موعیز عەلی

موعیز عەلى زەینەلعابدین محەممەد عەبدوڵڵا (بە عەرەبی: المعز علي زين العابدين عبدالله‎؛ لەدایکبووی ١٩ی ئابی ١٩٩٦) یاریزانێکی پیشەگەری تۆپی پێیە، لە سوودان لەدایکبووە، ھێرشبەری یانەی دوحەیل و ھەڵبژاردەی تۆپی پێی قەتەرە. لە جامی ئاسیای ٢٠١٩ بەشداربووە و ٩ گۆڵی تۆمارکردووە، دواتر بوو بە گۆڵکاری وەشانی پاڵەوانیەتیەکە.

کاروانی یانە

موعیز لە سوودان لەدیکبووە و بەمنداڵی ڕوویکردووەتە قەتەر، دایکی بە ڕەچەڵەک سوودانییە. لە تەمەنی ٧ ساڵیدا ڕوویکردە یانەی موسەیمیر، پاشان چووە ئەکادیمیای ئەسپایەر و یانەی لاوانی لیخویا، لە ٢٠١٥ بەشێک بووە لە دروستکردنی تیمی لاوانی یانەی ئایپنی بەلجیکی.

لە تەممووزی ٢٠١٥، موعیز چووە تیمی یەکەمی یانەی لاسکی نەمساوی، لە ٢٧ی تشرینی دووەمی ٢٠١٥ و لە بەرامبەر یانەی فلۆریدسدۆرفەر یەکەم گۆڵ و تاکە گۆڵی خۆی لە خولەکە تۆمارکرد. لە کانوونی دووەمی ٢٠١٦، ڕوویکردە یانەی کولتورال لیۆنێسای ئیسپانی، کە لە خولی پلە سێی ئیسپانیا بوو. لە ٣ی نیسان یەکەم گۆڵی لە خولەکە لە بەرامبەر یانەی ئاراندینا تۆمارکرد و بوو بە یەکەم یاریزانی قەتەری لە خولێکی ئیسپانیدا گۆڵ تۆماربکات.

لە وەرزی ٢٠١٦-٢٠١٧ گەڕایەوە بۆ تیمی لاوانی یانەی لیخویا، یەکەم گۆڵی لە ٢٧ی ئەیلوولی ٢٠١٦ بەرامبەر بە یانەی موعەیزەر تۆمارکرد. لەو وەرزەدا لە ٢٥ ڕووبەڕووبوونەوەدا بەشداربووە و ٨ گۆڵی تۆمارکردووە و ٨ ھەلی گۆڵی دروستکردووە، خەڵاتی باشترین یاریزانی خوار ٢٣ ساڵی بەدەستھێناوە و یانەکەی بووە پاڵەوانی خولی ئەستێرەکانی قەتەر.

لە وەرزی ٢٠١٧-٢٠١٨، یانەی لیخویا لەگەڵ یانەی جەیش تێکەڵ بوون و یانەی دوحەیلیان دروستکرد. موعیز لەو وەرزەدا لەگەڵ یانەکەی بەبێ شکست، شەشەم نازناوی خولی ئەستێرەکانی قەتەریان بەدەستھێنا، لەکۆی ٢٢ یاری، تەنھا ٣ یەکسانبوونیان ھەبوو.

کاروانی نێونەتەوەیی

یەکەم دەرکەوتنی نافەرمی لەگەڵ ھەڵبژاردەی قەتەر لە کانوونی یەکەمی ٢٠١٣ بوو، کە بەرامبەر بە بەحرەین بوو، بەڵام فیفا ڕووبەڕووبوونەوەکەی پەسەند نەکرد.

