جوجوتسو کایسن

لۆگۆی زنجیرەی جوجوتسو کایسن

جوجوتسو کایسن یان شەڕی نەفرەتییەکان (بە ژاپۆنی: 呪術廻戦) مانگایەکی ژاپۆنییە لەلایەن جیجی ئەکوتامی نووسراوە و وێنەکێشراوە، و لە مانگی ئازاری ٢٠١٨ لەلایەن ھەفتانەی شۆنن جەمپ بڵاوکراوەتەوە و وەرزە تاکەکان کۆکرانەوە و لەلایەن شوێشا بڵاوکرانەوە، لەگەڵ پازدە بەرگ لە ئازاری ٢٠٢١ بڵاوکرانەوە، چیرۆکەکە بەدوای خوێندکاری ئامادەیی یوجی ئیتادۆری دەگەڕێت کاتێک پەیوەندی بە ڕێکخراوێکی نھێنی جادوو بازانی جوجوتسو دەکات بە مەبەستی کوشتنی نەفرەتیەکی بەھێز بە ناوی ڕیۆمین سوکونا و یوجی دەبێتە میواندار بۆ ئەو، زنجیرەکە درێژەی زنجیرەی مانگای چوار وەرزە بەناوی قوتابخانەی تەکنیکی نەفرەتیەکان تۆکیۆ میترۆپۆلیتان کە لە مانگی نیسان تا تەممووزی ٢٠١٧ لە بەرنامەی گیگا جەمپی شوێشا بڵاوکرایەوە، دواتر لەژێر ناونیشانی جوجیتسو کایسن لە مانگی کانوونی دووەمی ٢٠١٨ بڵاوکرایەوە، لەگەڵ فیلمێک بە ھەمان ناونیشان بەناوی جوجیستو کایسن ڕاگەیەندرا لە کانوونی دووەمی ٢٠٢١ بڵاوکرایەوە.

و وەرزی دووەمی ئەنیمێیەکە ڕاگەیەندرا و بڕیارە لە ساڵی ٢٠٢٣ نمایش بکرێت.

جوجوتسو کایسن مۆڵەتی بڵاوکردنەوەی زمانی ئینگلیزی لە ئەمریکای باکوور لەلایەن کۆمپانیای ڤیز میدیاوە وەرگرتووە و لە مانگی کانوونی دووەمی ٢٠١٩ دا مانگاکە بە چاپ بڵاودەکاتەوە، ھەروەھا شوێشا زنجیرەکەی بە زمانی ئینگلیزی لە ئەپ و ماڵپەڕی مانگا پڵەس بڵاودەکاتەوە، دوو پەرتووکی ڕۆمانی سووک لەلایەن بالاد کیتاگۆنی لەژێر چاپی جەمپ جی - بۆکس لە مانگی ئایاری ٢٠١٩ و مانگی یەکی ٢٠٢٠ بڵاوکرانەوە، زنجیرەیەکی تەلەڤیزیۆنی ٢٤ ئەڵقەییە کە لەلایەن ماپا ستۆدیۆ بەرھەم ھێنراوە، لە کەناڵی ئێم بی ئێس لە تشرینی یەکەمی ٢٠٢٠ تا ئازاری ٢٠٢١ پەخشکرا مۆڵەتی لە کۆمپانیای کڕەنچیڕۆلەوە وەرگرتووە بۆ پەخشکردن لە دەرەوەی ئاسیا، کە لە مانگی تشرینی دووەمی ٢٠٢٠ بۆ یەکەمجار بە زمانی ئینگلیزی بڵاوکرایەوە، تراکی دەنگی ئەنیمێکە لە نیسانی ٢٠٢١ بڵاودەکرێتەوە.

لە مانگی ئازاری ٢٠٢٢ مانگای جوجوتسو کایسن زیاتر لە ٦٥ ملیۆن دانە لێ فرۆشرا، لەوانە وەشانی دیجیتاڵی، جوجوتسو کایسن و ڕۆمانەکان، ئەمەش وای کرد ببێتە یەکێک لە پڕفرۆشترین زنجیرەکانی مانگا لە ئێستادا

پوختە

ڕیشەی چیرۆکەکە لە جوجوتسو کایسندا ھەموو زیندەوەران وزەیەک دەردەدەن کە پێی دەوترێت وزەیی نەفرین لێکراو (呪, جۆریۆکۆ) کە لە ھەست و سۆزە نەرێنییەکانەوە سەرھەڵدەدات کە بە شێوەیەکی سروشتی بەسەر ھەموو ئەندامەکانی جەستەدا بڵاودەبێتەوە. مرۆڤە ئاسایییەکان ناتوانن ئەم بڵاوبوونەوەیە لە جەستەیاندا کۆنتڕۆڵ بکەن. لە ئەنجامدا بە بەردەوامی وزەیی نەفرەت لێکراو نەفرەتەکان (呪، نۆرۆی) لەدایک دەکەن، کە جۆرێکە لە بوونەوەری گیانی(ڕوحی) کە ئارەزووی سەرەکیان زیانگەیاندنە بە مرۆڤایەتی.

