لی بی چو

لی بی چو (لەدایکبووی ١٨٨١) پزیشکێکی چینی بوو کە لە ویلایەتە یەکگرتووەکانی ئەمریکا خوێندوویەتی و چەندین نەخۆشخانەی لە چین کردۆتەوە.

پیشە و کارکردن

ئیدا کان، گێرترود، و لی، لە کۆبونەوەی میسیۆنێری (ڕاسپاردەکان) لە بڕوکلن، ماساچووسیتس، لە ١٩١٩.

دوای ھەشت ساڵ لە خوێندن، لی لە کۆلێژی پزیشکی ژنانی فیلادلفیا پزیشکی تەواو دەکات؛ و دووەم چینی دەبێت کە لە ئەمریکا خوێندن تەواو بکات وەک پزیشک؛ و دەبێتە سەرکردەی نەخۆشخانەکانی شارۆچکەی نیوچێنگ فوژۆو.

لە ھاوینی ساڵی ١٩٠٢دا پەرستار بووە لە بەشی نەشتەرگەری نەخۆشخانەی ھۆمیۆپاسیک ڕۆچێستەر.

پێش گەڕانەوەی بۆ چین، لە مانگی ئایاری ساڵی ١٩٠٥، لی سەردانی سەرۆکی ئەمریکای کرد، لەلایەن سەرۆک تیۆدۆر ڕۆزڤێڵتەوە پێشوازییەکی گەرمی لێکرا و ڕێزی بۆ سەرۆک نیشان دا.

لە فوجیان لە شاری نوگێنگ دەستی بە کارەکەی کرد، کە لەوێ نەخۆشخانەیەک دروست کرا لەلایەن کۆمەڵەی ڕاسپاردەی بیانی ژنانەوە، لەژێر چاودێری لی دا؛ لە ساڵی ١٩٠٧ تایبەت بوو بە چاکبوونەوەی ژنان و منداڵان.

لە ساڵی ١٩١٩ لی نوێنەری کۆنفرانسی جیھانی تەندروستی و ڕەوشتی کۆمەڵایەتی بوو لە شاری نیویۆرک.

سەرچاوەکان

• بەشداربووانی ویکیپیدیا، «Li Bi Cu»، ویکیپیدیای ئینگلیزی. سەردان لە ٢ی کانوونی یەکەمی ٢٠٢٣.