زۆربای یۆنانی

لە ئینسایکڵۆپیدیای ئازادی ویکیپیدیاوە
باز بدە بۆ: ڕێدۆزی، گەڕان

زۆربای یۆنانی ڕۆمانێکەلەلایەن نوسەری بەناوبانگ نیکۆس کازانتزاکیس نوسراوەتەوە، ڕۆمانەکەباس لەکەسایەتی پیاویکی ڕۆشنبیردەکات بەناوی باسێل کەنوقمی جیھانی خوێندنەوەبووەلەگەشتەکەیداچاوی بەپیاوێکی نەخوێندەواردەکەوێت، قوتابخانەی ئەم پیاوەبریتیەلەژیان و ئەزمونەکانی کەزوودەبن بەھاوڕێی یەکترباسێل زۆرشت لەم پیاوەفێردەبێت کەپێشترلەپەرتووکەکانیشی نەخوێندبوەوە، بەوھۆیەوەبڕیاردەدەن پڕۆژەیەک ئەنجام دەدەن بەوپارەیەی کەباسێل لەباوکیەوە بۆی بەجێمابوو ئەم پیاوەنەخوێندەوارەناوی زۆربایە، دەزگای ھۆڵیودفیلمێکی لەبارەی ئەم ڕۆمانەوەبەرھەم ھێناوەبەھەمان ناونیشان (زۆربای یۆنانی) کەئەکتەری بەناوبانگ (ئەنتۆنی کوین) ڕۆڵی سەرەکی تێدابینیوە.

کەسایەتی زۆربا[دەستکاری]

زۆرباکەسایەتی ڕاستەقینەی ناوەوەی نیکوس کازانتزاکیسی نووسەرە کەلەچەند دەستنووسێکی ئاماژەی پێداوە، کەزۆرخولیای ئەوکەسایەتیەی ناوناخی بوەو ڕۆمانەکەشی بەناوکردوە، بەشێوەیەکی زۆرمەزن پێیداھەڵداوەو، وەھای ناساندوەکەکەسێکەزۆردڵی بەژیانەوەخۆشەوغەمباری ناناسێت تەنانەت لەکاتەزۆرزۆرسەختەکانیشدا سەمادەکات جۆرەسەمایەک کەئێستابە (سەمای زۆربا) بەناوبانگە، لەم سەمایەدا وەک چۆلەکەیەک ھەڵدەفڕێت و ھەرچی ھەیەلەدەوروپشتی لەمرۆڤ و باڵندەو بێگیانەکان لەبیردەکات.

زۆربا کەسایەتی باسێل بە "سەرۆک"بانگ دەکات ئەم دەستەواژەیە لە یۆنان بۆ کەسانێک بەکاردێت کە بەرھەم  ھێنان دەکەن لە ڕێگای پارەوە بەتایبەت ئەوانەی بەرھەم ھێنان لە دەرھێنانی خەڵوزدەکەن لە کانەکان دا، ھەربۆیەکاتێک لەگەڵ باسێل (سەرۆک) لە کانەیەکی خەڵوز زەرەرمەند دەبن، زۆربا بڕیاردەدات بچێت بۆ شار و کەلوپەلی کاری زیاتر بھێنێت وە سامان و پارەی سەرۆک لەگەڵ خۆی دەبات، کاتێک دەگاتە شار بۆ پشوودان سەردانی مەیخانەیەک دەکات، لە مەیخانەکە دا شۆخێکی جوانکیلە دەبینێت و ھەستی پیاوەتی دەبزوێت و ھەرچی پارە و سامانی سەرۆک ھەیە بەسەری دا دابەش دەکات، وەنامەیەکیش بۆ سەرۆک دەنووسێت کە شتێکی کردوە ھەرپیاوێکی تر بێت لە جێگای ئەو ھەمان شت دەکات. 

زۆربا کە کەسێکی نەخوێندەوارە و ھیچ شتێک لە بارەی پەرتووکەوە نازانێت لە بەرامبەردا "سەرۆک" ی ھاوڕێی خوێنەرێکی زۆر کوشندەیە، دەبنە دوو ھاوڕێی خۆشەویستی یەکتر و نابێتە سەرھەڵدانی ھیچ کێشەکی ھیزری و ڕۆشەنبیری لە نێوانیان، جگە لە نەبوونی بەرژەوەندی و خۆویستی دەبنە تەواو کەری یەکتر. ھەریەکەیان خۆی بەتەواوکەری ئەوی تر دەزانێت.

وەرگێڕانەکان[دەستکاری]

لە ساڵی ٢٠١٢ " دەزگای کازانتزاکیس " ھەموو بەرپرسیاریەتەکی لە بەرھەم و داھێنان و شاکارەکانی کازانتزاکیسی خستە ئەستۆی خۆی کە نازناوی " شاکارە جیھانیەکان " یان لێنا، کە ھەرچی بڵاوکراوە و چاپەمەنی بەرھەمەکانی ھەیە مافەکانیان پاراست، ھەمان دەزگا ھەڵسا بە وەڕگێڕانی (زۆربای یۆنانی) لە دانە ڕەسەنەکەوە بۆ زۆربەی زمانە جیھانیەکان وەک زمانی ئینگلیزی و فەڕەنسی.

لەسینەمادا[دەستکاری]

دەرھێنەری یۆنانی "مایکڵ کاکۆیانیس" لە شەستەکانی سەدەی ڕابردوو لە ھۆڵیود ھەستا بە گواستنەوەی ڕۆمانەکە بۆ سەر شاشەی سینەمایەکان بە پاڵەوانیەتی ئەنتۆنی کوین، وایرین باباس و ئالان بیتس و مۆسیقاکاری یۆنانی میکیس تێۆدۆڕاکیس لەژێر ناونیشانی " ئەلکسیس زۆربا ".

سەرچاوەکان[دەستکاری]

بەستەرە دەرەکیەکان[دەستکاری]