داڕێژە:لە ھەواڵەکاندا/ئەرشیڤ/ئەرشیڤی ٢٠١٥

تشرینی یەکەم تا کانوونی یەکەمی ٢٠١٥

• ١٣ و ١٤ی تشرینی دووەم – لە ئاکامی زنجیرەیەک ھێرشی تیرۆرستیدا لە پاریس، ١٢٩ کەس کوژران.
• ١٣ی تشرینی دووەم – ھێزە کوردییەکانی باشوور و باکوور و ڕۆژاوای کوردستان شاری شنگالیان ڕزگارکرد لە دەستی داعش.
• لە ٨ی تشرینی یەکەمەوە – لە شارەکانی پارێزگای سلێمانی، ناڕەزایی و خۆپیشاندان لە دژی پێنەدانی مووچە و بە ئەنجام نەگەیشتنی کۆبوونەوەی حیزبەکان دەستیپێکرد، لە قەڵادزێ و کەلار چەند کەس کوژران و بارەگاکانی پارتی دیموکراتی کوردستان سووتێنران.

ئاب تا ئەیلوولی ٢٠١٥

• ١١ی ئەیلوول – ڕووخانی کرێنێک لە مزگەوتی حەرام لە مەککە، بووە ھۆی مردنی زیاتر لە ١٠٠ کەس و زیانگەیاندن بە بەشێکی بیناکە.
• ٢٠ی ئاب – ئەلێکسیس تسیپراس سەرۆککوەزیرانی یۆنان بەھۆی قەیرانی ئابووری وڵاتەکەی، دەستی لەکارکێشایەوە و داوای ھەڵبژاردنی پێشوەختەی کرد.
• ١٧ی ئاب – ئەنجومەنی شوورای ھەرێمی کوردستان بڕیاری دەرکرد بۆ مانەوەی دوو ساڵی دیکەی مەسعوود بارزانی لە پۆستی سەرۆکی ھەرێمدا.
• ١٧ی ئاب – تەقینەوەی بۆمبێک لە بانکۆک، تایلەند، بووە ھۆی کوژرانی ٢١ کەس و برینداربوونی زیاتر لە ١٠٠ کەسی تر.
• ١٣ی ئاب – کوردیی ناوەندی خرایە سەر زمانەکانی ڕووکاری فەیسبووک.

ئایار تا تەممووزی ٢٠١٥

• ٢٠ی تەممووز – ڕوودانی تەقینەوەیەک لە دەڤەری پرسووسی باکووری کوردستان، بووە ھۆی کوژرانی ٣٢ کەس و برینداربوونی زیاتر لە ١٠٠ کەس.
• ٧ی حوزەیران – ھەڵبژاردنی گشتیی تورکیا ئەنجامدرا، بەپێی ئەنجامە بەرایییەکان ھیچ حیزبێک نەیتوانی بەتەنیا حکوومەت پێکبھێنێت، پارتی دیموکراتی گەلانیش بۆ یەکەمجار توانی بگاتە پەرلەمان.
• ٢٩ی ئایار – سێپ بلاتەر بۆ جارێکی تر ھەڵبژێردرایەوە بە سەرۆکی فیفا.
• ٧ی ئایار – لە شاری مەھاباد لە دژی مەرگی گوماناویی فەریناز خوسرەوانی خۆپیشاندان کرا.

نیسانی ٢٠١٥

• لە ٢٥ی نیساندا، بوومەلەرزەیەکی ٧٫٩ ڕیختەری وڵاتی نیپالی ھەژاند.
• لە ٢٥ی نیساندا، فرۆشتنی ئەپڵ واچ دەستی پێ کرد.
• لە ٢٤ی نیساندا، یادی سەد ساڵەی دەستپێکی کۆمەڵکوژیی ئەرمەنییەکان کرایەوە.

ئازار تا شوباتی ٢٠١٥

• لە ٤ی ئازار ھێرشکرایە سەر باڵیۆزی ئەمریکا لە کۆریای باشوور
• لە ٢٨ی شوبات نووسەری ناوداری کورد-یاشار کەمال کۆچی دوایی کرد