لە ساڵی ٢٠١٤ بەشێک بوو لە ھەڵبژاردەی لاوانی خوار ١٩ ساڵی قەتەر و نازناوی پاڵەوانیەتی لاوانی خوار ١٩ ساڵانی ئاسیای ٢٠١٤یان بەدەستھێنا، ھەروەھا بەشێک بوو لە پێکھاتەی خوار ٢٠ ساڵانی قەتەر بۆ جامی جیھانیی خوار ٢٠ ساڵانی فیفای ٢٠١٥، بەشداریی یارییەکانی قۆناغی کۆمەڵەکانی کرد و لەو قۆناغەدا قەتەر ماڵئاوایی کرد٫

لە ٨ی ئابی ٢٠١٦، موعیز عەلی یەکەم بەشداری لەگەڵ ھەڵبژاردەی قەتەر ئەنجامدا، کە وەکو یاریزانی یەدەگ بەرامبەر بە عێراق بەشداریکرد و ٢-١ براوە بوون. لە پاڵەوانیەتی لاوانی خوار ٢٣ ساڵانی ئاسیای ٢٠١٨ بەشداربوو، بە ٦ گۆڵ بوو بە گۆڵکاری پاڵەوانیەتیەکە و قەتەر پلەی سێیەمی بەدەستھێنا.

موعیز بانگھێشتی ھەڵبژاردەی قەتەر کرا بۆ جامی ئاسیای ٢٠١٩، کە ھەڵبژاردەکەی نازناوی پاڵەوانیەتیەکەی بەدەستھێنا، ھاوکات موعیز بوو بە گۆڵکاری جامەکە و تۆماری زۆرترین گۆڵ لە وەشانێکی جامەکە بەناویکرا. لە یاری دەستپێکی ھەڵبژاردەکەی گۆڵی لوبنانی ھەژاند، بەرامبەر کۆریای باکوور بە ٥١ خولەک ٤ گۆڵی تۆمارکرد، کە دووەم خێراترین ماوەیە بۆ تۆمارکردنی ٤ گۆڵ لە پاڵەوانیەتیەکە. قەتەر بە ٢ گۆڵی موعیز لە سعوودیەی بردەوە، بەمەش بوو بە گۆڵکاری وڵاتەکەی لە جامی ئاسیا.

لە نیوەی کۆتایی، قەتەر ٤-٠ لە ئیماراتی بردەوە، کە موعیز گۆڵێکی تۆمارکرد. لە یاریی کۆتاییدا، گۆڵی دەستپێکی قەتەری تۆمارکرد، کە ٤-١ لە ژاپۆنی بردەوە، تۆماری زۆرترین گۆڵی تۆمارکراو لە وەشانێکی جامەکەی بەناوکرا.

ئیمارات پاش شکستەکەی، لە ٣٠ی کانوونی دووەمی ٢٠١٩، داوایەکی لەسەر موعیز عەلی و بەسام ڕاویی عێراقی لە یەکێتیی تۆپی پێی ئاسیا تۆمارکرد، بەو پێیەی لەدابکبووی قەتەر نین و بەھیچ شێوەیەک بۆ ماوەی ٥ ساڵی بەردەوام لە پاش تەمەنی ١٨ ساڵی، لە قەتەر نەژیاون، سەرەڕای ئەوەی بانگەشەی ئەوەی دەکرد لەدایکبووی قەتەرە، بۆیە شایەنی یاریکردن بۆ قەتەر نین، لە ڕۆژی دواتردا یەکێتییەکە سکاڵاکەی ڕەتکردەوە، دواتر لە دادگای وەزرشی سکاڵاکەی لە دژی یەکێتیی تۆپی پێی ئاسیا دۆڕاند.

موعیز بانگھێشتی جامی کۆپا ئەمریکای ٢٠١٩ و جامی کەنداوی عەرەب ٢٤ و جامی ئاڵتونی کۆنکاکافی ٢٠٢١ کرا، لە جامی کۆپا ئەمریکا و جامی کەنداوی عەرەب، گۆڵێکی تۆمارکرد، لە جامی ئاڵتونی کۆنکاکاف ٤ گۆڵی تۆمارکرد.

