ژول ڤێرن

لە ئینسایکڵۆپیدیای ئازادی ویکیپیدیاوە
Jump to navigation Jump to search
فیرن

جۆل ڤابرییل فیرن (٨ی شووباتی ١٨٢٨ لە نانت لە فەڕەنسا - ٢٤ی ئازاری ١٩٠٥)، نووسەر و شاعیری فەرەنسی سەدەی نۆزدەھەم بووە و بونیاتنەری دامەزراندنی ئەدەبی خەیاڵی زانستی بووە، لەشاری لەدایک بووە و یاسای خوێندوووە، ژماریەکی زۆر چیرۆک و مەتەڵی خەیاڵاوی نووسیوە و بەشێوەیەکی زانستی و پێشبینی زانستی پێشکەش بەخوێنەرانی کردووە. لە ساڵی ١٨٣٩ کە جۆل فیرن تەمەنی گەیشتۆتە ١١ ساڵان گەشتێکی دوورودرێژی بە ھیندستاندا کردووە تاکوو مولوانکەیەک لە گەوھەر بۆ کارولینی خزمیان بەدەست بھێنێت کە خۆشی ویستبوو، بەڵام باوکی ھێنایەوە و ئاگەداری کردەوە کە جارێکی دیکە گەشتی لەم جۆرە مەگەر تەنھا لەخەونەکانیدا بکات. جۆل فیرن لە قوتابخانەی نانت بەلاغە و فەلسەفە و یاسای خوێندووە و بڕوانامەی بەکالۆریای بەدەستھێناوە و لە ساڵی ١٨٤٨ بەشی یاسای لە پاریس تەواکردووە، دەستی کردووە بە نووسینی چیرۆک و شیعر و لە ساڵی ١٨٥٠ شانۆگەریەکی بۆ دوو جار نمایشکراوە، زۆربەی بەرھەمەکانی باس لە ئەو داھێنانە زانستیانە دەکات کە لە سەدەی نۆزدەھەمدا دەرکەوتووە، سەرەڕای پێشبینیکردن بۆ داھێنانێکی خەیاڵی کە لەخزمەتکدرنی مرۆڤایەتیدابێت. لە ساڵی ١٨٦٢ جۆل فیرن دەستی کردووە بەگەشتی دۆزینەوە و ھەتاکوو ٤٠ ساڵ بەردەوام بووە و لە ساڵی ١٨٦٨ لە ٤٥ کتێبدا گەشتەکانی نوسیوەتەوە و بڵاویکردۆتەوە و کەشتی سان میشێل و بەلەمێکی ڕاوکردنی بۆ کات بەسەربردن کڕیوە، لە ساڵی ١٨٧٨ لەڕێگای دەریاوە لە لەشبونەوە ڕۆشتووە بۆ جەزائیر و ئیسکتلەندا و نەرویج و لە ساڵی ١٨٨٠ گەشتێکی دەریایی کردووە بۆ ئیرلەندا، لە ساڵی ١٨٨٤ لەگەڵ ھاوسەرەکەیدا گەشتێکی گەورەی بەناو دەریای سپی ناوەڕاستدا کردووە. جۆل فیرن لە ٢٤ ئازاری ساڵی ١٩٠٥ لەتەمەنی ٧٧ ساڵیدا لەناو ماڵەکەی خۆیدا کە ئێستا بە قەڵای جۆل فارن ناسراوە کۆچی دوایی کردووە.

سەرچاوەکان[دەستکاری]