محەممەد عومەر عوسمان
محەممەد عومەر عوسمان | |
|---|---|
 | |
| لەدایکبوون | محەممەد عومەر عوسمان ١٩٥٧ سلێمانی، باشووری کوردستان[١] |
| مردن | ٢٢ی تشرینی یەکەمی ٢٠١٩ (٦١–٦٢ ساڵ ژیاوە) سلێمانی، باشووری کوردستان[٢] |
| گۆڕ (گڵکۆ) | گۆڕستانی سەیوان، سلێمانی، باشووری کوردستان[٣] |
| ناوی قەڵەم | ژەنەڕاڵی پاییز |
| پیشە | ھۆنەر، نووسەر |
| بابەت | ھۆنراوە |
| ساڵانی چالاکی | ١٩٧٥–٢٠١٩ |
محەممەد عومەر عوسمان (لەدایکبووی ١٩٥٧[١] — مردووی ٢٢ی تشرینی یەکەمی ٢٠١٩)[٢] ناسراو بە ژەنەڕاڵی پاییز شاعیر و نووسەرێکی کورد بوو.
ژیان
[دەستکاری]محەممەد لە ساڵی ١٩٥٧ لە گەڕەکی دەرگەزێنی شاری سلێمانی لەدایکبووە. خوێندنی سەرەتایی و ناوەندی و ئامادەیی لە سلێمانی تەواو کردووە بۆ خوێندنی کۆلێژ ڕووی کردۆتە شاری بەغداد و ھەر لە تەمەنی لاوییەوە دەستی داوەتە پەرتووک خوێندنەوە. لە ساڵی ١٩٧٥ دەستی کردووە بە نووسین و بڵاوکردنەوەی ھۆنراوەکانی.[٤][٥][٦]
مردن
[دەستکاری]
محەممەد لە ٢٢ی تشرینی یەکەمی ٢٠١٩، خۆی بە پانکەی ماڵی خۆیانەوە ھەڵواسی و کۆتاییی بە ژیانی خۆی ھێنا.[٧] گۆڕەکەی لە گردی سەیوان بە خاک سپێردرا و لەسەر وەسیەتی خۆی تابووتەکەی بە گەڵای پاییز داپۆشرا.[٥]
وەسیەتنامە
[دەستکاری]لە دوای مردنم کەس نان و پیازم پێوە نەخوات، تەعزێم بۆ دانەنێن، وەسیەتی من ئەو شیعرانەیە کە نووسیومن، ھەرچەندە ناشیبینم، حەز دەکەم گۆڕەکەم ڕازاوە و جوان بێت.[٦]
ژەنەڕاڵی پاییز
[دەستکاری]منم ژەنەڕاڵی پاییز
منی ھەرگیز ئۆقرە نەدیو
ژنەڕاڵ... ژنەڕاڵی ھەزارەھا داری ڕووت و
ملیارەھا گەڵای وەریو
***
منم ژەنەڕاڵی پاییز…
کاسکێتەکەی سەرم ھەورەو
ئەستێرەکانی سەرشانم چەند گەڵایەک بەڕەنگی زیو
پاڵتۆی بەرم کزەبایەو
شمشێرەکەم لقی درەختێکی ڕزیو
***
منم ژەنەڕاڵی پاییز
خوێنێکی زەرد بەنێو دەمارما دەگەڕێ و
چاوم ھەر وەک ھەور نمناک
تەنیا من بووم کە لە تابووتی شووشەدا
چەندین گەڵام سپارد بە خاک
***
منم ژەنەڕاڵی پاییز
من بووم لەگەڵ زریانی بیرچوونەوەدا… کەوتمە جەنگ و
زۆر گەڵام دەرھێنا لە چنگ
من بووم شەوی گەڵاکانم…
خستە ژێر باڵی تریفە و، ورشەی گزنگ
***
منم ژەنەڕاڵی پاییز
پاییز بەبێ من ھەتیوە و
من بووم وتم بەڵێ تەرمی نسێی سەوزە…
گەڵای وەریوی کۆچ کردوو
تەنیا منم کە لە میحرابی پاییزا…
بۆ گیانی زیندووی گەڵاکان…
سەرچاوەکان
[دەستکاری]- ^ ئ ا «ژەنەراڵی پاییز لە وەرزی پاییزدا کۆتایی بە ژیانی خۆی ھێنا». کوردستان میدیا. ٢٢ی ئەیلوولی ٢٠١٩. لە ١٢ی کانوونی دووەمی ٢٠٢١ ھێنراوە.[بەستەری مردوو]
- ^ ئ ا «پۆلیسی سلێمانی لەبارەی گیان لە دەستدانی جەنەڕاڵی پایز روونکردنەوە دەدات». کورستان تیڤی. ٢٢ی تشرینی یەکەمی ٢٠١٩. لە ڕەسەنەکە لە ١٤ی کانوونی دووەمی ٢٠٢١ ئەرشیڤ کراوە. لە ١٢ی کانوونی یەکەمی ٢٠١٩ ھێنراوە.
