ئەفسانەی کۆرا (وەرزی چوارەم)

ئەفسانەی کۆرا (وەرزی چوارەم)
وڵاتی بنەڕەت	ویلایەتە یەکگرتووەکان
ژ.ی ئەڵقەکان	١٣
بڵاوکردنەوە
تۆڕ	نیکلۆدیۆن
بڵاوبوونەوەی ڕەسەن	٣ی تشرینی یەکەمی ٢٠١٤ (2014-10-03) – ١٩ی کانوونی یەکەمی ٢٠١٤ (2014-12-19)
کاتزانیی وەرز

پەڕتووکی چوارەم: ھاوسەنگی وەرزی چوارەم و کۆتایی زنجیرەی تەلەڤیزیۆنی ئەفسانەی کۆرایە لە نووسینی و دروستکردنی مایکڵ دانتێ دیمارتینۆ و برایان کۆنێتزکۆیە. پێکھاتووە لە ١٣ ئەڵقە، ئەڵقەکان لە ماڵپەڕی نیکلۆدیۆن و ماڵپەڕە ئۆنلاینەکانی تر لە ٣ی تشرینی یەکەمی ٢٠١٤ەوە دەستی بە پەخشکردن کرد.

پەڕتووکی چوارەم لە وەرزی چوارەم، دەربارەی سێ ساڵ دوای ڕووداوەکانی پەڕتووکی سێیەمە. باس لە کۆتا گەشتی ئەڤەتار کۆرا دەکات بۆ خۆ دۆزینەوە و دووبارە خۆ ڕێکخستنەوەی و گەڕاندنەوەی ھاوسەنگی بۆ جیھانەکە، دوای ئەوەی ڕووبەڕووی ململانێیەکی سەخت بووەوە بەرامبەر زاھیر و ژەھراویبوونی لە پەڕتووکی سێیەم، لەم نێوەندەشدا باس لە ھەوڵی ئەفسەری پۆلیسی شاری کانزا، کوڤیرا دەکات بۆ یەکخستنەوەی شانشینی زەوی لە ژێر سەرکردایەتییە تاکڕەوییەکەی خۆیدا.

چیرۆکی پەڕتووکی چوارەم

دوای سێ ساڵ لە نەمانی کۆمەڵەی ئەنارکیستی بە سەرکردایەتیی زاھیر، شاری کۆمار قۆناغێکی نوێی لەگەڵ جیھانی ڕۆحەکاندا پێک ھێنا. بەڵام کۆرا ھێشتا لە ئازار و ژەھراویبوونی ڕووبەڕوو بوونەوەکەی زاھیردا ماوە، شانشینی زەویش کە بەھۆی مردنی شاژنی پێشوو کەوتووەتە نێو گێژاو و ململانێی سیاسی و پارچە پارچەبوونی ھەرێمەکانی شانشینەکە.

کوڤیرا، سەرکردەیەکی سەربازی پێشووی شاری کانزا بوو و ئێستا ڕاسپێردراوە بۆ یەکخستنەوەی شانشینی زەوی، بەڵام کوڤیرا دەیەوێت لەو ڕێگەیەوە دەسەڵات بەدەست بھێنێت و شانشینی زەوی بخاتە ژێر کۆنتڕۆڵی خۆیەوە.

بۆڵین و ئۆپاڵ لە بەرەکانی پێشەوەی ھەڵمەتی کوڤیرادان بۆ پێکەوە بەستنی شانشینەکە. کاتێک کۆرا بە کارە نایاساییەکانیی کوڤیرا دەزانێت، دەیەوێت خۆی چاک بکاتەوە و ھێزی ئەڤەتاری بۆ بگەڕێتەوە، لەلایەن ڕۆحێکی ڕێ نیشاندەرەوە بەرەو لای تۆف بیفۆنگ ڕێنمایی دەکرێت، تۆف کە ئێستا بەساڵاچووە و ژیانێکی گۆشەگیرانەی ھەیە دوور لە شارستانی و کچەکانی خۆی، دەبێتە یارمەتیدەری ئەڤەتار کۆرا.

ڤاریک کە ئێستا سەرمایەدارێکی پیشەسازی سەرکەوتووە، کەرەستە تەکنەلۆژیاییەکانی خۆی بۆ خزمەتی ڕژێمەکەی کوڤیرا تەرخان کردووە. لەم ڕێگەیەوە کوڤیرا ئامێرێکی ڕۆحیی ھاوشێوەی ڕۆبۆت پەرە پێدەدات، و ھەڵمەتی ھێرشکردنە سەر شاری کۆمار ڕادەگەیەنێت.

دوای شەڕ و ڕووبەڕوو بوونەوەکان بەرامبەر کوڤیرا، کۆرا و تیمی ئەڤەتار بە یارمەتیی ھێزە یەکگرتووەکان، دەتوانن کوڤیرا بوەستێنن و ئامێرە ڕۆحیەکەی تێک بشکێنن؛ ھەروەھا دەروازەیەکی نوێی جیھانی ڕۆحەکان لە شاری کۆمار دەکرێتەوە و ئەم وەرزەی زنجیرەکە دەبێتە کۆتایی زنجیرەی ئەفسانەی کۆرا.

ھەڵسەنگاندن

ھاوشێوەی وەرزی سێیەمی زنجیرەکە، وەرزی کۆتایی ١٠٠٪ ڕیزبەندی وەرگرتووە لەسەر کۆکەرەوەی پێداچوونەوەکانیی ڕاتن تۆمەیتۆز بە تێکڕای ڕیزبەندی ٩/١٠.

ئەمانەش ببینە

• ئەفسانەی کۆرا