ئەحمەد قازی

ئەحمەد قازی
لەدایکبوون	١٩٣٦ مەھاباد
مەرگ	٧ پووشپەڕ ٢٠١٥ تاران
شوێنی دۆزینەی تەرم	مەھاباد
نەتەوە	کورد
پیشە	نووسەر، وەرگێڕ و ڕۆژنامەنووس
ئایین	ئیسلام، سوننە
خزمەکان	قازی محەممەد و محەممەد قازی

ئەحمەد قازی (٢٨ی حوزەیرانی ١٩٣٦ – ٧ی حوزەیرانی ٢٠١٥) نووسەر و وەرگێڕێکی کورد بوو. لە ساڵی ١٩٣٦ لە مەھاباد لەدایکبوو. بڕوانامەی بەکالۆریۆسی لە ئینگلیزی لە پەیمانگەی باڵای زمانەکانی تاران لە ١٩٥٨ وەرگرت. و لە حەفتاکانی سەدەی بیستەمدا ڕۆڵێکی چالاکی لە خەباتەکانی ڕۆژھەڵاتی کوردستان بۆ سەروەریی ڕامیاری گێڕا، کە بەو ھۆیەوە بۆ ماوەی چوار ساڵ لەژێر دەسەڵاتی شا زیندانی کرا. دوای شۆڕشی ئێرانی لە ١٩٧٩، توانی بەرھەمە وێژەیی و مێژووییەکان بە ھەردوو کوردی و فارسی بنووسێت و وەربگێڕێت. لە ١٩٨٦–٢٠٠٦ سەرنووسەری «سرووە» بوو، کە گۆڤارێکی کولتووری و وێژەیی باوی ئەو کاتە بوو بە کوردی. ھەروەھا ئەندامێکی ھەڵبژێردراوی ئەکادیمیای زمانی کوردی لە ئێران بوو.

بەرھەمەکان

1. دۆن کیشۆت، وەرگێڕانی ڕۆمانی سێرڤانتێس، ٢ بەرگ، ٢٠٠٨
2. دوانەی سەیر و سەمەرە، وەرگێڕانی ڕۆمانی ماڕک تواین، ١٩٩٠
3. کتک و مشک، وەرگێڕانی چیرۆکەشێعرێکی عوبەید زاکانی بە شێعر، ١٩٨١
4. نسل اژدھا، وەرگێڕانی ڕۆمانی پێرل باک بۆ فارسی، ١٩٩٢
5. کلیلە و دێمنە، وەرگێڕانی کتێبی کلیلە و دمنەی فارسی، ٢٠١٥
6. ڕێزمانی کوردی بە دوو زمانی کوردی و فارسی، دەزگای چاپی سەلاحەددین، ورمێ، ١٩٨٨

ئەمانەش ببینە

• پێڕستی کەسایەتییە کوردەکان