جادوو بازانی جوجوتسۆ (呪، jujutsushi، "مامۆستاکانی تەکنیکە نەفرەت لێکراوەکان" یان "جادووگەرەکان") ئەو کەسانەن کە کۆنتڕۆڵی ڕۆیشتنی وزەی نەفرەت لێکراوی لە جەستەیان دەکەن، ڕێگەیان پێدەدات بەو شێوەیەی کە خۆیان حەزیان لێیە بەکاری بھێنن و ھەروەھا دەرکردنی ئەم وزە کەم بکەنەوە. جادووباز و نەفرەتکارە ئاست بەرزەکان دەتوانن ئەم وزەیە پاک بکەنەوە و بەکاری بھێنن بۆ ئەنجامدانی تەکنیکە نەفرەت لێکراوەکان (呪 術 式، جوجوتسۆشیکی) کە مەیلیان ھەیە تایبەت بن بە بەکارھێنەر یان خێزانەکەیان. فۆرمێکی پێشکەوتووی تەکنیکە نەفرەت لێکراوەکە بریتییە لە فراوانکردن(領域 開، Ryuki Tenkai)، کە تێیدا بەکارھێنەر دەتوانێت وزەی نەفرەت لێکراو بەکاربھێنێت بۆ دروستکردنی ڕەھەندێک کە لە بەرامبەردا ناوچەی دەوروبەری دادەپۆشێت کە تێیدا ھەموو ھێرشەکان بەھێزتر دەبن.

چیرۆکەکە چیرۆکەکە لەسەر یوجی ئیتادۆری دەسوڕێتەوە، کوڕێکی بلیمەت و خاوەن جەستەیەکی بەھێزە و لەگەڵ یانەی پارانۆرماڵی سەروو سروشت لە قوتابخانەکەدا کۆدەبێتەوە. ڕۆژێک ژیانی یوجی دەگۆڕێت لە پاش مردنی باپیری و چاوی بە مێگومی فوشیگۆرۆ دەکەوێت کە پێی دەڵێت خاوەن شتێکی نەفرەت لێکراوە پاشان یوجی یەک لە دوای یەک تووشی بەدبەختی دەبێت.

کەسایەتییەکان

• ئیتادۆری یوجی بە ژاپۆنی: 虎杖 悠仁

ئەنجامدەری دەنگ: جونیا ئینۆکی.

پاڵەوانی سەرەکی چیرۆکەکە ئیتادۆرییە کە خوێندکاری ساڵی یەکەمە لە ئامادەیی جوجوتسو، کەسێکی باڵابەرز و خاوەن ھێزی جەستەیی و لە وەرزشە جۆراوجۆرەکاندا باشە و گەنجێکە کە ئامادەیە ژیانی خۆی بکاتە قوربانی بۆ مامەڵەکردن لەگەڵ ئەو بوونەوەرە خراپانەی کە لە دەوری خۆیدان. ئەو جۆرێکە لەو کەسانەی کە بە قووڵی گرنگی بە ھەموو کەسێکی دەوروبەری دەدات.

• فوشیگیرو میگومی بە ژاپۆنی: 伏黒 恵

ئەنجامدەری دەنگ: یوما ئوچیدا.

میگومی بە یەکێک لە کارەکتەرە سەرەکییەکانی زنجیرەی جوجوتسۆ کایسن دادەنرێت، مێگومی فوشیگورۆ خانەدانێکی بەرزی ڕەچەڵەکی «زینین» ئە و خوێندکارێکی ساڵی یەکەمی ئامادەیی جوجوتسۆیە. میگومی پیاوێکی باڵا بەرزە و کەسایەتییەکی تا ڕادەیەک ئارامە، ھەمیشە بە ساردیی مامەڵە دەکات، ھیچ شتێک ناتوانێت میگومی سەرسام بکات. ئەو پێی وایە جیھان نادادپەروەرانەیە و جادوو بازانی جوجوتسۆ تەنھا ئامرازێکن کە یارمەتیدەر دەبن لە پاککردنەوەی ئەو فەسادە.

