شەھرەزاد (زنجیرەی تەلەڤیزیۆنی)

شەھرەزاد
چەشن	دراما خۆشەویستی ئاکشن ڕازئامێز
نووسەر	حەسەن فەتحی نەغمە سەمینی
دەرھێنەر	حەسەن فەتحی
ئەکتەران	شەھاب حوسێنی عەلی ناسریان تەرانە عەلیدۆستی مستەفا زەمانی پەریناز ئیزدیار مەھدی سوڵتانی مەحموود پاکنیەت
بابەتی مۆسیقای ئاوازدانەر	فەردین خەلاتبەری ئەمیر تەوەسوڵی
وڵاتی بەرھەمھێنەر	ئێران
زمان	فارسی
ژمارەی ئەڵقەکان	٢٨
بەرھەمھێنان
بەرھەمھێنەر(ان)	محەممەد ئیمامی
شوێنەکانی تۆمارکردن	تاران
ماوەی پەخش	٦٠ خولەک
کۆمپانیای بەرھەمھێنەر	گرووپی فاتمی
دابەشکەر	Film Net & Tasvir Gostar Pasargad
پەخش
فۆرماتی وێنە	١٦:٩
بڵاوبوونەوەی ڕەسەن	١٤ی تشرینی یەکەمی ٢٠١٥ – ٩ی ئایاری ٢٠١٦
گرێدان بۆ دەرەوە
ماڵپەڕی فەرمی

شەھرەزاد (بە فارسی: شهرزاد) زنجیرەیەکی تەلەڤیزیۆنیی خۆشەویستی و مێژووییی وڵاتی ئێرانە. زنجیرەکە لەلایەن حەسەن فەتحی و نەغمە سەمینی نووسراوە، و لەلایەن حەسەن فەتحییەوە دەرھێنراوە. کاتی ڕووداوەکانی زنجیرەکە لە دەوری کودەتای ١٩٥٣ی ئێرانە. ئەم زنجیرەیە لەلایەن وەزارەتی کەلتوور و ڕێبەرایەتیی ئیسلامیی ئێرانەوە ڕێی پێدراوە، بە شێوەی سەرھێڵ و دی ڤی دی بەردەستە. ئەکتەرە سەرەکییەکانی زنجیرەکە تەرانە عەلیدۆستی، شەھاب حوسێنی، پەریناز ئیزدیار، عەلی ناسریان، و مستەفا زەمانی. زنجیرەکە بەرھەمی ٢٠١٥یە. پێک دێت لە ٢٨ ئەڵقەی ٦٠ خولەکی.

چیرۆک

چیرۆکەکە لەبارەی خۆشەویستی نێوان دوو گەنجە؛ شەھرەزاد و فەرھاد، شەھرەزاد خوێندکاری پزیشکییە، و فەرھادیش خوێندکاری زانکۆیە و لە ھەمان کاتیش لە بەشی ئەدەبیی گۆڤارێک نووسەرە. باوکەکانی ئەو دوو گەنجە بەردەست و پیاوی ئاغایەکن بە ناوی بزورگ ئاغا، کە ڕێستۆرانتێکی داوە بە باوکی شەھرەزاد (جەمشید) و فەرشفرۆشییەکیش بە باوکی فەرھاد (ھاشم).

بوزورگاغا ژنەکەی و دوو کوڕی لە ڕووداوی ھاتوچۆ لەدەست داوە، تەنیا کچێکی بە ناوی شیرین ماوە، کە کردوویەتی بە ژنی برازایەکی بە ناوی قوباد، کێشەی ئەو ژن و مێردە ئەوەیە کە منداڵیان نابێت.

کاتی چیڕۆکەکە لە دوای کودەتاکەی ١٩٥٣ی ئێرانە، لە ماوەی گرژی و ئاڵۆزییەکانی ئەو کودەتایە فەرھاد تاوانباردەکرێت بە کوشتنی پیاوێک و بەمەش تووشی گرتن دەبێت، و سزای کوشتنی بەسەر دەسەپێندرێت؛ بەڵام بەھۆی ھەوڵی بزورگاغا ڕزگاری دەبێت.

شەھرەزاد کە ماوە ماوە سەردانی ماڵی بزورگاغا دەکات بە مەبەستی دەرزی لێدان لە بوزورگاغا، لەو ماوەیە بزورگاغا داوای ئەوەی لێ دەکات کە ھاوسەرگیری لەگەڵ قوبادی زاوای بکات، سەرەڕای ناقایلیی شەھرەزاد بەم داوایە بەڵام ناچاردەکرێت بە شووپێکردنی. سەرەتای ھاوسەرگیریی شەھرەزاد و قوباد پەیوەندی نێوانیان لاوازە بەڵام دواتر ئاسایی دەبێت، بەتایبەتی قوباد کە خۆشەویستییەکی زۆر بۆ شەھرەزاد دەنوێنێت. ئەوان کوڕێکیان دەبێت، ئەم منداڵبوونە زۆر کار لە شیرینی کچی بزورگاغا دەکات، ڕقوکینەی بەرامبەریان زیاد دەبێت و تووشی نەخۆشیی دەروونی دێت. بەبیانووی خراپیی باری دەروونیی شیرین و کەمبایخبوونی لای قوباد، بزورگاغا قوباد ناچار دەکات کە لە شەھرەزاد جیاببێتەوە، بەمەش کێشەکان قووڵتر دەبنەوە.

فەرھاد لە پاش ھاوسەرگیری شەھرەزاد لەگەڵ قوباد تووشی چەند گرفتێک دەبێت کە پەیوەندیدارن بە بابەتی کوشتن و دەستگیرکردنەکەی. ھەروەھا دەکەوێتە داوی خۆشەویستی ژنێکەوە بە ناوی ئازەر، بەڵام ماوەی خۆشەویستییەکەیان کەمە، بە خۆکوشتنی ئازەر کۆتایی دێت.

