تاھیری شۆشی

تاھیری شۆشی
لەدایکبوون	١٣٣٦کۆچی -١٩١٧زاینی گوندی شۆش، قەزای ئاکرێ
مردن	١٣٨١ کۆچی - ١٩٦٢/١٢/١٢ز
شوێنی گۆڕ	گوندی شۆش
نازناو	تاھیر، شۆشی، شێخ تاھیری شۆشی
پیشە	شاعیر، مەلا
زمان	کوردی، عەرەبی و فارسی
نەتەوە	کورد
کارە دیارەکان	گۆلزار

تاھیری شۆشی (١٩١٧ – ١٩٦٢) مەلا خەتات و شاعیرێکی کوردە. بە یەکەم شاعیری کرمانجی ژووروو دەژمێرێت کە تەواوی ژیانی پێغەمبەر محەممەد و ھاوەڵانی تا ساڵی ٥٠ی کۆچی بە ھۆنراوە نووسیوە. ھەروەھا بێجگە لە زمانی زگماک بە عەرەبی و فارسیش ھۆنراوەی نووسیوە.

ناو

تاھیر کوڕی محەممەد کوڕی تاھیر کوڕی شێخولئیسلام کوڕی عبدولڕەحمان کوڕی عەبدعەلا کوڕی یوونس کوڕی شێخ عبدولحەمیدی شۆشی. نازناوی تاھیر، شۆشی و تاھیری شۆشی، شێخ تاھیری شۆشی ناسراوە لەناو خەلکی دەڤەرەکە.

ژیان

لە ساڵی (١٣٣٦ کۆچی – ١٩١٧ی زاینی) لە گوندی شۆش سەر بە قەزای ئاکرێ لەدایکبووە. سەرەتا لە لای باوکی شێخ محەممەد شوشی و لەلای شێخ مەمدوح شوشی دەستی بە خوێندن کردووە. لە لایەن مامۆستا (مەلا عەبدوڵڵای بێتواتەیی لە مزگەوتی (حاجی عەبدولقادری دەباغ دەکەوێتە ناو بازاڕ بەرامبەر قەڵای ھەولێر بڕوانامەی مەلای دوازدە عیلمی بەدەست ھێناوە.

بەرھەمەکان

شێخ خاوەنی چەندین کتێب و وتارە بەڵام تا ئێستا تەنیا دوو کتێبی لە چاپ دراون. ئەوانەش گوڵزار و پەند و شیرەت، و ژمارەیەکی زۆری بەرھەمەکانی تا ئێستا لە چاپ نەدراون کە زیاتر لە دە کتێبن.

پەیوەندیەکانی لەگەڵ جیھانی ئیسلامی

پەیوەندیەکانی لەگەڵ زانای کورد سەعید نوورسی بە ڕێی نامە گرێداوە بووە یەکێک لە قوتابیەکانی نوورسی ساڵی (١٩٢٨ – ١٩٢٩).

مردن

پاش ھەشت ساڵ لە نەخۆشی (سل) لە تەمەنی ٤٥ ساڵیدا، لە ڕوژی ھەینی ڕێکەوتی ١٢ی کانوونی یەکەمی ١٩٦٢ کۆچی دوایی کرد و لە گۆڕستانی شێخ شەمسەدینی شۆشیی لە گوندی شۆش بە خاک سپێردرا.