حسێن نازم

لە ئینسایکڵۆپیدیای ئازادی ویکیپیدیاوە
Jump to navigation Jump to search


حسێن نازم ١٨٧٠-٦\٥\١٩٣٢

حسێن نازم-ی مێژوونووس‌و رۆژنامەنووس، کوڕی‌ عەبدولفەتاح کوڕی‌ وەستا ئەحمەدی‌ باش خەیات بووە، برازای‌ (ئەمین موفتی‌) شاعیر بووە، ساڵی‌ ١٨٧٠ لە ‌شاری‌ سلێمانی‌ لەگەڕەکی‌ گۆیژه‌ لەدایکبووە. لەتەمەنی‌ شەش ساڵیدا لای‌ خواجە ئەفەندی‌ خراوەتە بەر خوێندن. لە ‌شوباتی‌ ١٩٢١ دا کراوە بە بەڕێوەبەری‌ ناحیەی‌ مەرگه‌، پاشان گوێزراوەتەوە بۆ (ماوەت) و بووە بە بەڕێوەبەری‌ ناحیه. لە ٢٠/ ٩/ ١٩٢٣ کە لە ‌شاری‌ سلێمانی‌ رۆژنامەی‌ (ئومێدی‌ ئیستقلال) دەرکرا، لەژمارە ١٥وە ھەتا دوا ژمارەی‌ کە ‌(ژمارە ٢٥)بوو حسێن نازم سەرنووسەرو بەڕێوەبەری‌ بووە. کتێبخانە گەورەکەی‌ حسێن نازم رۆڵی‌ گەورەی‌ بینیوە لە رۆشنبیرکردن‌و پیگەیاندنی دەیان نووسەرو رووناکبیردا، بۆ نموونە‌ رەشید نەجیب ھەر لەڕێی‌ خوێندنەوە‌ی ئەو کتێبخانەیەوە شارەزاییەکی‌ تەواوی‌ لەزمانەکانی‌ عەرەبی، فارسی، کوردی‌ و ئینگلیزی‌ دا پەیداکردووە.

لە ‌کۆتایی‌ ساڵی‌ ١٩٢٩ دا بووە سەرنووسەری‌ رۆژنامەی‌ (ژیان) ھەتاوەکو ئەو دەمەی‌ لە ٦\٥\١٩٣٢ دا کۆچیدوایی‌ کرد.

سەرچاوە: کوردسات[بەستەری مردوو]