پێکدادانەکانی ئیسرائیل و حیزبوڵڵا (٢٠٢٣–ئێستا)

پێکدادانەکانی حیزبوڵڵا و ئیسرائیل
بەشێکە لە	ململانێی حیزبوڵڵا لەگەڵ ئیسرائیل، درێژبوونەوەی شەڕی نێوان ئیسرائیل و حەماس
کەسێکی دیار	Alim Abdallah
وڵات	ئیسرائیل، لوبنان، سووریا
دابەشکاریی کارگێڕی	ناوچەی باکوور، پارێزگای باشوور، پارێزگای نەبتیە
جێ	باشووری لوبنان، جەلیل، بەرزایییەکانی جۆلان، ھار دۆڤ، کێڵگەکانی شەبعا
کاتی ڕوودان	١ی کانوونی دووەمی ٢٠٢٠
ڕێکەوتی دەستپێکردن	٨ی تشرینی یەکەمی ٢٠٢٣
بەشداربوو	حیزبوڵڵای لوبنان، ھێزەکانی بەرگریی ئیسرائیل
لە ویکیدراوە دەستکاریی زانیارییەکان بکە

لە ٨ی تشرینی یەکەمی ٢٠٢٣ ، ڕۆژێک دوای دەستپێکردنی ئۆپەراسیۆنی تۆفانی ئەقسا لە غەززە، حیزبوڵای لوبنان مووشەک و تۆپھاوێژی ئاراستەی ئەو پێگانە کرد کە لەلایەن ئیسرائیلەوە لە کێڵگەکانی شەبعا داگیرکرابوون ، بە ئامانجی پشتیوانیکردن لە بەرخۆدان لە غەززە. ئەم ھێرشە لەگەڵ بۆردوومانی ئیسرائیل بۆ سەر خاکی لوبنان ڕووبەڕوو بووەوە، دواتر پەرەی سەند و بوو بە زنجیرەیەک ھێرش و شەڕ و پێکدادانی ڕۆژانە بەدرێژایی سنووری لوبنان و ئیسرائیل. پێکدادانەکە بۆ چەند مانگێک تەنھا لە ناوچە سنوورییەکاندا قەتیس بوو، واتە لە شریتێکی تەسکدا لە نێوان ٥ بۆ ١٠ کیلۆمەتر لە ھەردوولا کە بە یاساکانی شەڕکردن ناسراوە.

دوای ماوەیەکی کەم ھێرشەکان قووڵتر بوون، بە ھێرشی سنووردار و بچووکی ئیسرائیل کە گەیشتە بەعلبەک، بەیرووت، نەبتیە و سووڕ و سەیدا ئەو بەربەستە مووشەکیانەی کە لەلایەن ئەو حیزبەوە ھەڵدرابوون، گەیشتنە سەفەد و بنکەی میرۆن لە ناو ئیسرائیل، جگە لە کیریات شەمۆنە و جۆلان. ئەم شەڕ و پێکدادانانە بریتی بوون لە تیرۆرکردن، بۆردومانکردنی ماڵەکان، لەناوبردنی ئامێری سەربازی و خستنەخوارەوەی فڕۆکەی بێفڕۆکەوان ھەروەھا دوو ھەوڵی سنووردار بۆ داگیرکردنی زەمینی لەلایەن لایەنی ئیسرائیلییەوە، کە پووچەڵکرانەوە.

لە باکووری ئیسرائیل، ململانێی بەردەوام نزیکەی ٢٠٠ ھەزار کەسی ناچار کردووە ماڵ و حاڵی خۆیان بەجێبھێڵن، لە باشووری لوبنان زیاتر لە ٥٠٠ ھەزار کەس ئاوارە بوون.

ھەڵکشانێکی گەورە لە ئەیلوولی ٢٠٢٤ ڕوویدا، کە بە تەقینەوەی پەیجەرەکانی لوبنان لە ساڵی ٢٠٢٤ دەستی پێکرد، دوای چەند ڕۆژێک، سوپای ئیسرائیل بۆردوومانێکی کردە سەر بەیرووتی پایتەختی لوبنان و ئەندامێکی دیاری حیزبوڵڵای لوبنان بە ناوی ئیبراھیم عەقیل، کە لە تەقینەوەکانی بەیرووت لە ساڵی ١٩٨٣دا تێوەگلابوو، سوپای ئیسرائیل ڕای گەیاند کە "ھێرشەکانی بەردەوام دەبن تا ئەو کاتەی ھاوڵاتییانی ئیسرائیلی لە ناوچەی ململانێکەدا بتوانن بە سەلامەتی بگەڕێنەوە ماڵەکانیان." لە لوبنان، لایەنی کەم ٥٥٨ کەس شەھید بوون و زیاتر لە ١٨٣٥ کەسیش کە منداڵ و ژن و فریاگوزاری تێدایە، ئەمەش بەھۆی تیرۆرکردنی ھەموو سەرکردەکانی حیزب و تیرۆرکردنی حەسەن نەسروڵڵا لە ٢٧ی ئەیلوولدا.

سەرچاوەکان

بەشداربووانی ویکیپیدیا، «صراع حزب الله وإسرائيل (2023–الآن)»، ویکیپیدیای عەرەبی. سەردان لە ١٤ی ئەیلوولی ٢٠٢٤.