ئانجل
ئەنجل ڤان لاکن بانگدەکرێ بە ئانجلێ (بە فەڕەنسی: Angèle Van Laeken [ɑ̃ʒɛl [vɑn ˈlaːkə(n)])، (لەدایکبووی ٣ی کانوونی یەکەم ١٩٩٥) گۆرانیبێژ و نووسەری گۆرانی، مۆسیقاژەن، پیانۆژەن، بەرھەمھێنەرێکی بەلجیکییە.
ئانجل | |
|---|---|
 ئانجل کان ٢٠٢٢ | |
| لەدایکبوون | ئانجل خۆسێفین ئایمێ ڤان لایکن ٣ی کانوونی یەکەمی ١٩٩٥ |
| نەتەوە | بەلجیکی، فەڕەنسی |
| باوان |
|
| خزمەکان | ڕۆمیۆ ئێڵس(برا) |
یەکێک بوو لە باسکراوترینەکانی ساڵی ٢٠١٨ لە پۆپی فەڕەنسی و بەلجیکی، لەسەر شاشەی تەلەڤیزیۆن و یووتیووبی بەلجیکا بە گۆرانی "Tout oublier"ی ساڵی ٢٠١٨ بەھاوبەشی براکەی ڕۆمیۆ ئێڵس بڵاویکردەوە.[١][٢]
ژیاننامە
[دەستکاری]لە ٣ی کانوونی یەکەمی ١٩٩٥ لە شارۆچکەی ئوکڵ لە بروکسێل، بەلجیکا لەدایکبووە. باوکی لە تەمەنێکی زووەوە ھانی داوە فێری پیانۆ بێت.[٣] ئانجل تەمەنی هەرزەکاری زۆر بە سەختی تێپەڕاندووە لە قوتابخانەیەکی کاسۆلیکی توند. دوای گواستنەوەی بۆ قوتابخانەیەکی ئامادەیی، بژاردەی هونەری لەم قوتابخانەی ئامادەییەدا یارمەتیدەر بوو بۆ پەرەپێدانی تواناکانی لە مۆسیقادا.[٤] پاشان لە ستۆدیۆی جاز ئەنتەراب خۆی تۆمارکرد بۆ خوێندنی جاز پێش ئەوەی بچێتە ناو گروپەکەی باوکیەوە.[٥]
ئانجل یەکەمین دەرکەوتنی لە قاوەخانەکانی دەوروبەری شاری بروکسێل بوو. لە ساڵی ٢٠١٧، بە پاڵپشتی ئیبای و ڕاپخوێنێکی بەلجیکی، دامسۆ، ئەلبومەکەی بەناوی Lithopédion بڵاوکردەوە. یەکەم تاک گۆرانی خۆی "La Loi de Murphy"، لە کۆتاییەکانی ساڵی ٢٠١٧ بڵاوکردەوە و ملیۆنان بینەری لە یوتیوب کۆکردەوە. لە سەرەتای ساڵی ٢٠١٨ دووەم تاک گۆرانی "Je veux tes yeux" بڵاوکردەوە.[٦] لە ئایاری ٢٠١٨، یەکەمین کۆنسێرتی لە پاریس سازکرد بەھاوبەشی MC Solaar، لە چەندین فێستیڤاڵی هاوینە لە بەلجیکا، فەڕەنسا و سویس بەشداری کردوە،[٧][٨][٩] لە ساڵی ٢٠١٨، ئانجل سێیەم تاک گۆرانی بڵاوکردەوە بەناوی "La Thune".[١٠] لە ساڵی ٢٠١٩، ئانجل بوو بە یەکێک لە بەناوبانگترین ھونەرمەندەکانی فەڕەنسا و بەلجیکا بە بڵاوکردنەوەی گۆرانی "Balance ton quoi"، لەو گۆرانیەدا فێمینیزمی خۆی پشت ڕاست کردەوە. لە تشرینی یەکەمی ٢٠٢٠، ئانجل لەگەڵ گۆرانیبێژی بەناوبانگی جیھانی دیوا لیپا ڤیدیۆ کلیپێکیان لە لەندەن سازکرد و "Fever"(تا) لە ٣٠ی تشرینی یەکەمی ٢٠٢٠ بڵاوکرایەوە.
سەرچاوەکان
[دەستکاری]- ↑ «Angèle : la jeune chanteuse belge est la sensation musicale du moment». RTL. لە ڕەسەنەکە لە ١٣ی تەممووزی ٢٠١٩ ئەرشیڤ کراوە. لە ٢٠ی ئەیلوولی ٢٠١٨ ھێنراوە.
- ↑ «Angèle détrône Stromae». La Libre Belgique. ١٨ی شوباتی ٢٠١٩.
- ↑ «Angèle : l'interview "première fois" | JACK». لە ٢٠ی ئەیلوولی ٢٠١٨ ھێنراوە – لەڕێگەی YouTube.
- ↑ «Angèle, ou comment cesser d'être "la soeur de" Romeo Elvis». Greenroom. ٢٧ی تشرینی دووەمی ٢٠١٧. لە ڕەسەنەکە لە ١٨ی ئەیلوولی ٢٠٢٠ ئەرشیڤ کراوە. لە ٢٠ی ئەیلوولی ٢٠١٨ ھێنراوە.
- ↑ Bonne، Laura (٢١ی ئازاری ٢٠١٨). «Angèle klaar voor grote doorbraak». De Tijd. لە ١ی کانوونی یەکەمی ٢٠٢٠ لە ڕەسەنەکەوە ئەرشیڤ کراوە. لە ١ی کانوونی یەکەمی ٢٠٢٠ ھێنراوە.
- ↑ «Angèle – Je veux tes yeux [CLIP OFFICIEL]». ٣١ی کانوونی دووەمی ٢٠١٨. لە ٢٠ی ئەیلوولی ٢٠١٨ ھێنراوە – لەڕێگەی YouTube.
- ↑ «On y était : Angèle, la révélation pop, charme son public parisien au Trianon». France Info. ٢٣ی ئایاری ٢٠١٨. لە ٢٠ی ئەیلوولی ٢٠١٨ ھێنراوە.
- ↑ «Dour Festival». لە ڕەسەنەکە لە ١٤ی ئازاری ٢٠١٨ ئەرشیڤ کراوە. لە ٢٠ی ئەیلوولی ٢٠١٨ ھێنراوە.
- ↑ «Rock Werchter 2018». لە ڕەسەنەکە لە ١٩ی حوزەیرانی ٢٠١٨ ئەرشیڤ کراوە. لە ٢٠ی ئەیلوولی ٢٠١٨ ھێنراوە.
- ↑ «Angèle se dépense sur La Thune». Moustique. ٢٢ی حوزەیرانی ٢٠١٨. لە ڕەسەنەکە لە ٩ی تەممووزی ٢٠١٨ ئەرشیڤ کراوە. لە ٢٠ی ئەیلوولی ٢٠١٨ ھێنراوە.
