ستان لۆرێل

ستان لۆرێل (بە ئینگلیزی: Stan Laurel) ناوی ڕاستەقینەی ئارسەر ستانلی جێفرسۆنە (بە ئینگلیزی: Arthur Stanley Jefferson) (١٦ی حوزەیرانی ١٨٩٠ – ٢٣ی شوباتی ١٩٦٥)، نواندکارێکی کۆمیدی بوو.

ھاوبەشی لەگەڵ ئۆلیڤەر ھاردی کردووە لە دووانەیەکی کۆمیدیدا بەناوی لۆرێل و ھاردی لە ساڵانی ١٩٢٠ تا کۆتایییەکانی ١٩٤٠. لۆرێل لە ساڵی ١٨٩٠ لە شاری ئۆلڤێرستۆن لە باکووری ئینگلتەرا لە خێزانێکی نمایشکار لەدایکبووە، دواتر چووە ئەمریکا، لەوێ بەرھەمھێنەر ھال ڕۆتچ لۆرێلی لەگەڵ ھاردی کۆکردەوە و بوونە ھاوبەش.

دوای مردنی ھاردی لە ساڵی ١٩٥٧، لۆرێل بڕیاریدا واز لە نواندن بھێنێت و زۆرێک لە پێشنیارەکانی ڕەتکردەوە، لەنێویاندا فیلمێک بە ناوی جیھانێکی شێت، شێت، شێت، شێتە، کە لە ساڵی ١٩٦٣ سەرکەوتنی بەدەستھێنا، بەڵام ھەر لەسەر بەڵێنەکەی بوو و جێبەجێی کرد تاوەکو لە ساڵی ١٩٦٥ لە سانتا مۆنیکا لە کالیفۆرنیا کۆچی دوایی کرد لە تەمەنی ٧٤ ساڵیدا.