خالید عەزیزی

لە ئینسایکڵۆپیدیای ئازادی ویکیپیدیاوە
Jump to navigation Jump to search
خالید عەزیزی
لەدایکبوون١٩٦٠
شنۆ، ڕۆژھەڵاتی کوردستان
نەتەوە کوردستان
پەروەردەدەرچووی زانستە سیاسییەکان
حیزبی سیاسیحیزبی دیموکراتی کوردستان
وێبگە
کوردستان و کورد

خالید عەزیزی کەسایەتیی سیاسیی کورد و سکرتێری گشتیی حیزبی دێموکراتی کوردستانە. ناوبراو دوای لەتبوونی حیزبی دێموکرات لە ساڵی ٢٠٠٦دا وەک کەسایەتی دەرکەوت و پاشان لە یەکەم کۆنگرەی حدک وەک سکرتێری گشتیی ئەو حیزبە ھەڵبژێردرا کە بە ژمارە کۆنگرەی چاردەھەم بوو و لەو ساتە بەدواوە لە کۆنگرەکانی ١٤، ١٥، ١٦ و ١٧ وەک سکرتێر بەردەوام بووە، ماوەیەکی کاتی دوای کۆنگرەی ١٦ بەناوی پاراستنی پڕۆسەی دێموکراسی، وازی لە پۆستی سکرتێری ھێنا و مسەتەفا مەولوودی لە جێگەی ئەو وەکوو سکرتێر دەستنیشان کرا، بەڵام دوای ماوەیەک و لە کۆنگرەی ١٧ی ئەم حیزبە خۆی بۆ سکرتێری پاڵاوتەوە. پێش ساڵی ٢٠٠٦ ناوبراو وەک بەرپرسی پەیوەندییە نێونەتەوەییەکانی حیزبی دێموکرات لە وڵاتە یەکگرتووەکانی ئەمریکا و ھەروەھا چەند وڵاتی ئەورووپایی چالاکیی دەکرد.[١][٢]

لۆگۆی حیزبی دێموکراتی کوردستان

شوێنی لەدایکبوون[دەستکاری]

خالید عەزیزی کوڕی ڕەحمان لە ساڵی ١٩٦٠ی زایینی لە گوندی ئاڵیاوێ نێوان شارەکانی شنۆ و نەغەدە لە دایکبووە.[١]

ئاستی خوێندن[دەستکاری]

خالید عەزیزی خوێندنی ماستەری لە بەشی زانستە سیاسییەکان لە دەرەوەی وڵات تەواو کردووە.[١]

ژیانی سیاسی[دەستکاری]

خالید عەزیزی لە سەرەتای لاوێتی و لە دەستپێکی شۆڕشی ١٩٧٩ی گەلانی ئێران تێکەڵ بە ڕیزی تێکۆشەرانی کورد بووە و تا ئێستا پۆستی جۆراوجۆری لەناو حیزبی دێموکراتدا بەڕێوەبردووە. پێش ئەوەی وەکوو سکرتێری گشتیی حیزبی دێموکراتی کوردستان ھەڵبژێردرێ، بەر لە ساڵی ٢٠٠٦ بەرپرسی پەیوەندییە نێونەتەوەییەکانی حیزبی دێموکرات بووە. دوای تەواو بوونی دەورەی سکرتێریی عەبدوڵڵا حەسەنزادە و دەستپێکی کێشە ناوخۆییەکانی حیزبی دێموکرات لە دوای کۆنگرەی ١٣ کە بووە ھۆی لەتبوونی ئەو حیزبە لە ساڵی ٢٠٠٦ دا، ناوبراو لە کۆنگرەی ١٤ی حیزبی دێموکراتی کوردستاندا توانی دەنگی متمانەی زۆرینەی کۆنگرە بۆ لای خۆی ڕابکێشێ و سەرەتا تا ٢ ساڵ وەک ڕاوێژکاری دەفتەری سیاسی و دواتر وەک سکرتێری گشتی دەستنیشان بکرێ. ھەروەھا لە کۆنگرەکانی ١٥ و ١٦ ئەو حیزبەش توانی ھەمان دەنگی متمانەی زۆرینەی کۆنگرە وەدەست بێنێ و لە ھەمان پۆست دا بمێنێتەوە. ناوبراو لە نێوان ئەنداما و لایەنگرای حیزبی دێموکرات و ھەروەھا چاودێرانی سیاسی بە کەسێکی نوێخواز ناسراوە. چەند مانگ دوای کۆنگرەی ١٦ی حدک وازی لە پۆستی سکرتێری ھێنا و لە ١٥ی ژانویەی ٢٠١٧ مستەفا مەولوودی لە لایەن کۆمیتەی ناوەندی بە سکرتێری حدک دیاری کرا.[٣] کۆنگرەی ١٧ی حیزبی دێموکڕات لە ١١ی تشرینی دووەمی ٢٠١٩ (٢٠ی خەزەڵوەری ١٣٩٨ی ھەتاوی) دووبارە خالید عەزیزی وەکوو سکرتێری ئەو حیزبە ھەڵبژاردەوە.[٤]

سەرچاوەکان[دەستکاری]

  1. ^ ی ا ب http://rudaw.net/sorani/onair/tv/episodes/episode/rudawy_emro_13012016
  2. ^ http://fa.kurdistanukurd.com/files/barnmeasasnameFA..pdf
  3. ^ http://www.kurdistanukurd.com/?p=2582
  4. ^ [کوردستان و کورد "http://www.kurdistanukurd.com/?p=46439"] لە بەھای |url= دڵنیا ببەرەوە (یارمەتی). 16/11/2019. لە ڕێکەوتی 18/11/2019 ھێنراوە.  بەستەرە دەرەکییەکان لە |title= (یارمەتی)

پەسندکراوی کۆنگرەکانی ١٤، ١٥ و ١٦

http://fa.kurdistanukurd.com/files/barnmeasasnameFA..pdf

http://fa.kurdistanukurd.com/files/barnmeasasnameFA.pdf

http://fa.kurdistanukurd.com/files/asnad1.pdf

http://fa.kurdistanukurd.com/files/asasnama.kdp_.pdf

http://www.bbc.com/persian/tv/2010/03/100301_l42_hardtalk_azizi.shtml

http://rudaw.net/sorani/kurdistan/100220167

http://www.kurdistanukurd.com/?p=2582

http://rudaw.net/sorani/onair/tv/episodes/episode/rudawy_emro_13012016