پارێزگای تاڤوش
| پارێزگای تاڤوش | |
|---|---|
 | |
| دامەزران | ٧ی تشرینی دووەمی ١٩٩٥ |
| وڵات | ئەرمەنستان |
| پایتەخت | ئیجەڤان |
| دابەشکاریی کارگێڕی | ئەرمەنستان |
| پۆتانی شوێن | ٤٠°٥٣′٠″N ٤٥°٨′٠″E |
| نووسینگەی بەڕێوەبردن | Governor of Tavush |
| سەرۆک | هایک چۆبانیان |
| دانیشتووان | ١٠٣٬٥٨٩ |
| ڕووبەر | ٢٬٧٠٤٫٠ کیلۆمەتر چوارگۆشە |
| کۆدی پۆستە | 3901–4216 |
| وێبگە | http://tavush.mtad.am |
 | |
پارێزگای تاڤوش (بە ئەرمەنی: Տավուշ) پارێزگایەکی ئەرمینیایە و دەکەوێتە باکووری ڕۆژھەڵاتی ئەرمینیا، لە باکوورەوە لەگەڵ جۆرجیا و لە ڕۆژھەڵاتەوە لەگەڵ ئازەربایجان ھاوسنوورە. لە ناوخۆدا تاڤوش لە باشوورەوە ھاوسنوورە لەگەڵ پارێزگای گێغارکونیک و لە باشووری ڕۆژاواوە لەگەڵ پارێزگای کۆتایک و لە ڕۆژاواوە لەگەڵ پارێزگای لۆریدا ھاوسنوورە. پایتەخت و گەورەترین شاری پارێزگاکە شارۆچکەی ئیجەڤانە.
دانیشتووان
[دەستکاری]
پارێزگای تاڤوش دووەم پارێزگای ئەرمینیایە کە کەمترین دانیشتووانی تێدایە. بەپێی سەرژمێری فەرمی ساڵی ٢٠١١ ژمارەی دانیشتووانی تاڤوش ١٢٨٦٠٩ کەسە (٦٢٠٨٣ پیاو و ٦٦٥٢٦ ژن)[١] کە نزیکەی ٤٫٣٪ی تەواوی دانیشتووانی ئەرمینیا پێکدەھێنێت. ژمارەی دانیشتووانی شارەکان ٥٤ ھەزار و ١٨٦ کەسە (٤٢٫١٪) و خەڵکی گوندەکان ٧٤ ھەزار و ٤٢٣ کەسە (٥٧٫٩٪). پارێزگاکە ٥ کۆمەڵگەی شارستانی و ٥٥ کۆمەڵگەی گوندنشینی تێدایە. گەورەترین کۆمەڵگەی شارستانی ناوەندی پارێزگای ئیجەڤانە کە ژمارەی دانیشتووانەکەی ٢١ ھەزار و ٨١ کەسە. ناوەندەکانی تری شارەکانی دلیجان، بێرد، نۆیەمبەریان و ئایروم.
کشتوکاڵ
[دەستکاری]پارێزگای تاڤوش خاوەنی پێوەرێکی کشتوکاڵی خراپە و تەنھا ٤٫٨٪ی پشکی لە کۆی بەرھەمی کشتوکاڵی ساڵانەی ئەرمینیا ھەیە. نزیکەی ٤١٪ (١٬١٠٨ کم٢)ی کۆی ڕووبەری پارێزگاکە زەوی کشتوکاڵییە، کە ٢٣٪ (٢٥٦ کم٢)یان زەوییە کشتوکاڵییەکانن. دانیشتووانی زۆرێک لە کۆمەڵگا گوندنشینەکان بە شێوەیەکی سەرەکی بەشدارن لە کشتوکاڵکردن، بەخێوکردنی ئاژەڵ و بەخێوکردنی بەراز. بەرھەمە سەرەکییەکان بریتین لە دانەوێڵە و ترێ.[٢]
خوێندن
[دەستکاری]
پارێزگای تاڤوش لەم دواییانەدا بووەتە ناوەندێکی پەروەردەیی بەرچاو لە ناوخۆی ئەرمینیا. لە ساڵی ٢٠١٤دا کۆلێژی جیھانی یەکگرتووی دلیجان کە بەشێکە لە بزووتنەوەی پەروەردەیی جیھانی کۆلێژەکانی جیھانی یەکگرتوو، لە دلیجان کرایەوە.[٣]
لە نێوان ساڵانی ٢٠١٣ بۆ ٢٠١٥، دروستکردنی قوتابخانەی ناوەندی دیلیجان -لقێکی دامەزراوەی پەروەردەیی ئەیب- لە شاری دلیجان تەواو بوو.[٤] لە پاییزی ساڵی ٢٠١٥دا، قوتابخانەی تازە دروستکراوی پێشکەوتوو بە فەرمی کرایەوە. لە ساڵی ١٩٩٤ەوە لقەکانی زانکۆی یەریڤانی حکومی لە ئیجەڤان کاردەکەن.
تا ساڵی خوێندنی ٢٠١٥–٢٠١٦، لە پارێزگای تاڤوش ٨١ قوتابخانەی ھەیە.
سەرچاوەکان
[دەستکاری]- ^ «Tavush population, 2011 census» (PDF).
- ^ «Armstat: Tavush» (PDF). لە ڕەسەنەکە (PDF) لە ١٩ی تشرینی یەکەمی ٢٠١٦ ئەرشیڤ کراوە. لە ٢٤ی تەممووزی ٢٠٢٢ ھێنراوە.
- ^ «UWCD – Home». dilijanschool.org. لە ڕەسەنەکە لە ٢٢ی تەممووزی ٢٠١٢ ئەرشیڤ کراوە. لە ٢٤ی تەممووزی ٢٠٢٢ ھێنراوە.
- ^ «Dilijan Central School – – A New Culture of Learning». Dilijan Central School.
بەستەرە دەرەکییەکان
[دەستکاری] |
کۆمنزی ویکیمیدیا، میدیای پەیوەندیدار بە پارێزگای تاڤوش تێدایە. |
