مورتەزا پاشایی

لە ئینسایکڵۆپیدیای ئازادی ویکیپیدیاوە
Jump to navigation Jump to search
مورتەزا پاشایی
لەدایکبوون مورتەزا پاشایی
(١٩٨٤-0٨-١١) ١١ی ئابی ١٩٨٤
سادقیە، تاران، ئێران
مەرگ ١٤ی تشرینی دووەمی ٢٠١٤(٢٠١٤-11-١٤) (٣٠ ساڵ ژیاوە)
تاران، ئێران
نەتەوە ئێرانی
پیشە
  • گۆرانیبێژ
  • مووزیکژەن
  • ئاوازدانەر
ساڵانی چالاکی ٢٠٠٩ – ٢٠١٤
شار تاران، ئێران
باڵا ١٧٦ سم
پیشەی مۆسیقی
چەشن
ئامێرەکان
کۆمپانیای تۆمارکردن
  • ڕادیۆ جاڤان
  • پارسی ڕیکۆرد
  • ئاسسای ڕیکۆردز
  • دۆنیا میوزیک گرووپ
ماڵپەڕ www.instagram.com/mortezapashaeioriginal/

مورتەزا پاشایی (بە فارسی: مرتضی پاشایی)، (١٣ی ئابی ١٩٨٤ - ١٤ی تشرینی دووەمی ٢٠١٤؛ تاران، ئێران). میووزیکژەن، ئاوازدانەر، گیتارژەن و گۆرانیبێژی پۆپی ئێرانی بوو، کە بە ئیمپڕاتۆری ھەست ناسرابوو.

لە تاران لەدایکبووە و ھەر لەوێش گەورە بووە. مورتەزا دەرچووی بەشی گرافیک دیزاین بووە. و ھەر لە منداڵییەوە ئارەزوومەندێکی مۆسیقا بووبوو کاتێک دەستی بە ژەنینی گیتار کرد، و دواتر دەبێت بە گۆرانیبێژ. کەمتر لە دوو دەیە (بیست ساڵ) و لە ٢٠١٣دا نەخۆشی شێرپەنجەی گەدەی لێ دەستنیشانکرا و تووشی ئەو نەخۆشییە بوو و لە ڕۆژی ٣ی تشرینی دووەمی ٢٠١٤ بۆ وەرگرتنی دەرمان گەیەندرایە نەخۆشخانەی بەھمەن لە تاران و لەوێ خەوێندرا و ھەر لەوێ چارەسەرکردن بە ماددەی کیمیاوی دژ بە شێرپەنجە پەلاماردەرەکەی بۆ ئەنجام درا، بەڵام ھەوڵەکە بۆ ھێواشکردنەوەی شێرپەنجەکە شکست دەھێنێت. تەندرووستیی پاشایی لەبار دەکەوێت و لە بەیانی ھەینیی ڕۆژی ١٤ی تشرینی دووەمی ٢٠١٤دا لە نەخۆشخانەی بەھمەن لە تەمەنی ٣٠ ساڵیدا کۆچی دوایی کرد.

سەرەتای ژیان[دەستکاری]

مورتەزا لەوەتەی منداڵییەوە ئارەزووی لە مۆسیقا بووە و لە تەمەنی ١٤ ساڵییەوە دەستی بە گیتارژەنین کردووە. سەرەڕای ژەنینی گیتار، پیانۆشی ژەنیوە و زۆربەی گۆرانییەکانی خۆیی نوسی. گرافیک دیزاینی لە زانکۆی ئازادی ئیسلامی خوێند و لە ٢٠٠٨ تەواوی کرد.

پیشەی مۆسیقا[دەستکاری]

پاشایی لە ٢٠٠٩ دەستی بە پیشەی مۆسیقای پیشەگەری کرد لەڕێگەی بڵاوکردنەوەی گۆرانییەکانی لەسەر ئینتەرنێت، بەتایبەتی یووتیووب. وەکوو ھونەرمەندێک، بە ھونەرمەندێکی زۆر نوێ ناسرابوو. زیاتر بە تراکی یکی ھستی ساڵی ٢٠١٢ دەناسرێت.