موعیز بانگھێشتی جامی عەرەبی ٢٠٢١ کراو ٣ گۆڵی لە یاریگای ئەلبێت تۆمارکرد. بانگھێشتی جامی جیھانیی فیفای ٢٠٢٢ کرا، بەشداری سەرجەم یارییەکانی قۆناغی کۆمەڵەکانی کرد.

ئامارەکان

گۆڵە نێونەتەوەییەکان

(ستوونی گۆڵ ئاماژەیە بۆ ئەو گۆڵەی کە تۆماری کردووە، ستوونی ئەنجام ئاماژەیە بۆ ئەنجامی ڕووبەڕووبوونەوەکە)

لیستی گۆڵە نێونەتەوەییە تۆمارکراوەکانی موعیز عەلی

ز.	ڕێکەوت	یاریگا	بەرامبەر بە	گۆڵ	ئەنجام	پاڵەوانیەتی
١	٥ی تشرینی یەکەمی ٢٠١٧	یاریگای جاسم حەمەد، دەوحە، قەتەر	سینگاپوور	١–٠	٣–١	دۆستانە
٢				٢–٠
٣	١٤ی کانوونی یەکەمی ٢٠١٧	یاریگای حەمەد خەلیفە، دەوحە، قەتەر	لیختنشتاین	١–٠	١–٢
٤	٢٣ی کانوونی یەکەمی ٢٠١٧	کووەیت	یەمەن	٣–٠	٤–٠	جامی کەنداوی عەرەب ٢٣
٥	٢٦ی کانوونی یەکەمی ٢٠١٧	کووەیت	عێراق	١–٠	١–٢
٦	٧ی ئەیلوولی ٢٠١٨	یاریگای نێونەتەوەییی خەلیفە، دەوحە، قەتەر	China PR	١–٠	١–٠	دۆستانە
٧	١١ی ئەیلوولی ٢٠١٨	یاریگای نێونەتەوەییی خەلیفە، دەوحە، قەتەر	فەلەستین	١–٠	٣–٠
٨	١٢ی تشرینی یەکەمی ٢٠١٨	یاریگای جاسم حەمەد، دەوحە، قەتەر	ئێکوادۆر	٢–٠	٤–٣
٩				٤–١
١٠	٢٣ی کانوونی یەکەمی ٢٠١٨	یاریگای نێونەتەوەییی خەلیفە، دەوحە، قەتەر	ئوردن	١–٠	٢–٠
١١	٩ی کانوونی دووەمی ٢٠١٩	یاریگای ھەزاع زاید، عەین، ئیمارات	لوبنان	٢–٠	٢–٠	جامی ئاسیای ٢٠١٩
١٢	١٣ی کانوونی دووەمی ٢٠١٩	یاریگای خەلیفە زاید، عەین، ئیمارات	کۆریای باکوور	١–٠	٦–٠
١٣				٢–٠
١٤				٤–٠
١٥				٥–٠
١٦	١٧ی کانوونی دووەمی ٢٠١٩	یاریگای شاری وەرزشیی زاید، ئەبووزەبی، ئیمارات	عەرەبستانی سعوودی	١–٠	٢–٠
١٧				٢–٠
١٨	٢٩ی کانوونی دووەمی ٢٠١٩	یاریگای محەممەد زاید، ئەبووزەبی، ئیمارات	میرنشینە یەکگرتووە عەرەبییەکان	٢–٠	٤–٠
١٩	١ی شووباتی ٢٠١٩	یاریگای شاری وەزرشیی زاید، ئەبووزەبی، ئیمارات	ژاپۆن	١–٠	٣–١
