فائیق چالاک
فائیق چالاک :(١٩٣٠-١٩٩٦) هونەرمەند و چالاكی سیاسی و پێشمەرگە
سەرەتای ژیان و خوێندنی
[دەستکاری]
فائیق کوڕی مەحموود کوڕە ڕەسووڵ ئاغای پشدەرە، ساڵی ١٩٣٠ لە گەڕەکی (پیرمەسوور)ی شاری سلێمانی چاویی بە ژیاندا ھەڵھێناوە. دایکی، ناوی ڕەعنای کچی ئەحمەدە. فائیق، قوتابخانەی سەرەتاییی فەیسەڵییەی لە ١٩٤٤دا بڕیوە و قۆناغی ناوەندیشیی لە سانەویی سلێمانی تەواوکردووە. بەڵام بە ھۆی کۆچی دواییی دایک و باوکیەوە لە ١٩٤٧دا، دەستە لە خوێندن ھەڵگرتووە.[١][٢]
ھونەری نوواندن
[دەستکاری]لە سەرەتای لاوییەوە حەزی لە ھونەری نوواندن کردووە. ڕەفیق چالاکی براگەورەی زۆر کاری تێکردووە و ڕێنوێنی بووە و بەشداری کارە شانۆیییەکانیی کردووە، وەک (لە ڕێی نیشتمانا)، (پیسکەی تەڕپیر) و (بووکی ژێر دەواری ڕەش).[١][٢]
ڕادیۆی کوردیی بەغدا
[دەستکاری]لە ١٨/٩/١٩٥١ەوە بۆ ماوەی سێ ساڵ لە ڕادیۆی کوردیی بەغدا کاری کردووە بۆ نوواندنی ڕادیۆیی.[١][٢]
کۆمەڵەی ھونەرە جوانەکان
[دەستکاری]١٩٥٧ بووە بە ئەندامی (کۆمەڵەی ھونەرە جوانەکان) لە سلێمانی. دەنگی خۆش بووە و لە بۆنەی تایبەتدا گۆرانیی وتووە و ھیچ بەرھەمێَکی تۆمارنەکردووە.[١][٢]
چالاكی سیاسی
[دەستکاری]فائیق، پیاوێکی نیشتمانپەروەر بووە، زۆر جار دوچاری گرتن و ڕاوەدوونان بووە. ١٩٤٥ لەسەر حیزبی شیوعی گیراوە و لەگەڵ "فەھد" و کەمالی نووری بەگ دوورخراوەتەوە بۆ شاری (کووت)، دوو ساڵی لێ ماوەتەوە.[١][٢]
ئەركی لە دەوڵەت
[دەستکاری]١٩٥٥ لە دائیرەی ئیستیھلاک دامەزراوە. ١٩٥٧ جارێکی دیکە لە دائیرەی تەندروستیی سلێمانی دانراوە بە برینپێچ و براوە بۆ (گۆخڵان) و پاشان دێی (نۆدێ).[١][٢]
خەباتی شاخ
[دەستکاری]١٩٦١ لەبەر کاری سیاسیی نھێنیی ناوشار دژ بە ڕژێم، فەرمانی کوشتنی دراوە، ئەویش ھەڵاتووە و دوو ساڵ بووە بە پێشمەرگە. کە بڕیاری لێبوردنی گشتی دەرچووە، گەڕاوەتەوە بۆ سلێمانی. بەڵام ھەر لەبەر ھۆی سیاسی، دوورخراوەتەوە بۆ شاری ھەولێر بۆ ماوەی حەوت ساڵ. دیسان بووەتەوە بە پێشمەرگە.[١][٢]
- پاش ١١/٣/١٩٧٠ گەڕاوەتەوە بۆ ھەولێر و بە وەزیفەی کاتب لێی ماوەتەوە. ١٩٧٣ ھاتووەتەوە بۆ سلێمانی. ١٩٧٤ دووبارە ناچاری ھەڵاتن بووە و چووەتە دیوی ئێران و لە (مەریوان) گیرساوەتەوە.[١][٢]
- پاش ساڵێک و لە ١٩٧٥دا بە لێبوردنی گشتیی ڕژێمی بەعس گەڕاوەتەوە بۆ سلێمانی و چووەتەوە سەر ھەمان وەزیفە.[١][٢]
کۆمەڵی ھونەر و وێژەی کوردی- سلێمانی
[دەستکاری]١٩٧٥ بووە بە ئەندامی (کۆمەڵی ھونەر و وێژەی کوردی- سلێمانی). لە ١٩٩٢دا خانەنشین بووە.[١][٢]
كۆچی دوایی
[دەستکاری]شەوی ٧/٦/١٩٩٦ بە جەڵتەی دڵ کۆتایی بە ژیانی ھاتووە و لە (گردی سەیوان) بە خاک سپێردراوە.[١][٢]
ئەلبوومی وێنەكانی
[دەستکاری]-
شانۆی : لە ڕێی نیشتمانا -
شانۆی : پیسکەی تەڕپیر -
ئەندامانی کۆمەڵی هونەرە جوانەکان لە سلێمانی
سەرچاوەکان
[دەستکاری]- ^ ئ ا ب پ ت ج چ ح خ د ر گۆڤاری گەلاوێژ (بەرگی یازدەهەم / بەشی یەكەم ) ژیاننامە و پێڕست ، ئامادەكردنی ( سدیق ساڵح ، ڕەفیق ساڵح ، عبدوڵڵا زەنگەنە ) لە بڵاوكراوەكانی بنكەی ژین بۆ بووژاندنەوەی كەلەپووری و بەڵگەنامەیی و ڕۆژنامەوانیی كوردی .ل 8149-8150
- ^ ئ ا ب پ ت ج چ ح خ د ر مێژووی ڕادیۆی کوردیی بەغداد ١٩٣٩-١٩٥٨، بەرگی پێکھەم- جزمی یێکھەم، ل٦٩٧؛ لاپەڕەیەکی ژیاننامەکەی و ھێندێ بەڵگەنامە و وێنە، بەڕێز چالاک ڕەفیق چالاک خستنیە بەردەست.