ئەفسانەی کۆرا

لە ئینسایکڵۆپیدیای ئازادی ویکیپیدیاوە

ئەفسانەی کۆرا (بە ئینگلیزی: The Legend of Korra؛ کورت دەکرێتەوە بۆ: TLOK) یان ئەڤەتار: ئەفسانەی کۆرا، یان ھەر بە سادەیی کۆرا، زنجیرەیەکی ئەنیمەیشنی سەرکێشی خەیاڵیی ئەمریکییە کە لەلایەن مایکڵ دانتێ دیمارتینۆ و برایان کۆنێتزکۆ دروست کراوە لەسەر نمایشی کۆمپانیای نیکلۆدیۆن. درێژەی چیرۆکی زنجیرەی تەلەڤیزیۆنی (ئەڤەتار: دوایین ملکەچپێکەری ھەوا)یە کە لە ساڵی ٢٠٠٥ تا ٢٠٠٨ پەخشکرا. زنجیرەکە لە چوار وەرز و ٥٢ ئەڵقەی گشتی پێکدێت، ھەر وەرزێکیش بە پەڕتووکێکی ناوەڕۆکی چیرۆکی زنجیرەکە جیاکراوەتەوە. لە ١٤ی نیسانی ساڵی ٢٠١٢، تا ١٩ی کانوونی دووەمی ٢٠١٤ بە پەخشی تەلەڤیزیۆنی و بڵاوکراوەی کتێبی کۆمیک بەردەوام بوو.[١][٢]

ئەفسانەی کۆرا
چەشن
ئاکشن/سەرکێشی

خەیاڵی، کۆمیدی‒دراما

دانەر
برایان کۆنێتزکۆ

مایکڵ دانتێ دیمارتینۆ

نووسەر
مایکڵ دانتێ دیمارتینۆ

برایان کۆنێتزکۆ

دەرھێنەر
وڵاتی بەرھەمھێنەرویلایەتە یەکگرتووەکانی ئەمریکا
زمانئینگلیزی
ژمارەی وەرزەکان٤
ژمارەی ئەڵقەکان٥٢
کۆمپانیای بەرھەمھێنەرنیکلۆدیۆن
پەخش
تۆڕنیکلۆدیۆن
بڵاوبوونەوەی ڕەسەن١٤ی نیسانی ٢٠١٢ بۆ ١٩ی کانوونی دووەمی ٢٠١٤
ڕیزبەندی کاتی
بەرنامە پەیوەندیدارەکانئەڤەتار: دوایین ملکەچپێکەری ھەوا

چیرۆکی زنجیرەکە درێژەپێدەری چیرۆکی پێش خۆیەتی،[٣][٤] لە گەردوونێکی خەیاڵی کە تێیدا کەسە ملکەچێکەرەکان لە ھەر چوار نەتەوە جیاوازەکە (ئاو، ئاگر، زەوی (خاک)، ھەوا)[٥] دەتوانن دەستکاری توخمەکان بکەن و کۆنتڕۆڵیان بکەن، تاکە کەسیش کە بتوانێت سەرجەم توخمەکان کۆنتڕۆڵ بکات ئەڤەتارە، کە بەرپرسیارە لە ڕاگرتنی ھاوسەنگی ھەردوو جیھانی ڕۆحی و فیزیکی و ئەرکی ھێنانەدی ئاشتییە بۆ جیھانەکە.[٦] زنجیرەکە بە کۆرا دەست پێدەکات کە تازە بە ئەڤەتاری نوێ ناسراوە، لەکاتێکدا جیھان لە پێشکەوتندایە و لەناو سەدەی پیشەسازیدا ھەنگاو دەنێت، بۆیە کۆرا ڕووبەڕووی ململانێی ھەردوو جیھانەکە دەبێتەوە و ئەرکەکەی قورس دەبێت.[٧][٨]

ناوەڕۆکی زنجیرەکە[دەستکاری]

چیرۆکی ئەفسانەی کۆرا لە ھەمان جیھانی خەیاڵی زنجیرەی ئەڤەتار: دوایین ملکەچپێکەری ھەوا ڕوودەدات، دوای ٧٠ ساڵ لە ڕووداوەکانی ئەو زنجیرەیەیە. خەڵکی ئەم جیھانە سەر بە چوار نەتەوەن: ھۆزەکانی ئاو(باکوور و باشوور)، شانشینی زەوی، نەتەوەی ئاگر و ڕەوەندی ھەوا(نەتەوەی ھەوا). جیاکەرەوەی کارەکتەرەکانی نێو زنجیرەکە ملکەچپێکردنە.[٩][١٠]

پەڕتووک/وەرزەکان ناو ژمارەی ئەڵقەکان
١ ھەوا ١٢
٢ ڕۆحەکان ١٤
٣ گۆڕان ١٣
٤ ھاوسەنگی ١٣

