تۆیۆتا

لە ئینسایکڵۆپیدیای ئازادی ویکیپیدیاوە
Jump to navigation Jump to search
Toyota carlogo.svg
بارەگاى سەرەکى کۆمپانیا

تۆیۆتا بۆ بزوێنەر Toyota Motor Corporation یان TMC، یەکێکە لە کۆمپانیا گەورەکان بۆ بەرھەمھێنانی ئۆتۆمبیل. بنکەی سەرەکی دەکەوێتە شاری "تۆیۆتا" لە وڵاتی ژاپۆن، کۆمپانیاکە جگە لە دروستکردنی ئۆتۆمبیل ھەڵدەستێ بە دروستکردنی پاس، تۆیۆتا لەسەر ئاستی کۆمپانیاکانی ژاپۆن یەکەم کۆمپانیایە لە ڕووی زۆری بەرھەمھێنانی ئۆتۆمۆبیلەوە، و ھەروەھا لە ساڵی ٢٠١٣ بوو بە یەکەم کۆمپانیای بەرھەمھێنانی ئۆتۆمبیل بە جیاوازی ٢٧٠٬٠٠٠ ئۆتۆمۆبیل پێش جێنڕاڵ مۆتۆرزی ئەمریکی کەوت، لە سەرەتای کارکردنەیەوە کۆمپانیاکە دەستی بە بەرھەمھێنانی ئۆتۆمبیل کردووە تاوەکو ئێستا زۆرترین فرۆشی لە جۆری ئۆتۆمبیلی کۆرۆلایە زۆرترین ئۆتۆمبیلیشە کە بۆ جیھان ڕەوانەی دەکات کە تاوەکو ئێستا زیاتر لە ٤١ میلیۆن دانەی لێ فرۆشراوە.

مێژوو[دەستکاری]

یەکێک لەبەرھەمەکانى

کیتشیرۆ تۆیۆتا لەساڵی ١٩٣٣ ئەم کارگەیەی دامەزراند، کەخۆی تازە لە ئەمریکا گەرابوەوە و کۆنە کارگەیەکی باوکی ھەڵبژارد وەکو وەرشەیەک بۆ دروستکردنی ئۆتۆمبیل، تا لە ساڵی ١٩٣٥ توانی یەکەم نموونە ئامادە بکات، لەو کاتە بەھۆی بوونی جەنگی دووەمی جیھانی. حکومەتی ژاپۆن داوای لەو کۆمپانیایە کرد کە بۆ ھێزەکانی ژاپۆن جێب و بارھەڵگر دروست بکات، دوای جەنگیش کۆمپانیاکە دوبارە دەستی کردەوە بە بنیاد نانەوھی خۆی، بەڵام لە ساڵی ١٩٤٧ کێشەیەکی گەورە بەسەر کۆمپانیا ھات. لەبەر ئەوەی قەرزەکان ھەمووی بەسەر یەک کۆ ببونەوە و خاوەنەکەی توانای نەبوو لەبەر ئەم قەرزانە مانگانەی کرێکارەکان بدات بۆیە لە دوایی "تۆیۆتا" وازی لە بەرێوەبەرایەتی کۆمپانیا ھێنا.

رۆحێکی نوێ بۆ کۆمپانیا[دەستکاری]

"ئیجی تویودا" و "شوئیتشی سائیتو" دوای "تۆیۆتا" ھەڵسان بە گرتنە دەستی بەرێوەبەرایەتی کۆمپانیاکە، ئەم بەرێوەبەرانە سەرەتا ھەڵسان بە کرینی یەکەی دروستکردنی نوێ بۆ ئامادەکردنی ئۆتۆمبیل لە کاتی ویستراو، ئەم دوو بەرێوەبەرە نوێیە ھەڵسان بە دانانی پلان بۆ داھاتی کۆمپانیا بەوەی پارچە و کەرستەی خاویان ھەڵدەگرت بۆ بەکارھێنانی لە کاتی تەنگانە، ئەوەبوو کۆمپانیا بەسەرکەوتویی لە ساڵی پەنجاکان کۆمەڵێک نمونەی ئامادە کرد ناودارترینیان "لاند کروزەر ١٩٥١" ی چوار پاڵنەر و "کراون ١٩٥٥" و "کرونا ١٩٥٧". لە ساڵانی شەستەکان کۆمپانیا ھەستا بە دروستکرنی کۆمپانیای زیاتر بۆ ئامادە کردنی داواکاریە زۆرەکانی، شایەنی باسە ئۆتۆمبیلی "کرۆڵا" رەواجێکی یەکجار زۆری لەسەر بوو کاتیک لە ساڵی ١٩٦٦ بەرھەم ھات. تا وایلێھات ساڵی ١٩٧٠ تۆیۆتا بوو بە چوارەم کۆمپانیای جیھانی بۆ ئۆتۆمبیڵ.

سیاسەتی نوێ[دەستکاری]

دوای گەشەکردنی زیاتری کۆمپانیاکە، گٶراکاری زۆۆر لەبورای ئۆتۆمۆبیل ڕوویاندا، چونکە وڵاتی ژاپۆن توانی بۆ یەکەم جار بەسەر وڵاتە یەکگرتوەکان سەرکەوێت، بۆ ئەوەی ببێتە خاوەنی یەکەمین کۆمپانیا لە جیھان لەڕووی زۆۆری ڕێژەی فرۆشی بەرھەمەکانیکە بوو ٢م کۆمپانیا دوای کۆمپانیای "جنراڵ مۆتۆرزی " ئەمەریکی ھەڵسا بە بەستنی ھاوپەیمانی لەگەڵی بۆ دروست کردنی یەکەی نوێ لە شاری ("لکسنتن"Lexington) لە ولایەتی کنتکی (Kentucky). دوای تێپەر بونی دەساڵ کۆمپانیا توانی زیاتر لە ٦٫٥ میلیۆن دۆلار تەنھا لە باکوری ئەمەریکا بەدەست بێنێت. دوای ساڵی ٢٠٠١ کۆمپانیا توانی %١٠ ی بازاری قارەکە بۆخۆی ببات ئیشتا ڕێژەی درووستکردنی ئۆتۆمۆبیلەکانی دەگاتە ٦ ئۆتۆمبیل لە ھەر چرکەیەک، وە ژمارەی کارمەندانی دەگاتە ٢٩٩، ٢٩٤ لە ١٧٠ وڵاتی جیھان.