شێخ مارفی نۆدێ

لە ئینسایکڵۆپیدیای ئازادی ویکیپیدیاوە
(ڕەوانەکراوە لە شێخ مەعرووفی نۆدێەوە)
Jump to navigation Jump to search

شێخ مارفی نۆدێ (١٧٥٣ – ١٨٣٨) ناوی تەواوی سەید محەمەد ناسراو بە مارف کوڕی سەید مستەفا کوڕی سەید ئەحمەدە و باپیرەی سێزدەمینی سەید عیسای بەرزنجی کوری بابەعەلی ھەمەدانییە زانای ئایینی و خواناس، شاعیری کورد، باوکی کاک ئەحمەدی شێخ (ناسراو بە کاک ئەحمەدی سلێمانی) و باپیری شێخ سەعید و باپیرەگەورەی شێخ مەحموودی حەفیدە.[١][٢][٣] شێخ مارف خەتێکی خۆشی بووە و بە فارسی، عەرەبی و کوردی دەقی داناوە.[٤]

ژیان[دەستکاری]

شێخ مارف لە گوندی نۆدێی سەر بە شاری سلێمانی لە دایک بووە. پتر لە ٥٠ پەڕاوی ئەدەبی و ئایینی لێ بە جێ ماوە کە زۆربەیان لە کتێبخانەکانی ناوەوە و دەرەوە پارێزراون. شێخ مارف فەرھەنگی ئەحمەدی بۆ ئەحمەدی کوڕی داناوە کە بریتیە لە وشەی عەرەبی کە بە ھۆنراوە مەعناکانی بە کوردی لێکدراوەتەوە. کتێبی ئەحمەدی لە دوای شێخ مارف بووە بە یەکێک لە کتێبە سەرەتاییەکانی فەقێیانی کوردستان بۆ فێربوونی وشەی عەرەبی. شێخ مارف لە شاگردانی ئیبن حاج بووە. مەولەوی کورد شاعیر و خواناسی کورد لە شاگردانی ناسراوی شێخ مارفە.

شێخ مارف لە گردی سەیوان لە شاری سلێمانی نێژراوە و گۆڕەکەی بووەتە مەزارکێی پیرۆز و خەڵک سەردانی دەکەن.

پەراوێزەکان[دەستکاری]

  1. ^ "پارێزگای سلێمانی". slemani.gov.krd. Retrieved 2021-04-01.
  2. ^ کوردیپێدیا
  3. ^ چنارۆک Archived ١٧ی ئابی ٢٠١٠, لە وەیبەک مەشین.
  4. ^ Nūdahī, Muḥammad Maʻrūf ibn Muṣṭafá, or 1753-1838 or 1839; ‏النودهي، محمد معروف بن مصطفى. (2018). al-Rawḍah al-ghannā fī al-duʻāʼ bi-asmāʼ Allāh al-Ḥusná. Ūmīd ʻUmar Saʻdūn al-Bāwah Mardīyī, مرديي، اوميد عمر سعدون الباوه، (al-Ṭabʻah al-ūlá ed.). Bayrūt: Dār al-Kutub al-ʻIlmīyah. ISBN 978-2-7451-5071-4. OCLC 1028573117.

سەرچاوەکان[دەستکاری]

  • مێژووی ئەدەبی کوردی نووسراوەی عەلائەدین سەججادی، چاپخانەی مەعارفی بەغداد، ١٩٥١
  • کتێبی ئەحمەدی