• ساتۆرو گۆجۆ بە ژاپۆنی: 五条 悟

ئەنجامدەری دەنگ: یویچی ناکامورا

بەدڵنیایییەوە گۆجۆ ساتۆرو بەناوبانگترین کارەکتەری زنجیرەکەیە و ڕاھێنەری یوجی و فوشیگۆرۆ و نۆبارایە، گۆجۆ تەمەنی ٢٨ ساڵە لە ئەنیمێکەدا، بە بەھێزترین بەکارھێنەری جوجیتسۆ دادەنرێت.

• کۆگیساکی نۆبارا بە ژاپۆنی: 釘崎野 薔薇

ئەنجامدەری دەنگ: ئاسامی سێتۆ

سێیەم کارەکتەری سەرەکی زنجیرەی جوجوتسۆ کایسنە نۆپارا کچێکی باڵاکورتە و ڕەفتارێکی تا ڕادەیەک تیژە ھەیە، بەم پرچە پرتەقاڵییە دەتوانین بە نزیکەی بڵێین کە ئەو یەکێکە لە ناوازەترین و جیاوازترین کچەکانی زنجیرەکە، جگە لەوەش نوبارا پڕە لە متمانە بەخۆبوون و ھەمیشە شانازی بە تواناکانییەوە دەکات.

• ڕیۆمین سووکونا بە ژاپۆنی: 宿儺

ئەنجامدەری دەنگ: جونیچی سوابێ

سووکونا پاشای نەفرەتەکانە و بوونەوەرێکی کۆنە کە بۆ ماوەی چەندین نەوە جیھان بەدەستییەوە دەناڵێنێت لە ئەفسانەکەدا دەوترێت سووکونا لە سەردەمی یەکەمی جادووگەریدا کە ھەزار ساڵ لەمەوبەر بوو ئەھریمەن بووە، بەکارھێنەرانی جیوجیتسو کۆبوونەوە بەڵام نەیانتوانی بە تەواوی لەناوی بەرن، لێرەوە بیست پەنجەکەی ھاتەکایەوە کە دەبێت سەر لە نوێ بیپارێزێت بۆ زیندووبوونی.

• پاندا بە ژاپۆنیパンダ

ئەنجامدەری دەنگ: تۆمۆکازو سێکی

لە خوێندکارانی قۆناغی دووەمە لە قوتابخانەی جیوجیتسو و پاندایە!

دەزگاکانی ڕاگەیاندن

ئەنیمێ

ئەنیمێیەکی تەلەڤیزیۆنی لە ژمارە ٥٢ی ھەفتانەی شۆنن جەمپدا ڕاگەیەندرا کە لە ٢٥ی تشرینی دووەمی ٢٠١٩ بڵاوکرایەوە، نووسەری مانگا جیجی ئاکوتامی و ئەندامانی کاستی سەرەکی لە فیلمی Jump Vista ٢٠ بۆ ٢٢ی کانوونی دووەمی ٢٠١٩ دەرکەوتن، زنجیرەکە لەلایەن ماپا (ستۆدیۆ) و لە دەرھێنانی سیۆنگ ھۆ پارک، ھێرۆشی سێکۆ بەرپرسیار بوو لە سیناریۆکان، تاداشی ھیراماتسو دیزاینی کارەکتەرەکانی دەکرد، ھیرۆکی تسوتسومی، یۆشیماسا تێروی و ئاریسا ئۆکیھازاما ئاوازی مۆسیقاکەیان بۆ دانا. لەکاتێکدا ئەنیمێکە لە ١٩ی ئەیلوولی ٢٠٢٠ بۆ یەکەمجار لە یووتیووب و تویتەر بە شێوەیەکی ڕاستەوخۆ نمایشکرا، بەڵام بە فەرمی لە کەناڵی ئێم بی ئێس و تی بی ئێس لە سوپەر ئەنیمێیزم لە ٣ی تشرینی یەکەمی ٢٠٢٠ تا ٢٧ی ئازاری ٢٠٢١ پەخشکرا، زنجیرەکە بۆ ماوەی ٢٤ ئەڵقە بەردەوام بوو. لە ئەڵقەی سێیەمەوە زنجیرەکە کورتە فیلمەکانی ئەنیمێ لەخۆدەگرێت بە ناونیشانی "(呪 術 さ ん ぽ, "Jujutsu Picnic")، کە تیشک دەخاتە سەر ژیانی ڕۆژانەی کارەکتەرە سەرەکییەکان. یەکەم گۆرانی لە سەرەتادا گۆرانییەکە بریتییە لە "کایکای کیتان" کە لەلایەن ئەیف پێشکەش دەکرێت، گۆرانی کۆتاییش بریتییە لە "ونبوو لە بەھەشتدا". ئی ئەل ئی دەیڵێت دووەم گۆرانی بریتییە لە "ڕووی زیندوو" کە لەلایەن ھۆ یا ئێکستێند ئەوە پێشکەش دەکرێت، لەکاتێکدا دووەم گۆرانی کۆتایی بریتییە لە "بیگەڕێنەوە" کە لەلایەن چو شو نی پێشکەش دەکرێت.

