لیندا بڕاون باک

لیندا بڕاون باک
لەدایکبوون	(١٩٤٧-٠١-٢٩) ٢٩ی کانوونی دووەمی ١٩٤٧ سیاتڵ، ویلایەتە یەکگرتووەکانی ئەمریکا
ھاوسەر	Roger Brent
پیشە	ژینناس، neuroscientist، مامۆستای زانکۆ، پزیشک
بواری کار	ژینناسی، زانستی دەماری
شوێنی کارکردن	زانکۆی پزیشکیی هارڤارد، زانکۆی واشینگتن، Fred Hutchinson Cancer Center
پەروەردە	زانکۆی کۆڵۆمبیا، زانکۆی واشینگتن، University of Texas Southwestern Medical Center، Roosevelt High School
پلەی ئەکادیمی	دکتۆرا
ئەندامی	National Academy of Sciences، پەیمانگای ئەمریکیی ھونەر و زانست، کۆمەڵەی ئەمریکی بۆ بەرەوپێش بردنی زانست، ئەنجومەنی پادشایی
وێبگە	http://www.hhmi.org/scientists/linda-b-buck
لە ویکیدراوە دەستکاریی زانیارییەکان بکە

لیندا بڕاون باک (بە ئینگلیزی: Linda Brown Buck؛ لە دایکبووی ٢٩ی کانوونی دووەمی ١٩٤٧) بایۆلۆجیستێکی ئەمریکییە، ئەو بەکارەکانی لەبواری ھەستی تامکردن ناسراوە. ئەو یەکێکە لە ھەڵگرانی خەڵاتی نۆبل. ئەو لە ئێستادا لە سەنتەری توێژینەوەی شێرپەنجەی فێرد ھەتچینسۆن کاردەکات.

لیندا لە ساڵی ٢٠٠٤، بەھاوبەشی لەگەڵ ڕیچارد ئەکسل خەڵاتی نۆبێل لە زانستی ئەرکی ئەندام و پزیشکی وەرگرت، ئەمەش لە پای کارەکانیان لە بواری ھەستی تامکردن بوو.

ژیانی کەسی

لیندا باک لە ٢٩ی کانوونی دووەمی ١٩٤٧ لە سیتل، واشینگتن لە دایکبووە. باوکی ئەندازیاری کارەبایی بوو، لەماوەی ژیانی خەریکی کاری دروستکردن و داھێنان بوو، دایکی ژنی ماڵەوە بوو کە کاتەکانی لەماڵەوە بە شیکارکردنی مەتەڵی وشەکان بەسەر دەبرد. لیندا دووەم منداڵی ماڵەوەیان بوو لە کۆی سێ منداڵ، کە گشتیان کچن. خێزانەکەیان منداڵەکانیان سەرپشک کرد بۆئەوەی بواری کارکردنی ژیانیان بدۆزنەوە، لەوکاتەوە لیندا بواری کارکردنی لە زانست بۆخۆی ھەڵبژارد.

لە ساڵی ١٩٩٤، لیندا ئاشنایەتی لەگەڵ ڕۆجەر برێنت پەیداکرد، ئەوان لە ساڵی ٢٠٠٦ ھاوسەرگیریان کرد.

خوێندن

لە ساڵی ١٩٧٥، لیند بەکالۆریۆسی بەدەستھێنا لە دەروونناسی و مایکرۆبایۆلۆجی لە زانکۆی واشینگتن. دواتر لە ساڵی ١٩٨٠، بڕواننامەی دکتۆرای لە زانستی بەرگری بەدەستھێنا لە زانکۆی سەنتەری پزیشکی باشووری ڕۆژاوای تێکساس لە داڵاس، ئەمەش لەژێر سەرپەرشتی پڕۆفیسۆر ئێلن ڤیتیتا بوو.