ھێرتا مولەر

ھێرتا مولەر
بە ئەڵمانی: Herta Müller
لەدایکبوون	(١٩٥٣-٠٨-١٧) ١٧ی ئابی ١٩٥٣ Nițchidorf، ڕۆمانیا
ھاوسەر	Richard Wagner، Harry Merkle
زمانی نووسین	زمانی ئەڵمانی
بواری کار	شیعر، وتار
شوێنی کارکردن	Free University Berlin، Nikolaus Lenau High School
پەروەردە	West University of Timișoara
دانیشتووی	بەرلین
شوێنی کار	بەرلین
دەستپێکی چالاکی	١٩٧٦
شاکارەکان	Nadirs، The Passport، The Land of Green Plums، The Hunger Angel
ئەندامی	Writers' Union of Romania، Literaturkreis Adam Müller-Guttenbrunn، German Academy for Language and Literature
چەشن	شیعر، وتار
دۆخی مافەکانی لەبەرگرتنەوە	ئەو کارانەی کە لە مافی چاپکردن و بڵاوکردنەوە پارێزراون
لە ویکیدراوە دەستکاریی زانیارییەکان بکە

ھێرتا مولەر (لە دایکبووی ١٧ی ئابی ١٩٥٣) نووسەر، ڕۆماننووس و شاعیری ئەڵمانییە، ئەو لە دایکبووی ڕۆمانیایە. لە ساڵی ٢٠٠٩، خەڵاتی نۆبێلی لە وێژە پێدرا. ئەو لە نەوەدەکانەوە لە ئاستی نێونەتەوەیی ناودەنگی دەرکردووە، کار و بەرھەمەکانی بۆ زیاتر لە بیست زمان وەرگێڕانیان بۆکرا. مولەر زیاتر بەو کارانە ناسراوە کە وێنای دڵڕەقی، تووندووتیژی و تیرۆری کردووە لە کۆماری سۆسیالیستیی ڕۆمانیا لەژێر دەسەڵاتی ڕژێمی نیکۆلای چاوشێسکوو، کە خودی خۆشی ئەزموونی کردبوو، زۆرێک لە ڕوانین و کارەکتەرەکانی دەربارەی کەمینە ئەڵمانییەکانی ڕۆمانیان. ھەروەھا وێنای مێژووی ھاوچەرخ/نوێی ئەڵمانییەکان دەکات لە بانات و ترانسلڤانیا. لە دیارترین ڕۆمانەکانی ئەو بەم دواییانە فریشتەی برسییەکە (The Hunger Angel) بووە.

لە ماوەی ژیانیدا، زیاتر لە بیست خەڵاتی وەرگرتووە لەوانە لە ساڵی ١٩٩٤ خەڵاتی کلایست، لە ساڵی ١٩٩٥ خەڵاتی ئەریستیۆن، لە ساڵی ١٩٩٨ خەڵاتی وێژەی دوبلنی نێونەتەوەیی وەرگرتووە. لە ٨ی تشرینی یەکەمی ٢٠٠٩، ئەکادیمیای سوێدی ڕایگەیانند کە ئەو بووە براوە و ھەڵگری خەڵاتی نۆبێل لە وێژە (ئەدەبیات).

ئەو لە ساڵی ١٩٧٦، لە کارگەیەکی ئەندازیاری وەک وەرگێڕێک دەستبەکار بوو، لە ساڵی ١٩٧٩ لەکارەکەی دوورخرایەوە ئەمەش لەدوای ئەوەی کە ڕەتی کردەوە کار بۆ پۆلیسی نھێنی لە ڕژێمی کۆمۆنیستی وڵاتەکەی بکات، دواتر بۆ گوزەرانی ژیانی کاری مامۆستایەتی دەکرد لە باخچەیەکی ساوان و ھەروەھا وانەی تایبەتی بۆ زمانی ئەڵمانی دەگووتەوە.