دڵخواز بینگۆل
دڵخواز بینگۆل | |
|---|---|
| لەدایکبوون | ١٩٦٦ |
| مەرگ | ١٤ی تەممووزی ٢٠٠٦ |
| ھۆکاری مەرگ | کوشتن |
| نەتەوە | کورد |
| پیشە | سیاسەتوان، گەریلا |
| چالاکبوون | ١٩٨٨-٢٠٠٦ |
| حیزبی سیاسی | پارتی ژیانی ئازادی کوردستان |
مەحمەت عەلی ئالگونەرھان (بە تورکی: Mehmet Ali Algunerhan) ناسراو بە دڵخواز بینگۆل (١٩٦٦ لە سانجاک - ١٤ی تەممووزی ٢٠٠٦ لە کۆساڵان) چالاکوانێکی سیاسیی کورد، و ئەندامی مەجلیسی پارتی ژیانی ئازادی کوردستان بوو کە لە ساڵی ٢٠٠٦ لە لایەن ھێزە سەربازییەکانی کۆماری ئیسلامیی ئێران کوژراو.
ژیان
[دەستکاری]مەحمەت عەلی ئالگونەرھان لە ساڵی ١٩٦٦ لە شاری سانجاک لە پارێزگای بینگۆل لە باکووری کوردستان لە دایک بوو.[١] لەگەڵ بنەماڵەی کۆچی کرد بۆ ئەورووپا. سەرەتای ئاشنایی لەگەڵ بزۆتنەوەی ئاپۆییست لە ئەورووپا بوو و لە ساڵی ١٩٨٨ لە وڵاتی فەڕەنسا چالاکییەکانی لەگەڵ پارتی کرێکارانی کوردستان دەستیپێکرد. بە دوای ماوەیەک ئەورووپای بە جێ ھێشت و ھاتەوە بۆ کوردستان و لە ساڵی ١٩٩١ وەکوو گەریلا لە چیای قەندیل بوو بە ئەندامی ئارتەشی ڕزگارکەری گەلی کوردستان (ئارگەکە) کە لەو کاتە ھێزی چەکداری پارتی کرێکارانی کوردستان بوو.[١] دڵخواز بینگۆل لە دامەزراندنی پارتی ژیانی ئازادی کوردستان لە ساڵی ٢٠٠٤ ڕۆڵێکی ھەرە کاریگەری بوو و وەکوو یەکێک لە دامەزرێنەرانی ئەو حیزبە تا کاتی کوژراونی ئەندامی مەجلیسی ئەی حیزبە بوو. دڵخواز بینگۆل بۆ کاری سیاسی و ئەندامگرتن بۆ پارتی ژیانی ئازادی کوردستان بۆ ماوەیەکی زۆر لە ڕۆژھەڵاتی کوردستان و ناوچەکانی ئێران چالاک بوو و لە پارێزگاکانی کرماشان و ئیلام و لوڕستان ھەتا لەناوی کوردەکانی تاران و خۆراسان چالاکیی کرد.[٢]
کوژران
[دەستکاری]دڵخواز بینگۆل لە ١٣ی تەممووزی ٢٠٠٦ لە چیای کۆساڵان لە نزیکی شاری مەریوان لە ڕۆژھەڵاتی کوردستان کەوت لە بۆسەی ھێزە سەربازییەکانی حکۆمەتی ئیسلامیی ئێران و لەگەڵ گەریلایەکی دیکە بە ناوی ئیسماعیل سوجای لە ١٤ی تەممووز کوژراو.[١]
سەرچاوەکان
[دەستکاری]- ^ ئ ا ب ئیکورد دەیلی: ئێران: ئەندامی مەجلیسی پەژاک لە پێکدادان لەگەڵ ھێزە سەربازییەکانی ئێران شەھید بوو، نووسراو لە ٢٤ی تەممووزی ٢٠٠٦؛ ١٥ی تەممووزی ٢٠١٩ لە وەیبەک مەشین، ئەرشیڤ کراوە. سەردان لە ١٥ی تەممووزی ٢٠١٩.
- ^ مازیبن: ڕاگەیاندنامەی پەژاک سەبارەت بە شەھیدبوونی ھەڤال دڵخواز، نووسراو لە ١٢ی ئابی ٢٠٠٦؛ ١٦ی حوزەیرانی ٢٠١٤ لە وەیبەک مەشین، ئەرشیڤ کراوە. سەردان لە ١٥ی تەممووزی ٢٠١٩.