{{cite web}}: ڕاگرتنی شێوازی سەرچاوەی ١: خاڵبەندیی زیادە (بەستەر) - ^ «مەراسیمێکی مۆم داگیرساندن و شیعر خوێندنەوە بۆ ژەنەراڵی پایز بەڕێوەدەچێت». ئێن ئاڕ تی. ژ.ن. ٢٢ی تشرینی یەکەمی ٢٠١٩. لە ١٢ی کانوونی دووەمی ٢٠٢١ ھێنراوە.
- ^ «"ژەنەڕاڵی پایز" گیانی لەدەستدا». سبەی میدیا. ٢٢ی تشرینی یەکەمی ٢٠١٩. لە ٢٥ی ئەیلوولی ٢٠٢١ ھێنراوە.
- ^ ئ ا «ژەنەڕاڵی پاییز، تابوتەکەی بە گەڵای پاییز داپۆشراو لە سەیوان، بە خاکسپێردرا». شەن پرێس. ٢٣ی تشرینی یەکەمی ٢٠١٩. لە ڕەسەنەکە لە ٢٥ی ئەیلوولی ٢٠٢١ ئەرشیڤ کراوە. لە ٢٥ی ئەیلوولی ٢٠٢١ ھێنراوە.
- ^ ئ ا «(باس) وەسیەتنامەی محەمەد عومەر عوسمان بڵاو دەکاتەوە». باس نیوز. بەرزان عەلی. ٢٩ی تشرینی یەکەمی ٢٠١٩. لە ٢٥ی ئەیلوولی ٢٠٢١ ھێنراوە.
{{cite web}}: ڕاگرتنی شێوازی سەرچاوەی ١: خاڵبەندیی زیادە (بەستەر) - ^ «ژەنەڕاڵی پاییز "محەمەد عومەر عوسمان" کۆتایی بە ژیانی خۆی ھێنا». تۆڕی میدیاییی خەڵک. ٢٢ی تشرینی یەکەمی ٢٠١٩. لە ڕەسەنەکە لە ٢٥ی ئەیلوولی ٢٠٢١ ئەرشیڤ کراوە. لە ٢٥ی ئەیلوولی ٢٠٢١ ھێنراوە.
- بەرنامەی شاعیرێک لە غوربەتا لە کەناڵی KNN
بەستەرە دەرەکییەکان
[دەستکاری]
دەروازەی ژیاننامە
دەروازەی وێژەی کوردی
دەروازەی شیعر
دەروازەی عێراق
دەروازەی چاند
دەروازەی وێژە
دەروازەی کوردستان
 | ئەم ژیاننامە وتارە کۆلکەیەکە. دەتوانیت بە فراوانکردنی یارمەتیی ویکیپیدیا بدەیت. |