دوای ھەموو ئەو ڕووداوانە جارێکی تر فەرھاد و شەھرەزاد لەگەڵ یەکتر دادەنیشنەوە و یەکتردەبینن و بڕیاری ھاوسەرگیر دەدەن.

وەرزەکان

زنجیرەکە سێ وەرزی لێ بەرھەم ھێنراوە.

ئەکتەران

ئەکتەرانی زنجیرەکە، لە ڕێوڕەسمی تەواوبوونی زنجیرەکە لە تاوەری میلاد.

ئەکتەر	ڕۆڵ	ڕوونکردنەوە	وەرز
علی نصیریان	بوزورگ ئاغا دیوانسالار	باوکی شیرین
تەرانە عەلیدۆستی	شەھرەزاد سەعادەت	ڕۆڵی سەرەکیی زنجیرەکە
شەھاب حوسێنی	قوباد دیوانسالار	مێردی شیرین و شەھرەزاد
مستەفا زەمانی	فەرھاد دەماوەندی	خۆشەویستی شەھرەزاد
پەریناز ئیزەدیار	شیرین دیوانسالار	کچی بوزورگ ئاغا و ژنی قوباد
مھدی سلطانی	ھاشم دەماوەندی	باوکی فەرھاد
ابوالفضل پورعرب	حیشمەت پاشایی	دەستڕاستی بوزورگ ئاغا
محمود پاکنیت	جەمشید سەعادەت	باوکی شەھرەزاد
ھومن برقنورد	سەرھەنگ تەیمووری	سەرھەنگی پۆلیس و دۆستی بوزورگ ئاغا
پرویز فلاحی پور	نوسرەت پاشایی	دەستڕاستی بوزورگ ئاغا
غزل شاکری	ئازەر گولدەرایی	خۆشەویستی فەرھاد
گلارە عباسی	ئەکرەم	ندیمە شیرین
جمشید ھاشمپور	سرگرد فولاد شکن	لێکۆڵەری پۆلیس
فریبا متخصص	مەرزییە	دایکی فەرھاد
سھیلا رضوی	پەروین	دایکی شەھرەزاد
مونا احمدی	سیمین سەعادەت	خوشکی شەھرەزاد
نسیم ادبی	حومەیرا سەعادەت	خوشکی شەھرەزاد
امیرحسین ڕستمی	بابەک یگانە	ھاوکار و ھاوڕێی فەرھاد
مینا وحید	مریەم مھرزاد	دەستگیرانی بابەک
پانتەآ پناھیھا	شەربت	دەستگیرانی تەقی ڕەفعەت
ڕامین ناصرنصیر	ھۆشەنگ	مێردی حومەیرا
امیرحسین فتحی	مملی (ھومایون مھتدی)	سیخوڕی حیشمەت
جمشید گرگین	بێھبوودی	دوژمنی بوزورگ ئاغا
مھران نائل	ئەرشەد	ھاوکاری فەرھاد
فرشید صمدی پور	ذبیح	نوچە بزرگ آقا
پرویز بزرگی	ڕجب	نوچە بزرگ آقا
محمد یگانھ	اسد	نوچە بزرگ آقا
ناھید مسلمی	بتول	دایە کبیر
ساقی زینتی	مەلمەل	خزمەتکاری ماڵی بوزورگ ئاغا
نھال دشتی	میترا دەماوەندی	خوشکی فەرھاد
منوچھر زندە دل	سەرھەنگ سوھەیلی	سەرھەنگی پۆلیس
ھادی قمیشی	شیروانی	دوژمنی بوزورگ ئاغا
حمیدرضا آذرنگ	ستوان محمدی	مسئول پروندە سوءقصد بە بزرگ آقا (مھمان)
بانی پال شومون	ئەسفەندیاری	ڕئیس آذر گلدرەای
عباس ظفری	پدر اکرم	بازیگر مھمان
پاشا جمالی	ئەسغەڕی	شاگردی ھاشم
پریسا صبورنژاد	سەعیدە	بەرگدروو و دۆستی شەھرەزاد
ڕەزا کیانیان	شاپوور بێھبوودی	برادر ناتنی شھرام بھبودی	٢٬٣

خەڵاتەکان

ساڵ	خەڵات	پۆلین	پاڵێوراو	ئەنجام
٢٠١٦	١٦ەمین خەڵاتی حافز
		باشترین زنجیرە	شەھرەزاد	براوە
		باشترین دەرھێنەر	حەسەن فەتحی	براوە
		باشترین ساوەند تراک	موحسین چاوەشی لەگەڵ سینا	پاڵێوراو
		باشترین ئەکتەری نێر	شەھاب حوسەینی	پاڵێوراو
			عەلی ناسریان	براوە
		باشترین ئەکتەری مێ	ترانە علیدۆستی	پاڵێوراو
			پەریناز ئیزدیار	پاڵێوراو
		خەڵاتی ئەزموونی ژیان	جەمشید حیشەمدپور	براوە

وەرگێڕانی کوردی

زنجیرەکە دوو جار وەرگێڕدراوە و دۆبلاژکراوە بۆ کوردی، لەلایەن کەناڵی تەلەڤیزیۆنیی نێوخۆییی بیابان و کەناڵی تەلەڤیزیۆنیی کوردسات. کوردسات زنجیرەکەی لە مانگەکانی تەممووز و ئابی ٢٠١٦ پەخشکرد لە ٣٣ ئەڵقە.

بەستەرە دەرەکییەکان

• ماڵپەڕی فەرمی