شێرپەنجە[دەستکاری]

لە کۆتایییەکانی ئەیلوولی ٢٠١٣دا، ڕاگەیەندرا کە پاشایی نەخۆشیی شێرپەنجەی گەدەی لێ دەستنیشانکراوە. کەسوکاری ھەواڵەکەیان ڕەتکردەوە، بەڵام ماڵپەڕی فەرمیی مورتەزا ڕایگەیاند پلانی ئاھەنگەکە ھەڵوەشاوەتەوە بەھۆی نەخۆشیی مورتەزاوە. مانگێک دواتر مورتەزا بە کڵاوێکەوە لە بەرنامەیەکی تەلەڤیزیۆنی دەرکەوت و لەبارەی نەخۆشییەکەیەوە قسەی کرد. پێش ڕاگەیاندنی ھەواڵەکە مورتەزا نەشتەرگەرییەکی گەورەی چەشت.[١]

لە ٣ی تشرینی دووەمی ٢٠١٤، پاشایی گوێزرایەوە بۆ نەخۆشخانەی بەھمەن و بۆ چارەسەرکردن لە ئای-سی-یوو خەوێندرا.

مردن[دەستکاری]

مورتەزا لە ١٤ی تشرینی دووەمی ٢٠١٤ لە تەمەنی ٣٠ ساڵیدا کۆچی دوایی کرد.[٢] لە ١٦ی تشرینی دووەم لە ھۆڵی ڕودکی پرسەی بۆ دانرا و لە گۆڕستانی بەھەشتی زەھرا نێژرا. ھەزاران لە ھەوادارانی لە پرسەکەی بە ڕێپێوانێکی نائاسایی و وتنەوەی گۆرانییەکانی ئامادەبوون لەو کاتەی کە نێژرا. مەرگی ئەو دووبارە ئێرانییەکانی گردکردەوە چوونکە ئەوان خەفەتباربوون بە مردنی ٣٠ ساڵ ئەفسانە. بە خاک سپاردنی گەورەترین قەرەباڵغی دروستکرد لە ئێران لەوەتەی ناڕەزایی دەربڕینەکانی ھەڵبژاردنی ٢٠٠٩. ھێشتا پاش تێپەڕبوونی چەندین ھەفتە، ھەزاران خێزان، ھاوڕێ و ھەوادارانی بە گوڵ، مۆم و وێنەکانی مورتەزاوە سەردانی گۆڕەکەی دەکەن. سەرەڕای ئەوەش، ئەو ھەوادارانەی کە لە دەرەوەی ئێران دەژین، خۆشەویستی خۆیان بۆ مورتەزا لە تۆڕە کۆمەڵایەتییەکانی وەکوو: فەیسبووک، ئینستاگرام و توویتەر پیشاندا.[٣][٤]

ئەلبومەکان[دەستکاری]

  1. گوڵی بیتا (گل بیتا) - ٢٠٠٩
  2. یەکێک ھەیە (یکی ھست) - ٢٠١٢
  3. ناوی عەشقە (اسمش عشقە) - ٢٠١٥
  4. بالندە (پرندە)-٢٠١٥

ئەمانەش ببینە[دەستکاری]

پەراوێزەکان[دەستکاری]

  1. ^ "Thousands Across Iran Mourn Death of Popular Singer". 15 November 2014. 
  2. ^ Morteza Pashaei dies, presstv.ir; 14 November 2014; accessed 16 November 2014.
  3. ^ "Funeral of pop star unites Iran's urbanites and traditionalists". 16 November 2014. 
  4. ^ "Tehran Hosts Funeral For Popular Iranian Singer". RadioFreeEurope. 16 November 2014. 

سەرچاوەکان[دەستکاری]


بەستەرە دەرەکییەکان[دەستکاری]