دەستپێکی وەرزی یەکەمی زنجیرەکە زیاتر لە شاری کۆمار کە پایتەختی کۆماری نەتەوە یەکگرتووەکانە، دەوڵەتێکی نوێی سەربەخۆی فرە کولتورییە و لەلایەن ئەڤەتار ئانگەوە دامەزراوە.[١١][١٢] دیدگای ئەم شارە گەورەیەی نێو زنجیرەکە لە ساڵانی ١٩٢٠ وەرگیراوە. گەشەسەندنی خێرای تەکنەلۆژیا لە شارەکەدا، وای کردووە ملکەچپێکردنی توخمەکان و ھونەرە جەنگییەکان چیتر گرنگی نەمێنێت لای خەڵکی و ئاسایی ببێتەوە. چونکە بەشێک لە خەڵکی شارەکە پێیان وایە ملکەچپێکەرەکان، ملکەچپێکردن بۆ ئەنجامدانی تاوان و خراپەکاری بەکاردەھێندرێت.[١٣][١٤][١٥]

وەرزەکان (بەپێی پەڕتووک)[دەستکاری]

پەڕتووکی یەکەم: ھەوا[دەستکاری]

وتاری سەرەکی: ئەفسانەی کۆرا (وەرزی یەکەم)

کۆرا، ئەڤەتاری دوای ئانگ، پێویستە ھاوشێوەی سەرجەم ئەڤەتارەکانی پێشوو شارەزایی لە سەرجەم توخمەکان پەیدا بکات، لەکاتێکدا مامەڵە لەگەڵ گێژاوێکی سیاسی دەکات لە شاری کۆمار، کە شارێکی گەورەی جەنجاڵە، کۆرا ڕووبەڕووی ئامون دەبێتەوە کە ملکەچپێکەرێکی ئاوی بەھێزە و دەشتوانێت وزە ملکەچ پێبکات و ھێزی ملکەچپێکردنی بەرامبەر بەرێت،[١٦] ئامون داوای یەکسانی دەکات لە شاری کۆمار و دەیەوێت سەرجەم ملکەچپێکەرەکان توانای ملکەچپێکردنیان لێ بسەندرێتەوە، چونکە ملکەچپێکردن بە ئاژاوەی جیھان دەزانێت.[١٧][١٨]

پەڕتووکی دووەم: ڕۆحەکان[دەستکاری]

وتاری سەرەکی: ئەفسانەی کۆرا (وەرزی دووەم)

درزێک لە نێوان جیھانی فیزیکی و ڕۆحیدا دەکرێتەوە، کە ڕێگە بە ڕۆحە مەترسیدارەکان دەدات بچنە ناو جیھانی مرۆڤەکانەوە. کۆرا دەبێت لەگەڵ ھاوڕێکانی و کوڕی ئانگ کار بکات بۆ داخستنی درزەکە و گەڕاندنەوەی ھاوسەنگی نێوان ھەردوو جیھانەکە.[١٩][٢٠][٢١]

پەڕتووکی سێیەم: گۆڕانکاری[دەستکاری]

وتاری سەرەکی: ئەفسانەی کۆرا (وەرزی سێیەم)

شوێنکەوتوانی ئامون کە بە یەکسانیخوازەکان ناسرابوون (یاخود Red Lotus)[٢٢] بەردەوامن لە ھەڵمەتەکەیان دژی ملکەچپێکەرانی جیھان، کە ئێستا زاھیر سەرکردایەتی ئەو کۆمەڵەیە دەکات، زاھیر ملکەچپێکەرێکی ھەوای لێھاتووە و باوەڕی بە حوکمی ئەنارکیزم ھەیە.[٢٣] کۆرا دووبارە دەبێت ڕووبەڕووی ببێتەوە و ڕێگەیەک بدۆزێتەوە بۆ ھاوسەنگکردنی جیھان و ئەرکەکانی وەک ئەڤەتار جێبەجێ بکات.[٢٤]

پەڕتووکی چوارەم: ھاوسەنگی[دەستکاری]

وتاری سەرەکی: ئەفسانەی کۆرا (وەرزی چوارەم)

دوای بەریەککەوتن و ململانێیەکەی لەگەڵ زاھیر، کۆرا ژەھراوی دەبێت و دەچێتە ناو کۆمایەکی درێژخایەن. لەکاتێکدا کە بێ ھۆشە، جیھان ڕووبەڕووی ھەڕەشەی نوێ دەبێتەوە، لەوانە ھاتنە سەر دەسەڵاتی کوڤێرا، کە ملکەچپێکەرێکی بەھێزی خاک و ئاسنە و ھەوڵدەدات شانشینی زەوی لەژێر دەسەڵاتی ئەودا یەکبخاتەوە. کۆرا دەبێت بەئاگا بێتەوە و خۆی یەکبخاتەوە و ھاوسەنگی بۆ جیھان بگەڕێنێتەوە.[٢٥]

