سووزان دیکینسۆن

سووزان دیکینسۆن
لەدایکبوون	١٩ی کانوونی یەکەمی ١٨٣٠  Deerfield
مەرگ	١٢ی ئایاری ١٩١٣  (٨٢ ساڵ ژیاوە) Deerfield
گۆڕ	Wildwood Cemetery
پیشە	نووسەر، شاعیر
ھاوسەر	William Austin Dickinson
مناڵ	Martha Dickinson Bianchi

سوزان ھانتینگتۆن گیلبێرت دیکینسۆن (بە ئینگلیزی: Susan Huntington Gilbert Dickinson؛ ١٩ی کانوونی یەکەمی ١٨٣٠–١٢ی ئایاری ١٩١٣) نووسەر، شاعیر و سەرنووسەری خەڵکی ئەمریکا بوو. ئەو ھەروەھا براژنی ئێمیلی دیکینسۆنی شاعیر بوو.

ژیان

سوزان ھانتینگتۆن گیلبێرت لە ١٩ی کانوونی یەکەمی ١٨٣٠دا لە شاری دیێرفیڵدی کۆن (مێژوویی) لە ویلایەتی ماساچوسێتس لەدایکبووە. بنەماڵەکەیان پێنج مناڵی تریان بوو. لە تەمەنی یازدە ساڵاندا باوک و دایکی مردن و ھەتیو کەوت. سەرەتا دایکی لە ساڵی ١٨٣٧ و دوایی باوکی لە ساڵی ١٨٤١دا کۆچی دوایی کرد. لە ١٨٥٣دا بوو بە دەستگیرانی ئاستین دیکینسۆنی برای ئێمیلی دیکینسۆن و دواتر لە ١٨٥٦دا زەماوەندیان کرد.

کارەکان

سووزان لە ماوەی ژیانیدا چەند کاری خۆی چاپ کردووە و دوای مردنی ئێمیلی دیکینسۆن لە چاپی شێعرەکانی ئەو شاعیرەدا ڕۆڵی ھەبوو.

پەیوەندی لەگەڵ ئێمیلی دیکینسۆن

سووزان جگە لەوەی کە ھاوڕێیەکی نزیکی ئێمیلی دیکینسۆن بوو، ھاندەری ئەو بوو بۆ نووسینی ھۆنراوە. ئێمیلی دیکینسۆن شێعری زۆری دەربارەی سووزان نووسیوە. بڕێک بڕوایان وایە کە پەیوەندییەکەی ئەو دوانە ڕەنگە ڕۆمانتیکییش بووبێت.