دەروازە:ڕۆمانەکان/دەقی ھەڵبژێردراوی ڕۆمان
دەقی ھەڵبژێردراوی ڕۆمان ١
دەروازە:ڕۆمانەکان/دەقی ھەڵبژێردراوی ڕۆمان/١
باوکم وتی نامھەوێ لێرە بمرم.
+ تری پرسی، چی بووە؟ حەز لە دیوەکەت ناکەیت؟
- دیوەکەم خۆشە، کێشەم لەگەڵ ئەم وڵاتەیە....دەمھەوێ لە ماڵە خۆم بمرم
+ کاتێک دەڵێی ماڵ مەبەستت....
- مەبەستم ئوسترالیایە...
+ تری بە نەرمی وتی، خۆت بە باشی دەزانیت کە ئەمە ناکرێت
- دەزانم، بەڵام بە ھەر حاڵ دەگەڕێمەوە بۆ ئوسترالیا...
جاسپێر: مەگەر تۆ نەتوت ناسیۆنالیزمی نەخۆشییە؟
-ئێستاش وا دەڵێم. بەڵام ئەم نەخۆشییە وا دیارە بۆخۆشم تووشی بوومە، لەگەڵ کۆمەڵێک نەخۆشیی تر. ھیچ ھۆکارێکیش شک نابەم بۆ دەرمانکردنی نەخۆشییەکی وەھا بچووک، لە کاتێکدا خەریکم بە نەخۆشییەکی گەورەتر دەمرم.
دەقی ھەڵبژێردراوی ڕۆمان ٢
دەروازە:ڕۆمانەکان/دەقی ھەڵبژێردراوی ڕۆمان/٢
«مرۆڤ تا دیلە ژیانی مانایەکی قووڵی ھەیە، ھیچ شتێک وەک دیلی و کۆیلەیەتی مانا نادات بە ژیان، چونکە ئەو کات مرۆڤ لە شەڕێکی مەزندایە بۆ ئازادی، بەڵام ھیچ شتێک وەک ئازادی مانای ژیان ناخاتە مەترسییەوە. ھیچ شتێک وەک سەربەستی لەسەر مانای ژیان پڕ مەترسی نییە. لە ئازادیدا مرۆڤ شەیدایی و خولیای خۆی بۆ مانا لەدەستدەدات. مرۆڤی ئازاد دەشێت مرۆڤێکی بێمانا بێت، بەڵام گەورەیی مرۆڤ ئەوە نییە لە کۆیلەیەتیدا بۆ مانا بگەڕێت، بەڵکو ئەوەیە لە ئازادیدا بۆی بگەرێت.»
دەقی ھەڵبژێردراوی ڕۆمان ٣
دەروازە:ڕۆمانەکان/دەقی ھەڵبژێردراوی ڕۆمان/٣
قەت نابیستن وەرزشوانێک لە ڕووداوێکی دڵتەزێندا ھەستی بۆنکردنی لەدەست بدات. ئەگەر گەردوون بڕیار بدا وانەیەکی دڵتەزێن فێری ئێمەی مرۆڤ بکات، کە ھەڵبەت ئەو وانەیە بە ھیچ کەڵکی ژیانی داھاتووشمان نەیێت، ئاشکرایە کە وەرزشوان دەبێ لاقی لە دەست بدا، فەیلەسووف مێشکی، نیگارکێش چاوی، ئاوازدانەر گوێی و ئاشپەز زمانی...!
وانەی من چ بوو؟ من ئازادیمم لە دەست دا...
دەقی ھەڵبژێردراوی ڕۆمان ٤
دەروازە:ڕۆمانەکان/دەقی ھەڵبژێردراوی ڕۆمان/٤
ئەگەر بڕیار بوایە سەر لە نوێ بژیمەوە، وەک پاولی بەردێکی گەورەم لە دەوری ملی خۆم دەبەست و خۆم فڕێ دەدا ناو دەریا. ژیان تەنانەت بۆ ئەو کەسانەش کە دڵخۆشن سەختە.
دەقی ھەڵبژێردراوی ڕۆمان ٥
دەروازە:ڕۆمانەکان/دەقی ھەڵبژێردراوی ڕۆمان/٥
سەرەتا حەزم لە فەلسەفە و مێژوو دەکرد، وەلێ نەخۆشی و لەجێکەوتنم وایان لێکردم حەز بە خوێندنەوەی ڕۆمان بکەم...ڕۆمان لەنێو ئەو چوار دیوارەدا دەریدەھێنام، سەفەری خۆشی پێ دەکردم، سواری ئەسپی ڕۆمانێک دەبووم و دونیا دەگەڕام، شاخ و کێو و دەربەندەکان، پێدەشت و بیابانەکان، کانی و جۆگەلە و ڕووبار و دەریا و ئۆقیانووسەکان، وڵاتان...میللەتان....کۆشکی بلوورینی سەدەھا دڵی ئاوەدان، کەلاوەی ڕووخاوی نێو ناخی ھەزارەھا ژن و پیاوی بێ ناونیشان، خەمی خۆم، ھی خەڵکی، سەرکەوتن و بەزین، چیرۆک و ڕۆمان ببوونە دوو باڵی ئەو سیمرخەی سواری پشتی دەبووم و دەیبردمە حەوت تەبەقەی ئاسمان، لەناو تەنیایی خۆم قسەم لەگەڵ نووسەرەکان دەکرد...ئەوانەی سەدەھا ساڵە مردوون....دەیەھا ساڵ...خۆم دەدواند....دۆستۆڤسکی-م زۆر دەدواند. کەس وەک ئەو چیرۆکی داڕووخان و نەھامەتی مرۆڤ ناگێڕێتەوە، زوو زوو تکام لێ دەکرد میوانم بێ...دڵی نەدەشکاندم... دەھات.
دەقی ھەڵبژێردراوی ڕۆمان ٦
دەروازە:ڕۆمانەکان/دەقی ھەڵبژێردراوی ڕۆمان/٦
ئاسمان و زەوی بۆ تۆ کراوەن... من نەک خۆم بەڵکوو میللەتەکەشم ھێشتا نەچۆتە ناو ھیچ جوگرافیا و مێژوویێکەوە ...
واتا خاکێک نییە، تەواو ھی خۆمان بێت و بە سەربەستی بە سەریەوە بنیشێینەوە، سەرەتا کە ھاتی وتم کە تۆ تەنیا خۆت لە خاچ دراویت .. من وا مەزەندە دەکەم کە لە چاوی مندا خاک و خەڵکەکەم پێکەوە لە خاچ دراوین و چوار مێخەمان کێشراوە و لە ئەزەلەوە تا ھەنووکە خوێنمان لێ دەچۆڕێت...
عیسای برام گەر چوویتەوە ئاسمان بە ھەمووان بڵێ .. بە یەزدان و فریشتەکانی کە ئێمەش بەندەوارەکانی ئەوین زۆر دەمێکە بە سەر خاچەوەین و کەس نەھات دامان بگرێت...