٢٠	١٦ی حوزەیرانی ٢٠١٩	یاریگای ماراکانا، ڕیۆ دێ ژانێرۆ، بەرازیل	پاراگوای	١–٢	٢–٢	کۆپا ئەمریکای ٢٠١٩
٢١	٥ی ئەیلوولی ٢٠١٩	یاریگای جاسم حەمەد، دەوحە، قەتەر	ئەفغانستان	١–٠	٦–٠	پاڵاوتنی جامی ئاسیای ٢٠٢٣
٢٢				٢–٠
٢٣				٥–٠
٢٤	١٦ی تشرینی یەکەمی ٢٠١٩	یاریگای ئەلجنوب، وەکرە، قەتەر	عومان	٢–١	٢–١
٢٥	٢٩ی تشرینی دووەمی ٢٠١٩	یاریگای نێونەتەوەییی خەلیفە، دەوحە، قەتەر	یەمەن	٣–٠	٦–٠	جامی کەنداوی عەرەب ٢٤
٢٦	١٢ی تشرینی یەکەمی ٢٠٢٠	تورکیا	گانا	١–١	١–٥	دۆستانە
٢٧	١٧ی تشرینی دووەمی ٢٠٢٠	نەمسا	کۆریای باشوور	١–١	١–٢
٢٨	٤ی کانوونی یەکەمی ٢٠٢٠	یاریگای جاسم حەمەد، دەوحە، قەتەر	بەنگلادێش	٣–٠	٥–٠	پاڵاوتنی جامی ئاسیای ٢٠٢٣
٢٩				٤–٠
٣٠	٤ی تەممووزی ٢٠٢١	کرواتیا	ئێلسالڤادۆر	١–٠	١–٠	دۆستانە
٣١	١٣ی تەممووزی ٢٠٢١	ویلایەتە یەکگرتووەکان	پەنەما	٢–١	٣–٣	جامی ئاڵتونی کۆنکاکافی ٢٠٢١
٣٢	١٧ی تەممووزی ٢٠٢١	ویلایەتە یەکگرتووەکان	گرینادا	٤–٠	٤–٠
٣٣	٢٤ی تەممووزی ٢٠٢١	ویلایەتە یەکگرتووەکان	ئێلسالڤادۆر	١–٠	٣–٢
٣٤				٣–٠
٣٥	١٤ی تشرینی دووەمی ٢٠٢١	ئازەربایجان	ئازەربایجان	١–٠	٢–٢	دۆستانە
٣٦				٢–٢
٣٧	٦ی کانوونی یەکەمی ٢٠٢١	یاریگای ئەلبێت، خور، قەتەر	عێراق	١–٠	٣–٠	جامی عەرەبی ٢٠٢١
٣٨	١٠ی کانوونی یەکەمی ٢٠٢١	یاریگای ئەلبێت، خور، قەتەر	میرنشینە یەکگرتووە عەرەبییەکان	٢–٠	٥–٠
٣٩				٥–٠
٤٠	٢٧ی تشرینی یەکەمی ٢٠٢٢	ئیسپانیا	ھۆندووراس	١–٠	١–٠	دۆستانە
٤١	٥ی تشرینی دووەمی ٢٠٢٢	ئیسپانیا	پەنەما	١–٠	٢–١
٤٢	٩ی تشرینی دووەمی ٢٠٢٢	ئیسپانیا	ئالبانیا	١–٠	١–٠
٤٣	١٦ی تشرینی دووەمی ٢٠٢٣	یاریگای نێونەتەوەییی خەلیفە، دەوحە، قەتەر	ئەفغانستان	٢–١	٨–١	پاڵاوتنی جامی جیھانیی فیفای ٢٠٢٦
٤٤				٤–١
٤٥				٥–١
٤٦				٦–١
٤٧	٢١ی تشرینی دووەمی ٢٠٢٣	ھیندستان	ھیندستان	٢–٠	٣–٠

سەرچاوەکان

• بەشداربووانی ویکیپیدیا، «Almoez Ali»، ویکیپیدیای ئینگلیزی. سەردان لە ٦ی کانوونی یەکەمی ٢٠٢٣.