێمی کوردستان.

ڕێچکەی ڕامیاری[دەستکاری]

بۆتە ئەندامی خولی سێیەمی پەرلەمانی کوردستان، دواتر بۆتە سەرۆکی لێژنەی ئەوقاف، ئەندامی یەکێتی زانایانی ئاینی کوردستان ە، بەشداری و چاڵاکی ھەبووە لە بوارەکانی مافی مرۆڤ و چاکسازی لە توندوتیژی خێزانی.

لە ھەڵبژاردنەکەی ٢٠١٨ توانی کورسییەک لە پەرلەمانی عێراقی مسۆگەربکات.[٣]

توێژینەوەکان[دەستکاری]

چەندین لێکۆلینەوەی بواری ئاینی ھەیە لەگەڵ سێ پەرتوک و چەندین بەرھەمی تر کە لەژێڕ چاپن.

ھەڵبژاردنی بۆ جێگری دووەمی سەرۆکی پەرلەمانی عێراق[دەستکاری]

لە ١٥ ئەیلوولی لەسەر لیستی پارتی دیموکراتی کوردستان بوو بە جێگری دووەمی سەرۆکی پەرلەمانی کوردستان، دوای ئەوەی توانی ١٨٥ دەنگی بەڵێ بەدەست بێنێت لەکۆی ٢٨٢ دەنگ.[٤]

ھەروەھا حەسەن کەعبی توانی پۆستی جێگری یەکەمی سەرۆکی پەرلەمان بەدەست بێنێت.

تێبینییەکان[دەستکاری]

  1. ^ لەبەرئەوەی زمانی تورکمانی دەزانێت و باوانی لەسەردەمی عوسمانییەکانەوە لەقەڵا ژیاون زۆرینەی خەڵک پێیان وایە تورکمانە بەڵام خۆی لەچەندین ڕوونکردنەوە ئەم ھەڵە تێگەیشتنەی ڕاست کردۆتەوە.

سەرچاوەکان[دەستکاری]

  1. ^ حقائق عن بشير الحداد النائب الثاني للحلبوسي Archived ٦ی ئایاری ٢٠١٩, لە وەیبەک مەشین.، ماڵپەڕی کوردستان ٢٤ بە زمانی عەرەبی، ١٦ی ئەیلوولی ٢٠١٨ بڵاوکراوەتەوە.
  2. ^ د.بەشیر خەلیل حەداد جێگری سەرۆکی ئەنجوومەنی نوێنەرانی عێراق بۆھەولێر : ھیوام وایە لە ئاستی متمانەی سەرۆک بارزانی بم، ماڵپەڕی ڕۆژنامەی ھەولێر، ٩ی تشرینی یەکەمی ٢٠١٨ بڵاوکراوەتەوە.
  3. ^ اسماء الفائزين بانتخابات مجلس النواب العراقي 2018 لمحافظة اربيل. 
  4. ^ مەلا بەشیر: شانازی بەوە دەکەم کاندیدی بەھێزترین لیستی کوردستانم، ماڵپەڕی پارتی دیموکراتی کوردستان، ٢ی ئایاری ٢٠١٨ بڵاوکراوەتەوە.

بەستەرە دەرەکییەکان[دەستکاری]