درایڤی پەپکی بینایی

درایڤی پەپکی بینایی کە درایوی دیسکی بینایی پێ دەوترێت (بە ئینگلیزی: Optical disc drive کورتکراوە؛ ODD) وە بە سی دی درایڤ و دی ڤی دی درایڤیش دەناسرێت، درایڤی پەپکە بیناییەکان بەگشتی پەیوەندییان بە کۆمپیوتەرەوە هەیە، کە بریتییە لە درایڤێک یان دیسک درایڤێک کە ڕووناکی لەیزەر و شەبەنگی کارۆموگناتیسی بەکاردەهێنێت لە پرۆسەی خوێندنەوە و نووسینی زانیاری لەسەر پەپکی بینایی، درایڤەکانی پەپکی بینایی جیاوازن هەندێکیان تەنها بۆ جۆرێکی دیسک بەکاردێن هەندێکیان بۆ دیسکی هەمەجۆر وە هەندێکیان دەتوانن تەنها بخوێننەوە بەڵام هەندێکیان دەتوانن هەم بنوسن و هەم بخوێننەوە، درایڤەکانی پەپکی بینایی نوسەر یان سوتێنەریان پێ دەوترێ وە فرمانەکانیان نوسین و سوتاندنە چونکە بە کردارێکی ڕاستەقینە و بە شێوەیەکی فیزیکی پەپکە بیناییەکان دەسوتێنن و زانیاری و داتاکانی لەسەر دەسوتێنن وە ئەو کردارەش پێی دەوترێ نوسین یان سوتاندنی پەپکی بیناییدرایڤەکانی پەپکی بینایی لە ساڵانی ١٩٨٠دا بەرهەم هاتن و تا ئێستاش بەرهەمدێن و بەکاردێن.

ئەو جۆرە پەپکی بیناییانەی کە درایڤێکی پەپکی بینایی دەتوانێت بینوسێت و بیخوێنێتەوە بریتین لە پەپکی پەستێنراو، دی ڤی دی، بلو-رای، لەو ماوانەدا و لەو سەردەمەی ئێستادا لاپتۆپەکان و تەنانەت کۆمپیوتەرەکانیش درایڤی پەپکی بیناییان بۆ دروست ناکرێت و درایڤی پەپکی بینایی لەگەڵ بەرهەمەکانیان نەهێشتووە بەتایبەتی لە دوای ساڵانی ٢٠١٥ بەرەو سەرەوە، بەڵام لەبەرئەوەی لەوانەیە کەسانێک هەبن کە پێویستیان بە درایڤی پەپکی بینایی هەبێت لەبەرئەوە درایڤی پەپکی بینایی دەرەکی دروستکراوە و بە لاپتۆپ و کۆمپیوتەرەکانەوە دەبەسترێتەوە لە ڕێگەی یوو ئێس بی و کێبڵی تر.