سەلاح سەعدوڵڵا
سەلاح سەعدوڵڵا | |
|---|---|
| لەدایکبوون | ١٩٣٠ |
| مەرگ | ١٨ی تشرینی یەکەمی ٢٠٠٧ |
| شوێنی گۆڕ | زاخۆ |
| نەتەوە | کورد |
| ھاوسەر | سینەم خان بەدرخان |
| مناڵ(ەکان) | دڵناز و ئازاد |
| خزمەکان | خەزوور جەلادەت عالی بەدرخان |
سەلاح سەعدوڵڵا (بە بەدرخانی: Selah Sedullah) (لەدایکبووی ١٩٣٠ لە زاخۆ - مردووی ٢٠٠٧ لە ھەولێر) نووسەر، وەرگێڕ، ئەندازیار، زمانوان و ڕووناکبیرێکی کورد بوو.
ژیان
[دەستکاری]سەلاح سەعدوڵڵا ساڵی ١٩٣٠ لە زاخۆ لە دایک بووە، لە باشووری کوردستان و ئینگلتەرا خوێندوویەتی، لە کەرکووک و زیاتر لە بەغدا ئەندازیاری نەوت بووە، لە نێوان ساڵەکانی ١٩٥٦–٥٧ سەرۆکی لقی لەندەنی کۆمەڵەی خوێندکارانی کورد لە ئەورووپا بووە،[١][٢] ساڵی ١٩٦٠ لەگەڵ سینەم خان بەدرخان ھاوسەرگیری کردووە، سەلاح سەعدوڵڵا لە بوارەکانی نووسین و فەرھەنگ و وەرگێڕانیشدا چالاک بووە: کوردی وەرگێڕاوەتە سەر ئینگلیزی و عەرەبی - ئینگلیزی وەرگێڕاوەتە سەر کوردی و عەرەبی و بەکۆی گشتی لەم سێ زمانەدا، خاوەنی زیاتر لە بیست کتێبە. ١٨ی تشرینی یەکەمی ٢٠٠٧ لە ھەولێر کۆچی دوایی کردووە و لەسەر داخوازی خۆی لە زاخۆ تەسلیم بە خاک کراوە. ڕێوڕەسمی بەخاک ئەسپاردنەکەی لەلایەن کەسوکاری خۆی و بەرپرسان و خەڵکێکی زۆر بەڕێوە چووە. سەلاح سەعدوڵڵا پێش ئەوەی عەمری خودای بکا سەرقاڵی نووسینی کتێبێک بووە لەمەڕ کوردانی ڕۆژاوا.[٣]
بەرھەمەکان
[دەستکاری]- فەرھەنگی سەلاحەدین (فەرھەنگێکی کوردی - ئینگلیزییە کە لە ھەزاران وشە پێک ھاتووە و بە کورمانجیشە)[٤]
- وەرگێڕانی مەم و زینی ئەحمەدی خانی بۆ ئینگلیزی[٥]
- دیپڵۆمات (لە ئینگلیزییەوە بۆ کوردی)
- کتێبی Kurdistan Divided Nation of the Midlle East (کوردستان وڵاتی دابەشکراوی ڕۆژھەڵاتی ناوین) کە پەبجا ساڵ لەوە پێش بە زمانی ئینگلیزی چاپ و بڵاوی کردووەتەوە و دواتر وەرگێڕدراوەتە سەر عەرەبی و ڕووسی
- بەفرەکانی کیلیمانجارۆ (لە ئینگلیزییەوە بۆ کوردی)
سەرچاوەکان
[دەستکاری]- ^ سینەم خان بەدرخان کچی ڕەوشەن بەدرخان و میر جەلادەت بەدرخان چیرۆکی ژیانی دەگێڕێتەوە، ژن تیڤی، ١٣ی تشرینی یەکەمی ٢٠٢١
- ^ AFKIV. «Le Fonds Vanly | AFKIV» (بە فەرەنسی).
{{cite web}}: ڕاگرتنی شێوازی سەرچاوەی ١: ڕەوشی ناونیشان (بەستەر) - ^ «Salek Di Ser Koçkirina Salah Sadellah Re». Koerdisch Instituut Brussel. لە ڕەسەنەکە لە ١٥ی تشرینی دووەمی ٢٠٢١ ئەرشیڤ کراوە. لە ١٦ی تشرینی دووەمی ٢٠٢١ ھێنراوە.
- ^ «وشەدان». www.bradost.net.
{{cite web}}: ڕاگرتنی شێوازی سەرچاوەی ١: ڕەوشی ناونیشان (بەستەر) - ^ «ھەڤپەیڤین لەگەڵ دوکتور مکاییل لیزنبێرگ سەبارەت بە چەمک و نۆرمەکانی ناو مەم و زین ی ئەحمەدی خانی». ناوەندی نووچە و شرۆڤەی رۆژ (بە کوردی).
{{cite web}}: ڕاگرتنی شێوازی سەرچاوەی ١: ڕەوشی ناونیشان (بەستەر)
