دەرکەری جنۆکە

دەرکەری جنۆکە
جنۆکەگر
ناوەکانی تر	دەرکەری ڕۆحی شەڕانگێز دوورخەرەوەی ڕۆحی شەڕانگێز
پیشە	دەرکردنی جنۆکە و شەیتان و دەرکردنی ڕۆحی شەڕانگێز و خراپ

دەرکەری جنۆکە یان دوورخەرەوەی ڕۆحە شەڕانگێزەکان یان جنۆکەگر (بە عەرەبی؛الرَّاقيِ، طاَرِد أرواحِ شِرّيرةَ | بە ئینگلیزی؛ Exorcist) لە زۆربەی زۆری ئایین و مەزهەبەکان کەسایەتییەکی ئایینییە، کە توانای چارەسەرکردن و دەرکردنی جنۆکە و ئەهریمەن و شەیتانەکان، وە ڕۆحە شەڕانگێز و خراپەکارەکان هەیە. ئەو کەسایەتییانە بریتین لە دەروێش، ڕاهیب، قەشە، شەمان، شێخ یان چارەسەرکەری ڕۆحی، یان هەر کەسێک کە شارەزایی هەبێت و ڕێنمایی درابێت، یان کەسێکی پیرۆزبێت.

دەرکەری جنۆکە ئەو کەسەیە کە بوونەوەرێکی نادیار، یان بوونەوەرێکی سەروسروشتی، یان بوونەوەری ترسناک، کە کەسانی ئاسایی نایانبینن و بوونەوەری نەزانراون، کە بڕوا وایە و وا دانراوە، کە دەیانەوێ کەسەکان خاوەندارێتی بکەن و بیانکەن بە هی خۆیان، یان زیان بگەیەنن بە خەڵکانی تر و ئەوکەسەی مەبەستیانە، دەربکەن، کە ئەمەش بە ڕێوەرەسمی ئایینی یان کولتووری یان ئەو شێوازی دەرکردنەی کە دەرکەرەکە یان خواوەند و ئایینەکەی بڕوای پێیەتی، بەڕێوەدەچێت.