بۆ ناوەڕۆک بازبدە

پارێزگای گێغارکونیک

لە ئینسایکڵۆپیدیای ئازادی ویکیپیدیاوە
پارێزگای گێغارکونیک
دامەزران٧ی تشرینی دووەمی ١٩٩٥
ناو بە زمانی فەرمیԳեղարքունիքի մարզ
وڵاتئەرمەنستان
پایتەختگاڤار
دابەشکاریی کارگێڕیئەرمەنستان
پۆتانی شوێن٤٠°٢٥′٠″N ٤٥°١٢′٠″E
سەرۆکRafik Grigoryan
دانیشتووان٢٣٥٬٠٧٥
زمانەکانکورمانجی
ڕووبەر٥٬٣٤٩٫٠ کیلۆمەتر چوارگۆشە
کۆدی پۆستە1201–1626
وێبگەhttp://gegharkunik.mtad.am/
Map

پارێزگای گێغارکونیک (بە ئەرمەنی: Գեղարքունիք) پارێزگایەکی (مارز)ی ئەرمینیایە. پایتەخت و گەورەترین شارەکەی گاڤار. پارێزگای گێغارکونیک دەکەوێتە بەشی ڕۆژھەڵاتی ئەرمینیا و ھاوسنوورە لەگەڵ ئازەربایجان. ئێکسکلایڤی ئارتسڤاشن لەخۆدەگرێت کە لە جەنگی یەکەمی ناگۆرنۆ-قەرەباغەوە لەژێر داگیرکاری ئازەربایجاندایە. گەغارکونیک بە ڕووبەری ٥٣٤٨ کیلۆمەتر دووجا (٢٠٦٥ میل چوارگۆشە) گەورەترین پارێزگای ئەرمینیایە؛ بەڵام نزیکەی ٢٤٪ یان ١٢٧٨ کیلۆمەتر دووجا (٤٩٣ میل چوارگۆشە)ی خاکەکەی بە دەریاچەی سێڤان داپۆشراوە کە گەورەترین دەریاچەیە لە باشووری قەفقاز و شوێنێکی سەرەکی گەشتیاری ناوچەکەیە.

بەپێی سەرژمێری فەرمی ساڵی ٢٠١١، ژمارەی دانیشتووانی گەغارکونیک ٢٣٥٠٧٥ کەسە (١١٩١٨٠ پیاو و ١١٥٨٩٥ ژن)، کە نزیکەی ٧٫٨٪ی تەواوی دانیشتووانی ئەرمینیا پێکدەھێنێت[١]

کشتوکاڵ[دەستکاری]

ئابووری پارێزگای گێغارکونیک ئاراستەیەکی زۆری کشتوکاڵی ھەیە، لەوانە کشتوکاڵ و بەخێوکردنی ئاژەڵ. پشکی ١٨٪ی لە کۆی بەرھەمی کشتوکاڵی ساڵانەی ئەرمینیا ھەیە. نزیکەی ٦٥٪ (٣٤٨٧ کیلۆمەتر دووجا) لە کۆی ڕووبەری پارێزگاکە زەوی کشتوکاڵییە، لەو ژمارەیەش ٢٧٫٣٪ (٩٥١٫٥ کیلۆمەتر دووجا) زەوییە کشتوکاڵییەکانن.[٢] نزیکەی ٦٠ ھەزار کێڵگە لە گێغارکونیک لەلایەن کەرتی تایبەتەوە بەڕێوەدەبرێن. بەرھەمی سەرەکی بریتین لە پەتاتە و دانەوێڵە.

ھەروەھا ماسیگرتن و بەخێوکردنی ماسی لە پارێزگاکەدا باڵادەستە. لەم دواییانەدا ھەنگەوانی گەشەیەکی بەرچاوی بەخۆیەوە بینیوە.

کەسایتییەکانی پارێزگای گێغارکونیک[دەستکاری]

سەرچاوەکان[دەستکاری]

  1. ^ Gegharkunik population, 2011 census
  2. ^ "Armstat, Gegharkunik Province" (PDF). ٢٧ی ئایاری ٢٠١٦ لە وەیبەک مەشین، ئەرشیڤ کراوە.