بیانسێ

بیانسێ
بیانسێ له وێنەیەک دا که تۆنی دیوران له ٢٠١١ گرتوویەتی
لەدایکبوون	Beyoncé Giselle Knowles (١٩٨١-٠٩-٠٤) ٤ی ئەیلوولی ١٩٨١ هیووستن, تێکساس ویلایەتە یەکگرتووەکان.
نیشتەجێی	لۆس ئانجلەس, کالیفۆرنیا ویلایەتە یەکگرتووەکان, U.S.
ناوەکانی تر	Beyoncé Knowles-Carter
پیشە	گۆرانیبێژ ئاوازدانەر بەرهەمهێنەر خانمەئەکتەر سەماکەر خانمەبازرگان
چالاکبوون	١٩٩٧–ئێستا
مناڵ(ەکان)	1
باوان(ەکان)	مەتیوو نۆلێز تینا نۆلێز
وێبگە	beyonce.com

بیانسێ جیزێل نۆلێز (به ئینگلیزی: Beyoncé Giselle Knowles) له دایک بووی ٤ی ئەیلوولی ١٩٨١ ، گۆرانیبێژ و خانمەئەکتەری ئەمریکایی شێوازی ئار ئەند بی ه.

ژیان نامه

بیانسێ له شاری هیووستنی ویلایەتی تێکساسی ویلایەتە یەکگرتووەکانی ئەمریکا له دایک بوو. ئەو له سەرەتادا به هۆی ئەوەی گۆرانیبێژی یەکەمی گرووپی دێستینیز چایلد بوو ناوبانگی پەیدا کرد. دوای چەند کارێکی سەرکەوتوو لەگەڵ ئەم گرووپه، بیانسێ ئەلبۆمی یەکەمی خۆی به ناوی «شێتانه له خۆشەویستی دا» (crazy in love)ی خسته بازار. ئەو ئەلبۆمه بوو به یەکێک له گەورەترین ئەلبۆمەکانی ئەو ساڵه و بیانسێ ٥ خەڵاتی گرامی بەو هۆیەوه بردەوه. دەرکەوتنی دووهەم ئەلبۆمی ئەم خانمەگۆرانیبێژه به ناوی B'day (ڕۆژی له دایک بوون) هاوکات بوو لەگەڵ ساڵیادی ٢٥ ساڵەی له دایک بوونی و بۆیەش ئەو ناوەیان بۆ هەڵبژارد.

بیانسێ هەروەها له سینەماش دا دەسکەوتی زۆری بەدەست هێنا و له چەند فیلمی هۆلیوودی وەکوو، پلینگی پەمەیی و کچه خەیاڵاوییەکان دا ڕۆڵی گێڕاوه. هاوسەرەکەی جێی-زێی ڕاپەر و گۆرانیبێژی هیپ هۆپه، ئەوان له ساڵی ٢٠٠٨ هاوسەرگیریان کردووه.

له بەرنامەی خه‌ڵاتەکانی مووزیک ڤیدیۆی ئێم‌تی‌ڤی له ساڵی ٢٠١١ له حاڵێک دا که خه‌ریکی گۆرانی وتن بوو، جلکی خۆی کردەوه و دەریخست که دووگیانه. باوکی مناڵەکه جێی-زێی ڕاپەری به‌ناوبانگه.

ئەو له بەرنامەی پێدانی خەڵاتی ئێم‌تی‌ڤی ٢٠١٤، خەڵاتی پێشەنگی ڤیدیۆی مایکڵ جاکسنی بردەوه.

نوێترین ئه‌لبۆمی له ١٣ی کانوونی یه‌که‌می ٢٠١٣ بڵاو بۆیه‌وه، لە لایەن ڕەخنه‌گرانه‌وه سەرسووڕهێنه‌ر ناوزه‌د کرا و ته‌نانه‌ت چه‌ند ئه‌کته‌ری به‌ناوبانگ لەسەر لاپەڕه کۆمەڵایەتییەکانیان بڵاویان کردەوه. ئەوه له حاڵێک دایه که ئەو ئەلبۆمه به ئاگادارکردنەوی پێش وەخت بڵاو کرایەوەو هەر یەوەش هەوادارانی تووشی سەرسووڕمان کرد.

ئەو دانی بەوەدانا که شاردنەوەی کاری ئەلبۆمەکه زۆر زەحمەت بووه. لەو ئەلبۆمەدا جگه لە ١٤ تراکی دەنگی ، ڤیدیۆ کلیپی ئەوانیش دانراوه.

سیاسه‌ت

بیانسێ و هاوسەرەکه‌ی پەیوەندییەکی باشیان لەگەڵ ئۆباما و میشێلی هاوسه‌ری هه‌یه. هەروەها باس کراوه که بیانسێ و جێی-زێی له پرۆپاگاندای هەڵبژاردن دا لایەنگری ئۆباما بوون.

سه‌رچاوه

• / ویکی ئینگلیزی - Beyoncé