ئەم ئەنیمێە لەلایەن کۆمپانیای کڕەنچیڕۆل مۆڵەتی پێدراوە بۆ پەخشکردن لە دەرەوەی ئاسیا. کڕەنچیڕۆل پەخشێکی زنجیرەکەی بە زمانەکانی ئینگلیزی، ئیسپانی، پورتوگالی، فەرەنسی، ئەڵمانی و عەرەبی بڵاوکردەوە، کە لە ٢٠ی تشرینی دووەمی ٢٠٢٠ بۆ یەکەمجار نمایشکرا، لەگەڵ دۆبلاژکردنی ئینگلیزیش لە ٤ی کانوونی دووەمی ٢٠٢٠ لە کەناڵی ئێچ بی ئۆ نمایشکرا، ڤیز میدیا زنجیرەکە لەسەر ڤیدیۆی ماڵەوە بڵاودەکاتەوە لە باشووری ڕۆژھەڵاتی ئاسیا، میدیا لینک مۆڵەتی بەم زنجیرەیە دا و لە ڕێگەی iQIYI لە چین پەخشی کرد.

مانگا

جوجوتسۆ کایسن لە نووسین و وێنەکێشانی جیجی ئاکوتامی. زنجیرەکە لە ھەفتانەی شۆنن جەمپی شوێشاەوە لە ٥ی ئازاری ٢٠١٨ دەستی پێکرد. بابەتەکانی لەلایەن شوێشا بە تاک بەرگ کۆکراونەتەوە و بڵاوکراونەتەوە. یەکەم بەرگی لە ٤ی تەممووزی ٢٠١٨ بڵاوکرایەوە، پازدە بەرگ لە ٤ی ئازاری ٢٠٢١شوێشا لە مانگی یەکی ٢٠١٩ دەستیکرد بە بڵاوکردنەوەی زنجیرەکە بە زمانی ئینگلیزی لەسەر ئەپ و ماڵپەڕی مانگا پڵەس. ڤیز میدیا سێ بەشی یەکەمی پەرتووکەکەی بڵاوکردەوە بۆ دەستپێشخەری کردن. لە مانگی ئازاری ٢٠١٩ کۆمپانیای ڤیس میدیا چاپی چاپکراوی ئەم مانگایەی لە ئەمریکای باکوور ڕاگەیاند. بەرگی یەکەم لە ٣ی کانوونی دووەمی ٢٠١٩ بڵاوکرایەوە، تا ١ی شوباتی ٢٠٢٢ تا ئێستا ١٤ بەرگ بڵاوکراونەتەوە.

ڕۆمانە سووکەکان

دوو ڕۆمانی سووک لە نووسینی بالاد کیتاگۆنی لەژێر چاپی فیلمی جەمپ جی-بۆکس بڵاوکراونەتەوە. یەکەمیان بە ناونیشانی (جوجوتسو کایسن: ھاوینی گەرم و پاییزی گەڕاوەبوو) لە ١ی ئایاری ٢٠١٩ بڵاوکرایەوە. دووەم ڕۆمانی سووک، (جوجوتسو کایسن: ڕێگای گوڵان لەکاتی خۆرھەڵاتن) لە ٤ی جێنیوەری ٢٠٢٠ بڵاوکرایەوە

مۆسیقا

ساوند تراکی ڕەسەنی ئەنیمێی جوجوتسو کایسن بڵاودەکرێتەوە کە لەلایەن ھیرۆاکی تسوتسومی و یۆشیماسا تێروی و ئاریسا ئۆکیھازاما ئاوازی بۆ دانراوە، لە ٢١ی نیسانی ٢٠٢١ دا

میدیاکانی دیکە

پەرتووکی فەرمی ھەوادارانی جوجوتسو کایسن (جوجوتسو کایسن کۆشیکی ڤانبوکو) کە زانیاری تایبەتی لەبارەی زنجیرەکە، فایلە تایبەتەکان، لێدوانی نووسەران، و چاوپێکەوتن و دیالۆگێکی تایبەتی لە نێوان ئاکوتامی و نووسەری مانگاکای تیتە کوبۆ لەخۆدەگرێت، کە لەلایەن شۆئینشا لە ٤ی ئازاری ٢٠٢١ بڵاوکراوەتەوە

بەستەرە دەرەکییەکان

• ماڵپەڕی سەرەکی مانگای جوجوتسو کایسن
• ماڵپەڕی سەرەکی جوجوستو کایسن بە ژاپۆنی