سەرچاوەکان[دەستکاری]

  1. ^ Farley, Christopher John (2010-07-21). "'Legend of Korra': The 'Avatar' Creators on the New Spinoff". Wall Street Journal (بە ئینگلیزی). ISSN 0099-9660. Retrieved 2023-12-05.
  2. ^ "I'm a match to Korra from The Legend of Korra". www.charactour.com (بە ئینگلیزی). Retrieved 2023-12-05.
  3. ^ Hood, Cooper (2020-06-19). "The Avatar: The Last Airbender & Legend of Korra Timeline Explained". ScreenRant (بە ئینگلیزی). Retrieved 2023-12-05.
  4. ^ "Avatar State Post Harmonic Convergence ATLA and TLOK question". VS Battles Wiki Forum (بە ئینگلیزی). 2021-11-13. Retrieved 2023-12-05.
  5. ^ "Bending arts". Avatar Wiki (بە ئینگلیزی). Retrieved 2023-12-05.
  6. ^ "The Facts Prove 'The Legend of Korra' Is Practically a Miracle". Observer. 2020-08-11. Retrieved 2023-12-05.
  7. ^ "bryan konietzko". Tumblr (بە ئینگلیزی). Retrieved 2023-12-05.
  8. ^ "Avatar: The Four Elements". Avatar: The Four Elements (بە ھیندی). Retrieved 2023-12-05.
  9. ^ Romano, Aja (2020-08-13). "Legend of Korra's messy, complicated legacy". Vox (بە ئینگلیزی). Retrieved 2023-12-05.
  10. ^ Haylock, Jackson McHenry, Zoe (2020-08-13). "The Legend of Korra Is Coming to Netflix, Time for Us to Discuss". Vulture (بە ئینگلیزی). Retrieved 2023-12-05.
  11. ^ "Politics and Privilege in The Legend of Korra". the-artifice.com (بە ئینگلیزی). 2013-07-15. Retrieved 2023-12-05.
  12. ^ Soprunova, Alice. "The Reactionary Politics of 'The Legend of Korra'". The Beachcomber. Retrieved 2023-12-05.
  13. ^ "'Avatar: The Search' was pitched as a movie by Mike DiMartino, but Nick opted for 'Korra' Book 2: Hypable" (بە ئینگلیزی). Retrieved 2023-12-05.
  14. ^ Stewart, Brenton (2020-09-21). "Avatar: Legend of Korra Was Never Afraid to Get Political". CBR (بە ئینگلیزی). Retrieved 2023-12-05.
  15. ^ "Politics and Privilege in The Legend of Korra". the-artifice.com (بە ئینگلیزی). 2013-07-15. Retrieved 2023-12-05.
  16. ^ Nolan, Liam (2020-08-17). "VIDEO: Everything You Need To Know About The Legend of Korra Season 1". CBR (بە ئینگلیزی). Retrieved 2023-12-05.
  17. ^ "Book One: Air". Avatar Wiki (بە ئینگلیزی). Retrieved 2023-12-05.
  18. ^ "Fun Facts About Legend of Korra (Book 1) | Avatar Amino". Avatar | aminoapps.com. Retrieved 2023-12-05.
  19. ^ "Book 2 of Korra is Better Than Book 1". www.thefandomentals.com (بە ئینگلیزی). 2020-08-11. Retrieved 2023-12-05.
  20. ^ "Book Two: Spirits". Avatar Wiki (بە ئینگلیزی). Retrieved 2023-12-05.
  21. ^ "Book Two: Spirits". The legend of korra Wiki (بە ئینگلیزی). Retrieved 2023-12-05.
  22. ^ SengalBoy (2014-08-27). "The Legend of Korra Book 3 Chapter 1: A New Era". SengalBoy (بە ئینگلیزی). Retrieved 2023-12-05.
  23. ^ French, Sawyer Martin (2020-09-11). "The Legend of Korra's Zaheer and the Dark Fantasies of the War on Terror". Maydan (بە ئینگلیزی). Retrieved 2023-12-05.
  24. ^ Thurm, Eric. "With Its Knockout Third Season, "The Legend of Korra" Takes the "Avatar" Franchise to Another Level". Complex (بە ئینگلیزی). Retrieved 2023-12-05.
  25. ^ "Book Review: The Legend of Korra: Book 1 – Air, The Art of the Animated Series | Parka Blogs". www.parkablogs.com. Retrieved 2023-12-05.
وەرگیراو لە «https://ckb.wikipedia.org/w/index.php?title=ئەفسانەی_کۆرا&oldid=1188690»